عضو جديد فى عصابة الرينو

[محمدصلاح القاضى]

المشاركة الأصلية كتبت بواسطة ahmednemo شكرا جزيلا على الرد بس ممكن افهم ليه ابعد عن الانحكشن مع ان الناس بتشكر فى الموتور دا بالذات و انه مالوش اعطال زى الانرجى و كمان اقوى

مستر ادماير بيقولك ابعد عن الانجكشين لان اعطاله كتتير وحساسات وكنترول وحورات
ومن المعروف عند اى حد ان الرينو ميكانيكا صعبه ومش اى حد يقدر يمد ايديه فيها وعشان المصنعيه بتاعتها غاليه جدااااا

ولذلك قلك خليك فى الكربراتير لانه شغله مريح وسهل ومش محتاج غير زيت وبنزين وكل فتره تعمل تعمل طقم سيرفرس يعنى الحكايه كلها كلام فاضى وانت بنفسك تقدر تعمل طقم السيرفرس
ولو عاوز الانجكشين تبقى عامل حسابك انك ممكن العربيه تعطل منك لاتفه الاسباب وان حساس صغير فصل وهو اللى عمل المشكله
والراجل مغلطش لما قالك خليك فى الكربراتير لان كان قصده يشترى راحتك لكن حضرتك مصمم على الانجكشين فحضرتك لك حريه الاختيار

[ahmednemo]

المشاركة الأصلية كتبت بواسطة cars admire حضرتك بكل بساطة اعتبرنى ما قولتش حاجة ولا شاركت فى الموضوع من الاساس !!!!

يا افندم انا اسف جدا ان كنت زعلتك بس بجد انا فى حيرة شديدة و مش عارف اعمل ايه و ما صدقت لقيت الجروب وفى ناس كثيرة بيفهموا و عارفين العربية و سايقينها يا افندم انا بخاف اسافر بيها او اعمل بيها مشوار كبير من كتر المواقف البايخة و ما صدقت لقيت حل الموتور دا عشان اشدها فسامحنى ان كنت عاوز اعرف اكثر

المشاركة الأصلية كتبت بواسطة ahmednemo يا افندم انا اسف جدا ان كنت زعلتك بس بجد انا فى حيرة شديدة و مش عارف اعمل ايه و ما صدقت لقيت الجروب وفى ناس كثيرة بيفهموا و عارفين العربية و سايقينها يا افندم انا بخاف اسافر بيها او اعمل بيها مشوار كبير من كتر المواقف البايخة و ما صدقت لقيت حل الموتور دا عشان اشدها فسامحنى ان كنت عاوز اعرف اكثر

ثق تماما ان اصلا المحرك اللى على عربيتك دلوقتى ممتاز بس عايز ميكانيكى شاطر يظبطه وهتبقى عربية وحش ان شاء الله اهم حاجة فى الرينو ان دايرة تبريد الماء لا يكون بها هواء
وردياتير وكوليهات خراطيم الماء تكون محكمة الربط وبالتوفيق !!! وابقى طمنا عملت فى عربيتك ايه !!