من فضلكم .. استفسار عن Honda cbr 1100 xx Blackbird

[KHOLIO123]

اخوانى واحبائى اعضاء المنتدى الأفاضل ..[IMG]http://www.**********.net/Nile/images/smilies/120105%7E352.gif[/IMG]
انا قدامى Honda cbr 1100 xx Blackbird موديل 99 وعاملة حوالى 20000 ك.م
وهى حالتها حلوة وسليمة و منمرة وكنت عاوز اعرف السعر المناسب ليها كام وميزاتها وعيوبها وقطع غيارها موجودة ولا لأ ومكلفة ولا بسيطة واى معلومة عنها

ولو فيه مقارنة مع ال 900 -99 ايهما افضل اكون شاكر ليكم
اسف للأطالة بس حقيقى ردودكم هتساعدنى كتير فى القرار المناسب
فى انتظارخبرتكم وردودكم المفيدة
تحياتى[IMG]http://www.**********.net/Nile/images/smilies/shine%5B1%5D.gif[/IMG]

[Injection]

أنا هحاول أقول فى حد علمى, وأرجو أنى أقدر أساعد حضرتك.

ده لينك لصفات ال 1100

البايك دى ماشاء الله قوية جدا, وكانت معمولة أصلا علشان تنافس الكاوزاكى فى لقب أسرع دراجة فى العالم.

بس هفتى شوية بقى, البايك دى نادرة أوى يمكن أندر من النينجا كمان, والنادر قطع غياره بتبقى نادرة ومش منتشرة وطبعا غالية, وبرضه فى الغالب لو حصل حاجة لاقدر الله هتضطر تروح مشوار لبورسعيد أو حد من التجار الكبار اللى فى القاهرة يجيب لحضرتك قطع الغيار.

ومتهيألى سعرها هيبقى كويس نظرا لعدم أنتشارها.

ودى معلومات عن ال 900 rr

وطبعا ال 1100 أقوى وأسرع بمراحل من ال900 ,وهتلاقى سعرهم متقارب نظرا لأنتشار ال900 على عكس ال1100, وقطع الغيار المنتشرة أكثر من ال 1100.

ال 1100 بتعمل 150 حصان و115 نيوتن وال900 بتعمل 125 حصان و 94 نيوتن, فال 1100 تكسب بالعشرة فى الأداء.

بس طبعا لولا عادات الشعب المصرى العجيبة فى الأهتمام بالمنتشر, ال 1100 تكسح ال900 فى كل حاجة.

وال 900 كاربراتير وال 1100 أنجكشن.

أنا حاولت أفيد حضرتك على قد خبرتى, بس للأسف أنا مش خبير موتوسيكلات, وأدينا مستنين حد خبرة ييجى يورينا الطريق.

[omarken]

انا متهيألى ان ال 900 هيكون اختيار افضل
طبعا زى ما العضو انجكشن قال
لنفس الأسباب
1:- قطع الغيار
2 :- التداول هيكون اسرع فى ال 900
وده نظرا لإنتشارها
عموما ربنا يوفقك فى الاختيار الصحيح