ارجوكم ساااااااااااعدونى

[manooo80]

السلام عليكم ورحمة الله وبركاته

انا عايز اشترى عربيه بس يكون سعرها فى فى حدود 20000 الف ومحتار ما بين الفيات 128 وال 131
انا بسافر كل يوم 30 كيلو رايح و30 زيهم جاى عشان الشغل فمش عارف ممكن الاقى 131 بالسعر ده وتكون كويسه متقرفنيش فى التصليحات لانى ببقى على طريق واخاف تعطل بيه ولا اجيب 128 اظن ب 20000 هتكون كويسه بس ممكن متستحملش السفر كل يوم ولا دى مسافه بسيطه اللى انا بتكلم فيها مش عارف انا اكيد هستخير ربنا بس ما خاب من استشار وما ندم من استخار وانا طالب الشورى منكم بالله عليكم تساعدونى
وشكرااا

[محمد التمساحي]

السلام عليكم انا كان عندي 128 بتاعت والدي من 20سنه كانت شبه زيرو وبعتها من سنتين تلاته وجبت 131 من كام شهر مافيش مجال للمقارنه اتكل على الله 131 =10 عربيات128 بس هاتها حالة كويسه وشوف برضو راي باقي الاعضاء المحترمين لازم مشوورة ونصيحه من اخوك الصغير اوعى تستعجل ممكن تشوف عربيه واتنين وعشرة وتنزل السوق كذا مرة وماتشتريش لو مافيش حاجه كويسه ماتزهقش وتستسلم بسرعه وتقول ايع عربيه وخلاص لان لو جبت عربيه تعبتك وخصوصا انه واضح انها اول عربيه ليك هتخليك تكره نفسك وربنا يوفقك يارب للخير

[manooo80]

ربنا يكرمك يا محمد باشا بس انا كنت عايز اسال عن السعر هيكون فى حدود كام وازاى اعرف اذا كانت كويسه ولا لا والمشوار ده تاكل فيه بنزين اد ايه معلش انا اسف بس انت باين عليك زوق جدا وشخص اهل للثقه لانك رديت على موضوعى بسرعه

[محمد التمساحي]

العفو يا باشا على ايه بص يا سيدي الفاضل العربيه ال معايا ف السفر بتعمل 260/270 لكل 20 لتر بنزين 80 يعني مشوار حضرتك 60 كيلو رايح جاي ممكن ال صفيحه تعمل معاك 4 مرات رايح جاي وشويه صغيرة او اربع مرات حسب الطريق وو وو اما كويسه ولا لازم حضرتك تاخد فني او سمسار او خبير تثق فيه جدا ومش ايفني لان فيه بعض االميكانيكين والكهربائيه والسمكريه ضعاف في المهنه فبيكون حكمه ضعيف وحضرتك بكه تدبس ف العربيه ووممكن تاخد ميكانيكي مش امين يخليك تشتري عشان ياخد اجرته + كل يوم والتاني تروح تصلح عنده او تكون درايته بالميكانيكا فقط وما يعرفش شيء عن الصاج والعكس السمكري يكون فاهم ف الصاج بس ومش فاهم ميكانيكا يا اما تاخد الاتنين معاك او واحد شاطر بس سمكري او ميكانيكي كهربائي اي واحد يكون بيفهم كويس ف حالة العربيه انشالله حتى يكون واحد صاحبك ////اهم شيء دور عليه هو
اولا دواخل فابريكه يعني مش رشه من الداخل
ثانيا الات الجر( موتور وفتيس وكرونه) والعفشه تمام جدا
بعد كده الباقي سهل شويه كهربا // صالون يتنضف كده يعني

[حسام البورسعيدى]

عليك يا باشا وعلى ال 131 عربية عملية وممتازة واقوى طبعا من 128 بكتير .. لكن متشتريش الا لو كانت نضيفة قوى ..