#1
|
|||
|
|||
مراحل تلميع السيارة...بالصور بعد اذن طبعا لانسر استيل
النهارده لقيت موضوع شبيه الي حد كبير بموضوع لانسر استيل بس طبعا موضوع لانسر استيل افضل من ده بمراحل بس ده للي يحبيقرء اكتر في الموضوع المهم ده
حاجة مهمة قبل ما تبدأ تشميع انك تكون مديها وش بوليش و تغسلها كويس...انا استعجلت و شمعتها علطول من غير البوليش...عشان كده النتيجة المفروض تطلع احسن... اتأكد انك هاتشتغل في مكان مظلل و بعيد عن اشعة الشمس المباشرة و التراب.. الأدوات المستخدمة: كيس قطن طبي كومباوند لازالة الخدوش : واكس Armor-All صناعة امريكية من كارفور...تمنه 30 جنيه سبراي WD-40 و فوطة قطنية ناعمة و كاسيت و تشغل فيه حاجة تسليك _________________________ المرحلة الاولي أول حاجة هتغسل العربية كويس من التراب اللي عليها تاني حاجة هنبدأ نشوف الخدوش الصغيرة اللي في العربية و هنحاول علي قد ما نقدر نشيلها بالكومباوند..(ما تنتظرش نتيجة وهمية) تاخد شوية من الكوماوند في صوابعك و تبدا تدعك بيهم الخدش و بعدين تجيب قطعة من القطن الطبي و تبتدي تدعك الكومباوند في شكل دائري بيها لحد ما يطلع خالص و خد باللك لازم تغير حتة القطنة علطول اول ما تحس انها مش بتشيل حاجة...يعني متوفرش فيهم...الكيس كله ب 2 جنيه و نص -------*-*------------*-*------- خلصنا ازالة الخدوش...دلوقتي جت مرحلة وش البوليش....اللي للاسف انا معملتهوش لازم تدي العربية كلها وش بولش كامل قبل التشميع نيجي لمرحلة التشميع: الشمع جاي معاه سفنجه...هيه دي اللي هنوزع بيها الشمع علي العربية هنغمز في العلبة كأننا بنغمز في طبق الفول هنبدأ نوزعه علي العربية في شكل دائري هتسيبه 5 دقائق و تمسح بعد كده بالفوطة الناعمة.. يمكنكم ملاحظة الفرق: اكتشفت ان الدهان بتاع العلابية طلع ميتاليك كمل بقى باقي اجزاء العربية بنفس المنوال ولشتغل في كل جزء لوحده...يعني باب باب...كده يعني و انا شغال قلت اجرب اعمل علي الفوانيس....لاقيتها عملت شغل جامد جدا و الفونيس هسه كمان رجعت تلمع... بالمره بقي عملت الزجاج الامامي و الخلفي....هما كمان بقوا يلمعوا خلصت مرحلة التشميع.. -------*-*------ .نيجي لمرحلة تلميع البلاستيك و الفبر الخارجي: هنجيب عبوة الWD-40 و نرشها علي حته قطن كبيرة....بس ماترشش كتير: هنلمع بيها الأجزاء البلاستيكية اللي مش مدهونة...زي المرايات و الباكيتات و مقابض الابواب و الشبكة.... طبعا كلاحظين الفرق كبير قد ايه....بس طبعا اوعي تسيب المنظر كده...احنا مش عايزين المراية يبقي لونها بني من التراب...هاتجيب القماشة الناعمة اللي اشتغلنا بيها في التشميع و هنمسح كويس الWD-40 ...هتلاقي المراية بقي لونها اسود مطفي جميل...و مش ملزق...كأنها خارجة من المصنع....ميزته بقي انه مش هيلم تراب نهائيا و اخيرا بعد 4 ساعات شغل....ديه كانت النتيجة: منقووووووووووول |
#2
|
|||
|
|||
رد: مراحل تلميع السيارة...بالصور بعد اذن طبعا لانسر استيل
موضوع جامد تسلم الايادي
|
#3
|
|||
|
|||
رد: مراحل تلميع السيارة...بالصور بعد اذن طبعا لانسر استيل
تسلم يا روكي وتقبل تحياتي
|
#4
|
||||
|
||||
رد: مراحل تلميع السيارة...بالصور بعد اذن طبعا لانسر استيل
حلو موضوع حلو بس اصعب حاجة فيه حكاية 4 ساعات دى مين اللى فاضى يعد يلمع فى العربية الوقت ده كله دا انا بشيل التراب كل يوم بالعافية وساعات بسيبه كام يوم
__________________
د / محمد إن الله لا يصلح عمل المفسدين
|
#5
|
||||
|
||||
رد: مراحل تلميع السيارة...بالصور بعد اذن طبعا لانسر استيل
مشكور اخي الغالي
|
|
|