|
Accent Verna RB اكسنت فيرنا Hyundai Accent - Verna - RB جميع اجيال اكسنت وفيرنا Hyundai Accent - فيرنا الجيل 2 Hyundai Accent - اكسنت الجيل 1 Hyundai Accent - نيواكسنت الجيل 3 Hyundai Accent - اكسنت ار بى RB الجيل 4 |
|
أدوات الموضوع |
#1
|
|||
|
|||
حيرتوني و احتار دليلي معاكم .. أرجو المساعدة من أصحاب الفيرنات الرقيقة
السلام عليكم .. ازيكم يا فيرناوية ..
باختصار كده أنا أول عربية أركبها هيا اللي معايا دلوقتي .. دايهاتسو تيريوس موديل 2000 جير عادي .. السيارة دي كانت مستعملة و معايا بقالها 6 سنين و هيا 1300 سي سي ما اشتكيتش من المكنه الحمد لله بس العفشة طلعت عيني الحمد لله برضو قطع غيارها غالية جدا بالنسبالي ( المساعد الواحد ب 600 جنيه ) و طبعا أنا من المنصورة و هنا في المنصورة مليش غير فلاتر و سيور انما اي حاجة تانية لازمة اروح اجيبها استيراد من بور سعيد او من القاهرة و الموضوع ده متعب و انا بفكر جديا دلوقتي ابيعها و اشتري فيرنا جديده على قدي بس لما قريت كل مواضيع المنتدى هنا و شفت عيوب التصنيع خفت و انا عايز اعرف بالنسبة لصيانة التوكيل ( غبور اللعين ) موجوده في المنصورة ؟ أنا ركبت الفيرنا كتير تاكسيات و بصراحة كنت بخاف من كتر ما هيا بتجري و ما سبتش سواق تاكسي إلا و سألتو عليها و الجواب كالتالي : 1- أصحاب التاكسيات الفيرنا ( لأ العربية تمام يا بيه و زي الفل بس عيبها انها واطيه شوية زي كل العربيات ما هيا واطيه انما مكنه و عفشة و اعطال زي الفل ) 2- جدو حبيبي .. الناس الكبار أصحاب الشاهين و ال 504 ( لالالالا اوعى .. دي بسكوته متستحملش خليك في الياباني .. دا التاكسيات بيشتكو منها ) و هتجنن مش عارف آخد قرار بجد عربيتي لو بعتها مستعملة تجيب حوالي 35 و أنا لو اتنططت مش هعرف اكمل غير 70 و مش عايز حاجة اتبهدل معاها و إلا يبقى بناقص انا مشاويري مش كتير افيدوني افادكم الله حاجة أخيرة بقى .. سمعت ان غبور اخر سنة ليه في الفيرنا 2012 و خد سنة كمان سماح لحد 2013 .. لو الكلام ده صح هل معنى كده انو معدش في فيرنا ؟؟ طب و قطع الغيار ؟؟ ده هيا دي اكتر حاجة حبيتها في الفيرنا ان حاجتها عند أي سوبر ماركت |
#2
|
|||
|
|||
رد: حيرتوني و احتار دليلي معاكم .. أرجو المساعدة من أصحاب الفيرنات الرقيقة
ممكن تفكر فى انواع تانى جنب الفيرنا : اللانوس - اللوجان- الافيو - البروتون - ........
|
#3
|
|||
|
|||
رد: حيرتوني و احتار دليلي معاكم .. أرجو المساعدة من أصحاب الفيرنات الرقيقة
للأسف أسعارهم مش متاحة و هواجه نفس المشكلة في قطع الغيار بالنسبة للوجان و الافيو
لأن انتشارهم ضعيف في الدقهليه او المنصورة بالتحديد .. فمفيش ليهم قطع غيار و أنا ماشي بنظرية ( اللي اتلسع مـ التيريوس ينفخ في اللوجان ) |
#4
|
رد: حيرتوني و احتار دليلي معاكم .. أرجو المساعدة من أصحاب الفيرنات الرقيقة
شوف يا دكتور درش الفيرنا افضل سيارة فى فئة ال70000 وحتى لو انتهت السنة دى فمافيهاش مشكلة لان الفيات انتهت من 30 سنة ولسة قطع غيارها منتشرة ورخيصة عكس عربيات لسة زيرو زى اللوجان والساجا وقطع غيارها نار ومش موجودة حتى فى التوكيل فالموضوع راجع لانتشار العربية وزى ما انت شايف زى الرز
اما رأى الشخصى تسمع كلام جدو وتجيب فعلا يابانى لانه افضل من حيث التقفيل زى الانسر او صنى حتى لو قسط او تفكر فى الاوكتافيا مستعمل 2007 عربية فعلا متينة وثابتة وقطع غيارها معمرة جدا بس مش رخيصة
__________________
لا اله الا الله ..... محمد رسول الله
سبحان الله وبحمده عدد خلقه ورضا نفسه وزنة عرشه ومداد كلماته وصلى اللهم على سيدنا محمد وعلى آله وصحبه وسلم |
#5
|
||||
|
||||
رد: حيرتوني و احتار دليلي معاكم .. أرجو المساعدة من أصحاب الفيرنات الرقيقة
لية والله الفيرنا كويسة وحلوة وحكاية الثبات وكدة كلام والله العربية كويسة جدا جدا على 120 بعد كدة متهيقلى خطر عليك انما هتجيب عادى و200 لو عايز بس اخرها اية مثلا على السرعات العالية دى دقيقة بالكتييييييير وخلاص بتهدى عشان الطريق صدقنى والله الفيرنا كويسة
|
|
|