لكل الخبراء فى Peugeot 205 ارجوا الافاده.

[mimmo86]

صباح الورد و الفل و الياسمين على احلى و اجدع اعضاء فى الدنيا
فى البدايه بحب اشكر كل اعضاء المنتدى على كل المجهود الى انا شايفه فى كل فرع من فروع المنتدى
فعلا الاعضاء مش سايبين حاجه و الكل بيساعد و بيخدم.
مره ثانيه الكم كل الشكر و التقدير

ثانيا بقى انا بصراحه كنت عايز اشترى عربيه تكون بنت ناس و كويسه فى حدود 20000 - 22000 جنيه ده كحد اقصى لانى نشتغل فى شركة سياحه و زى ما الكل عارف السياحه بعافيه بقلها كام سنه و محدش عارف هتقوم امتى فبالتالى لازم اقتصد على قد ما اقدر و افكر كويس.
ماعلينا الحمد لله ربنا عطرنى على حد ابن حلال خلصت معاه عربيه بيجوا 205 على 19250جنيه مواصفتها كالاتى:-
المتور 1400 سى سى (الاسود) (75%) - جنوط اسبور 15 - كاوتش عريض - عتب ار بى ام - اسبويلار, العربيه بسم الله ما شاء الله فبريكه بره و جوه و مرشوشه بره نضافه
اولا احب اعرف راي اصحاب الخبره هل كان السعر مناسب فى وقتنا الحالى ولا كان حراق لان فى بعض الناس قالتلى انه غالى.

ثانيا:- العربيه رحض اضبطلها زوايه الراجل قالى ان بيض المقصات تعب و محتاج نغير المقسات و المساعدين قدام, فايريت تقولولى اسعار المقصات و المسعدين كام جديده و استيراد و انواع الجديد منها و ايه الافضل ليا

ثالثا بقى و بتمنى انى مكنش طولت عليكم:
العربيه و انا ماشى بيها بتبطل منى و بستنى عليها شويه ترجع تدور تانى و بعد شويه و انا ماشى بيها تروح مبطله و بعدين اسبها شويه و بعدين ترجع تدور ..
انا بصراحه محتار هل دى مشكله نضافه لان صاحبها كان بيحطلها بنزين 80 و اغيرلها فلتر البنزين ولا دى ممكن تكون مشكله بوجيهات و كهرباء ... ارجوا الافاده

برجوا انى ماكنش طولت عليكم و الكم كل الشكر و التقدير

[mr_astra]

الموضوع دة هايفيدك جدااااااااا

http://masrmotors.com/vb/showthread.php?t=106284
بالتوفيق

[احمد على 1999]

هل لمبة ال check الصفرا منورة ؟
لو منورة لازم سكان
برضه احتمال تكون قاعدة الفيوزات اللى فى الماتور ملمسة و مع السخونية بتفصل

[mimmo86]

المشاركة الأصلية كتبت بواسطة mr_astra الموضوع دة هايفيدك جدااااااااا http://masrmotors.com/vb/showthread.php?t=106284 بالتوفيق

شكرا اخويا Mr. Astra على المساعده
بس انا خلاص خلصت فى واحده بيجوا 205 بس كان سؤالى اذا كان السعر الى انا اشتريت بيه 19250 كويس ولا غالى .

و بردوا كنت بتمنى حد يقدر يقولى اسعار المقسات و المساعدين الامامى ل 205 جديد كام و استيراد كام ... و لو جديد ايه الانواع الى بتنزل منوا و مين فيهم الافضل و من وين اقدر اشترى قطع الغيار

[mimmo86]

المشاركة الأصلية كتبت بواسطة احمد على 1999 هل لمبة ال check الصفرا منورة ؟ لو منورة لازم سكان برضه احتمال تكون قاعدة الفيوزات اللى فى الماتور ملمسة و مع السخونية بتفصل

يا باشا شكرا لردك السريع .. اللمبه مش منوره ز بعدين مافيش سخنيه خالص لان احيانا بتكون العربيه مبطله اصلا و لما اجى ادورها بدور و بعدين تبطل تانى
مع العلم ان البطاريه جديده و لسه بضمنها