عايز عربيتك ما تتسرقش، خش معايا

[هومه عبده]

وفقكم الله لكل خير والف شكر لمن يقدم خدمه او نصيحه فى هذا الموقع الرائع

[مهند سالم]

المشاركة الأصلية كتبت بواسطة هومه عبده والله فكره حلوه جدااااا بس هل هاتكون سهله بالنسبه لبنت ولا ايه وهل فيه صورة توضح كلام حضرتك مع الشكر

أنا برده بأنصح حضرتك تسألي الميكانيكي بتاعك على الفكرة، ولو رحب بيها -لأن أصلا النصيحة دي كانت نصيحة صنايعي لي، والفكرة دي معروفة جدا عند الصنايعية- فخلي الميكانيكي يعلمك إزاي تعمليها، وهتلاقيها إن شاء الله سهلة جدا
وعلى فكرة مش لازم تعمليها كل ما تركني، لأني حتى أنا ما بأعملش كدة، دي مجرد فكرة لازم حضرتك تكوني عارفاها لأن الظروف ممكن تضطرك ليها، ممكن تكوني في مكان خايفة منه، أو راكنة في مكان مريب، أو هتسيبي عربيتك أكثر من يوم في حتى مش موثوقة، أو عايزة ابنك أو بنتك في ظروف معينة ما تعرفش تاخد العربية،وحاجات كثير
يعني حاجة لازم نكون عارفينها للعلم بالشيء، وشكرا ليكي

[هومه عبده]

شكرا لك وافادك الله
مع العلم انى انسه والسيارة لااقودها ركناها تحت البيت لظروف لو دخلت فقرة انقذونى هاتعرف اشتريتها وكانت اول سيارة لى واتنصب عليه فيها بس الحمدلله على كل شئ

[atgps]

المشاركة الأصلية كتبت بواسطة مهند سالم مفيش مشكلة، إحنا بنتكلم عن العربيات إلا فيها وش اسبيراتير، وده أنا عمري ما شفته إلا بكلبسات سهلة جدا في الفك والتركيب، لكن عموما لو فيه بمسامير يبقى الحل ده مش هينفعه. أما بالنسبة إن وش الاسبيراتير يتكسر فالنقطة دي أنا مش فاهمها، لأن ببساطة وش الاسبيراتير ده مطاطي، يعني ما بيتكسرش، عبارة عن قمع مطاطي في طرفه سلك تخين بيقفل على التقسيمة إلا فيها الشاكوش، وشكرا

وش الاسبيراتير ليس مطاطى!! ولكن من الفايبر (البلاستيك الناشف) واذا كانت العربية 4 سلندر ستجد 5 أسلاك سميكة (كابلات) راكبة فيه (واحد للبوبينة وأربعة للبوجيهات).
اذا ركب كلبس واحد والآخر لم يركب باحكام، مع دوران الشاكوش بالداخل سيكسر وش الاسبراتير.

[مهند سالم]

المشاركة الأصلية كتبت بواسطة atgps وش الاسبيراتير ليس مطاطى!! ولكن من الفايبر (البلاستيك الناشف) واذا كانت العربية 4 سلندر ستجد 5 أسلاك سميكة (كابلات) راكبة فيه (واحد للبوبينة وأربعة للبوجيهات). اذا ركب كلبس واحد والآخر لم يركب باحكام، مع دوران الشاكوش بالداخل سيكسر وش الاسبراتير.

سامحني اللبس حصل عندي من إن إلا عندي مطاطي ، يعني وإلا شفته مطاطي، عموما ربط الكلبسات سهل جدا، وبرده الإنسان لازم يعمل حاجته بحرص ويطمن عليها ، يعني ثانية زيادة مش هتفرق، وعموما شرفت الموضوع وشكرا على مداخلاتك التي أثرت الموضوع وزادت من قيمته