حل لاى مشكلة خاصة بالسيتروين والبيجو والرينو واجابه لاى استفسارات مجانا

[tejani]

ستروين ax صوت كركبه فظيع في اول مشوار الفرامل رحت لكذا ميكانيكي يقولي مفيش حاجه
اخر واحد قالي السيرفو مع ان الفرامل مش بتصفر ولا بتحجر والاربي ام مش بينزل لما ادوس فرامل

[abdelbakywaleed]

صوت السلانسيه عندى صوته بيعتى وينزل والميكانيكى قاللى حساس البوابة هوا المشكلة عاوز اجيلك ياباشا تكشفلى على العربية

[sharyasn]

الاخ العزيز
كل عام وانتم بخير
وفالبداية شكرا على مجهوداتكم الرائعة لدعم اعضاء المنتدى
وعندى عدة استفسارات وذلك بعد شراء عربية رينو كليو موديل 2004 اتوماتيك وعاملة 100000 كيلو وحالة العربية وعيوبها كالاتى اولا جسم السيارة من الخارج والداخل سليم عدا كسر فى الرفرف الامامى وثانيا الموتور يوجد به رعشة بسيطة وتنتهى بعد المشى وصاحب العربية القديم افادنى بأنها محتاجة تغيير بوبينة للبوجية الرابع وثالثا يوجد بعض الخبطات عند السير فالطرق الغير مستوية واظن انها صوت مقصات وعداد السرعة لايعمل
اخير اود منكم الافادة بالتالى سعر الرفرف الامامى سعر المقاصات سعر البوبينة سعر حساس السرعة اماكن الاصلاح والورش علما بان هذة السيارة ليست لاستخدامى بل لاستخدام اختى وعلية لازم اصلاح كل عيوبها قبل استخدامها لها
وشكرا
محمد الشريف

[moustafa.peace]

استاذ فريد معلش انا عارف ان ده موضوع بره التلت انواع عربيات بس كنت عاوز اخد راى حضرتك فى الاسبرانزا a113 من حيث الكفاءة .... انا اسف للخروج عن الموضوع بس انا نفسى فى كلام انسان خبرة وعلى دراية بالموضوع شكرا لسيادتك ..... وممكن اى حد من الاعضاء يرد عليا

[nodey]

السلام عليكم اخي الفاضل استاذ فريد شكرا علي مبادرتك الجميلة ومش غريب علي اللي زي حضرتك ان تقدم النصح والمشورة
اعرفك بنفسي ابو خالد مقيم بالسعودية ومن عشقي للسيارات الاوربية وخاصة الفرنساوي
اقتنيت رينو كليو 2004 جير اتوماتيك عاملة 88000كم وللاسف سمعتها هنا بالسعودية مش قوي كل اللي موجود امريكي وياباني المهم عندي ثلاث استفسارات
الاول : جير السيارة وهي بارة وما اجي اقرص عليها احسه ينتش واحس بهبدة كدا وتثبت السرعة علي الثالث وتظهر لمبة علامة الجير في التبلوه ما هو حلها وما هي طريقة تغيير زيت الجير مش عارف اغيره ازاي ومنيين اوصل لطبة التصريف وطبة التعبئة لو في صور عند حضرتك يبقي تمام لان الميكانيكة هنا في الضياع
ثانيا : للمرة الثانية تنخرم قربة التبريد اللي مثبته في صدر العربية عند علبة زيت الفرامل وفكيت الرديتر وسلكته وغيرت المياه باصلية بتاع المرسيدس وبرضه بحس ان الضغط عالي في الخراطيش بتاع المياه حاسس ان الثرموستات باظ وله ايه مش عارف ايه سبب تكرار تلف قربة المياه دي وممكن نركب واحد اقل في درجة الحراة لانه حسب ما قرات انه بيفتح عند 89 درجة والحرارة بتزيد عن النصف بشرطتيتن عندها تعمل المروحة علي سرعة واحدة هل هي المورحة كدا ولا ليها سرعتين

ثالثا : في شوية قطع محتاجة لو حضرتك تذكرلي اسعارها وبلد الصنع اكون شاكر ولو ما عندكش مانع تشحنهم الي بلد قريب من كفر شكر اكون ممنون لحضرتك وشركة الشحن تسلم وتستلم وطبعا حضرتك هتكون عارف شركة الشحن دي وما اكثرهم في القاهرة لانه في واحد مسافر ممكن يجبهم لي هنا لاني بعاني من عدم توفر القطع للنوع ده من السيارات ومش عايز افرط فيها وربنا يعين
القطع هي ثيرموستات الحرارة ولو في اقل في الدرجة مثلا 76او 80 مثلا اواللي حضرتك تشوفه مناسب لجو السعودية لان الجو هنا ايه ناررررررر ودي صورة الثيرموستات



قربة المياه تكون جودة كويسة ودي صورتها

وكمان كويل اشعال ويكون فرنسي او الماني ودي صورته

وكمان سير الدينمو مقاسه 6pk1750mm
ودي صورته
ارجو الاهتمام بموضوعي لان الاخ اللي مسافر قرب ميعاد سفره شاكر لحضرتك
تقبل وافر تحياتي ابو خالد