بي ام ولا لانسر!!!

[medo akef]

اخباركم يا جماعه عملين ايه
انا دلوقتي بشتري لانسر 1.6 منيول 2008 لاني من هواه الجري و اللعب الكثير
لكن كنت من كام يوم معدي علي اجنس بي ام بس و اتفرجت علي العربيات الي عنده عنده من 316 ل330 كابورليه بس مرضتشي اتفرج علي الفئه الخمسه عشان متعقدشي
و الحقيقه اعجبت جدا ب318i 1999 يعني الشكل القديم الي ابل الموجود ده العربيه 6 اير باج و تكييف تاتش و طبعا موتور 1.8 و جنط 16 و كراسي كهرباء بس الي مدايق منه مفيش ولا عربيه فبريكه كله راشش بره
و ولله انا زهقت من التفكير صحابي يقولو بي ام ايه و وجع دماغ احنا لسه طلبه جامعه هتخرب بيتك و حرام عليك تبهدلها تخميس و حرق كل يوم و مش هتتبع و قطع غيار نار و صيانه نار و كرهوني فيها كالمعتاد في اي عربيه عجباني غير الانسر
و ناس تينا تقول صيانه ايه بس الي بدور عليها دي بي ام يا حبي بترمي القطعه و تنساها و هي دي اصلا عربيات الجري بهدل زي ما نات عاوز مش هتقول لا و هو انت بتشتري العربيه عشان تبعها دي معاك ل10 سنين علي الاقل تاخد كل خرها و حببوني في البي ام

هو عن نفسي لا عاوز اركب لا لانسر ولا بي ام انا عاوز اركب هندا او مرسيدس هما دول الي انا بحبهم فعلا بس في مصر الحبيبه العالم مختلف و بنشتري الي منتشر و بتحبه الناس
عاوزكم يا جماعه تشاركوني الاختبار و كل واحد يقول وجهة نظره عشان اشتري عن يقين لاني مبحبش اشتري اي حاجه الا لما اكون واثق انها الافضل

[hazem_khidr]

لو انت تفكيرك تجيب العربيه علشان التخميس يبقي لا البي ام و لا اللانسر
و الافضل تنتظر لحد ما تبقي متزن و رزين في سواقتك و تجيب عربيه تركبها مش تلعب بيها
علشان اللعب دا مش مضمون و مش ضامن الناس حواليك
تفرق كتير اوي انك تنزل منن بيتك علشان تروح جامعتك او شغلك و ترجع سليم
و انك تنزل علشان تخمس بالعربيه و تستعرض بيها قدام الشباب و يا عالم يا ترجع من غير العربيه
او لا قدر الله ترجع علي القسم بسبب انك خبط عربيه
او ترجع علي السجن علشان صدمت واحد و قتلته بسبب الاستهتار
ربنا يستر طريقك و طريق من حولك

[medo akef]

المشاركة الأصلية كتبت بواسطة hazem_khidr لو انت تفكيرك تجيب العربيه علشان التخميس يبقي لا البي ام و لا اللانسر و الافضل تنتظر لحد ما تبقي متزن و رزين في سواقتك و تجيب عربيه تركبها مش تلعب بيها علشان اللعب دا مش مضمون و مش ضامن الناس حواليك تفرق كتير اوي انك تنزل منن بيتك علشان تروح جامعتك او شغلك و ترجع سليم و انك تنزل علشان تخمس بالعربيه و تستعرض بيها قدام الشباب و يا عالم يا ترجع من غير العربيه او لا قدر الله ترجع علي القسم بسبب انك خبط عربيه او ترجع علي السجن علشان صدمت واحد و قتلته بسبب الاستهتار ربنا يستر طريقك و طريق من حولك

يا مان ربنا يستر معايا جميعا و لعب عن لعب يفرق انا من 7 سنين بلعب و الحمد لله معملتش ولا حادثه بسبب الجري او التخميس لحد دلوقتي
عموما انا لما بخمس بخمس انا و صحابي بس مبيكنشي في حد معايا
و لما بجري بجري بليل اوي في مكان مفهوش ناس علي رجليهم عمري ما بجري الا لما الطريق يبقا كله عربيات بس
بس بردو معرفتش رئيك يا مان اشتري ايه؟

[hazem_khidr]

برضه مالهاش كبير
و فعلا العربيتين دول مش حيستحملوا الكلام دا
البي ام اكيد اتوماتيك و الاتوماتيك مش ممتع نهائي في الدريفتات
بس طبعا البي ام في المجمل افضل من اللانسر

[lido123]

المشاركة الأصلية كتبت بواسطة hazem_khidr برضه مالهاش كبير و فعلا العربيتين دول مش حيستحملوا الكلام دا البي ام اكيد اتوماتيك و الاتوماتيك مش ممتع نهائي في الدريفتات بس طبعا البي ام في المجمل افضل من اللانسر

أنا باردو رأيي زيك يا باشا بس على ما أظن إن البي إم ملكة الجري و الحركات و كمان دي موديل 99 يعني عربية تستحمل لكن اللانسر 2008 بأحس فيها إنها مش معمولة للحركات و التخميس ...إلخ, فأنا من رأيي إن البي إم ملهاش مثيل "و ألماني عن ياباني يفرق"...........ptmnlo123 per171