ترشيح انجح سياره لعام 2010 فى مصر

[MEMOO_1ST]

انا شايف من وجهة نظري.
1 - سيراتو.
2 - سيفيك.
3 - النترا.
4 - لانوس/فيرنا.
5 - لوجان.

[مورو]

يا لول ما انت لازم تحن للألنترا - ما هى دى المدفوع فيها الفلوس (بس مفيش شك انها عربيه جامده ) - والاستاذ بدر انصفنا.

[sam ram]

انا حرتبهم عكسيا

اكسنت
لوجان
لانسر
النترا
سيراتو

مرسيدس E class

[Bendary]

السلام عليكم
موضوع جميل
لكن اسمحولى اسال ما هو معيار الترتيب ؟ وهل الاختيار قاصر على العام الحالى فقط 2010 ام ممكن يكون على متوسط عدد من السنوات ؟
هل المعيار اسم السيارة ؟ معدل الانتشار فى السوق المصرى ؟ أم سعر اعاده البيع ؟
مثلا معروف ان ماركات الهيونداى تستحوذ على اعلى نصيب فى السوق المصرى ، وطبعا اعلى نسبه انتشار لصالح الفيرنا ثم الاكسنت (القديم والنيو) ثم الالنترا.
اما اللانوس فهى اكثر انتشارا خلال عشرة اعوام تقريبا وهذا دليل على نجاحها فى السوق المصرى .
اما اللانسر فهى من افضل السيارات من حيث اعاده البيع ومشهود لها بالاعتمادية العاليه جدا بداية من موديل 98 .
لكن اذا كان الحديث عن العام الحالى فقط على اعتبار ان موديلات 2010 كلها نزلت خلاص ، فانه فى رأى المتواضع ان هناك ثلاث سيارات سيكون لها شأن كبير خلال هذا العام وهى : سيراتو - النترا - نيو اكسنت

وفى النهايه عندى تساؤل او رجاء لادارة المنتدى او القسم التجارى :
هل فى الامكان مراسله اى جهة مسئوله مثل الغرفه التجارية لصناعه وتجارة السيارات مثلا لحصول على احصائيات بحجم مبيعات كل الموديلات خلال فترة زمنية معينه ؟؟
اعتقد ان مثل هذا البيان سيكون له فائده كبيرة لكل المهتمين بالسيارات .

وتقبلوا وافر الاحترام - واسف على الاطالة

[hazem_khidr]

لسه 2010 في بدايتها و مستحيل نخمن سياره العام
و يمكن يطلع موديل يعمل طفره في المبيعات زي السيراتو ما عملت في 2009 كده
و حتي الآن مش شايف اي عربيه اقدر اقول عليها الحصان الرابح في المبيعات.


نقدر نقول ان فئه السيارات العائليه المتوسطه لا يوجد بديل للاوكتافيا فانتازيا و عملت مبيعات حلوه جدا الفتره اللي فاتت
واختفاء اوبل فيكترا و الجيتا المنافسين الابرز للاوكتافيا

ولو بصينا علي فئه السيارات ال compact
السيراتو مبيعاتها بدأت في النزول و الكروز مبيعاتها متوسطه و بدأت نشوفها كتير
و لو حطينا العربيات المنافسه حنلاقي مبيعات قليله للبوما 2010 والالنترا و اشتراك البرافو و اللينينا ,في عدد المبيعات القليل و مبيعات هزيله للتويوتا كورولا و الشارك
مع عدم وجود سيارات اوربيه اخري كالبيجو الرينو والسيتروين.
دا بالنسبه لفئه السيارات ما فوق ال100 الف.

بالنسبه لفئه ال sub compact
اللوجان بقي فيه اقبال عليها لكن مش بالاقبال الفظيع اللي نقدر نقول عليه لكن الناس ملت من الفيرنا و اللانوس
لكنها بتتباع برضه مع مشروع التاكسي


و لو حنبص علي مبيعات العربيات الفخمه مثل المرسيدس E CLASS
حنلاقيها مسيطره زي ما سامح باشا قال
و العجيب اني بقيت بشوفها كتير لدرجه اني مش بشوف المرسيدس عيون ابدا !!!!
مش عارف اختفت فين الحقيقه !!!!!