ممكن حد يقولى ازاى دا حصل واعمل اية ؟؟

[mohamed200]

المشاركة الأصلية كتبت بواسطة tarek/ على فكره ده مش حرامى عربيات مفيش حرامى بالجنتله دى يعنى هيستأذنك انوا هيسرق عربيتك بس المره الجايه علشان يبقى بعلمك والراجل مغلطش هههههههه ده اكيد واحد متغاظ من ركنتك دى وحب يرعبك بس كده ياأستاذى عربيتك اى حد يقدر يفتحها ويمشى كمان بيها لازم تاخد احتياطاتك"""""""""" يعنى زى ما الاخوه قالوا لك اعمل كل حاجه ومهم جدا مفتاح فصل الكهرباء ربنا يستر لان موضوع سرقه السيارات بقت حاجه فظيعه جدا اعقلها وتوكل وربنا معاك جت سليمه المره دى

تمام كده قولت اللى كنت عايز اقوله

[akerima]

بسيطة يا برنس انت معقدها ليه (متركنش هنا تاني)

متقلقش اوي كده هو اكيد مش حرامي هو واحد اتغاظ منك عشان يا راكن مكانو يا راكن قدام محل او حاجة عموما لو ليك علاقات كويسة في الشارع بتاعك اكيد حتعرفة وممكن تلاقية من نفسة جاي يتكلم معاك في الحوار دا

بس الاول انت متاكد انك كنت قافل العربية وانت طالع البيت عشان بمنتهي البساطة ممكن تكون نسيت تقفل السنتر وانت طالع وهو حب يبوظلك اعصابك بس او يكون فية باب مابيقفلش لما تيجي تقفل السنتر

[تامين سيارات]

ربك سلمها ان الى فتحها واحد مش حرامى و ممكن يكون فتحها من الزجاج الخلفى و موضوع الركنة دى مشكلة المشاكل و مالهاش حل خالص كان ممكن الحل من 20 سنة

[aymanay32]

المشاركة الأصلية كتبت بواسطة ehabnbd باختصار شديد ركنت عربيتى اسفل بيت ( مش ركنتى اللى متعود عليها ) الصبح وانا نازل فتحت العربية عادى جدا لقيت جواها ورقة على الدركسيون ومكتوب فيها ( متركنش هنا تانى والا هسرق العربية ) الاخ فتح العربية ودخل وخرج كما لو كان معاه المفتاح وعلشان يأكدلى كدا عمل شوية حركات تؤكد انه فتحها (طلع النظارة من الجراب وحطها على الطابلوة ، حط الـ MP3 على الدركسيون ، حاش معطر الجو من جوة الطابلوة حطة على الكرسي ) لكنة لم يسرق او يأخذ اى شئ ازاى قدر يعمل كدا وانا اعمل اية علشان متتكررش ؟؟ سيارتى هيونداى اكسنت 1500 سي سي ، بها سنتر بدون انذار او ريموت متاكد ان المفتاح معايا انا وبس. وشكرا جزيلا لردودكم ومقترحاتكم

يبقى اوعى تركن فى المكان ده تانى و روح كدة بص من بعيد على المكان ده و شوف العربية اللى بتركن فيه و لما تتاكد انها عربية ثابته بتركن فيه دائما
ابقى تلصص و حاول تشوف صاحبها و بعد كدة ابقى حاول فى مرة تتكلم معاه
بس بالراحة لانه ممكن يكون بلطجى او صاحب سوابق
و ابدا كلامك معه باعتدار انك ماكنتش تعرف ان ده مكانه و ركنت فيه بالغلط
و بعد شوية من الكلام معاه ابقى اساله هوه فتح العربية ازاى

و متنساش تبقى تقول لى النتيجة على الخاص

[غريبو99]

اعمل مفتاح فصل للموبينة بتاعة الكهرباء بسلك داخل العربية واخرة مفتاح فى مكان سرى علشان عربيتك ممكن تتسرق بكل سهولة طالما دخل العربية كان ممكن يدورها بسلكتين الكونتاك ويمشى زى الحلاوة
خلى بالك
وشكرا