بقالي 3 شهور باسافر الاسماعلية وارجع علشان انقل رخصة ومش عارف، ياريت مساعدة

[حسن الجندي]

الموضوع بدأ في شهر 2 لما اشتريت سيارة شيري 2008 بنظام التوكيل، وكان التوكيل بتاعي رقم 3 ، يعني المالك عمل توكيل لواحد والواحد عمل توكيل لواحد، وآخر واحد عمل توكيل ليا
المشكلة بقى الآتي
اروح مرور الاسماعلية يقولوا ماينفعش نجدد الرخصة المنتهية على الاسماعلية لأنك التوكيل الثالث
اقولهم طب انقلها لمرور القاهرة يقولولي الملف مش موجود، فيطلع ان اللي عملي توكيل كان عمل شهادة بيانات لمرور حلوان، اخدت شهادة البيانات ورحت حلوان واخدت تأشيرة ان الملف مش هناك، المصيبة ان شهادة البيانات دي ضاعت فجأة في وسط الأوراق، وبقيت اروح لمرور الاسماعلية يقولولي الملف مش موجود ومش هانجددلك ولا هانطلعلك شهادة بيانات، وحلوان مفيهاش الملف ، وورقة البيانات اللي كانت راحة حلوان اختفت.
إيه الحلول دلوقت اللي أعملها
ياريت اي حد يشارك بأي حاجة علشان انا عمال اسافر اسماعلية كل اسبوع شوية ويرجعوني، وبقالي 3 شهور بكلم نفسي

[galalaldin]

المشاركة الأصلية كتبت بواسطة حسن الجندي الموضوع بدأ في شهر 2 لما اشتريت سيارة شيري 2008 بنظام التوكيل، وكان التوكيل بتاعي رقم 3 ، يعني المالك عمل توكيل لواحد والواحد عمل توكيل لواحد، وآخر واحد عمل توكيل ليا المشكلة بقى الآتي اروح مرور الاسماعلية يقولوا ماينفعش نجدد الرخصة المنتهية على الاسماعلية لأنك التوكيل الثالث اقولهم طب انقلها لمرور القاهرة يقولولي الملف مش موجود، فيطلع ان اللي عملي توكيل كان عمل شهادة بيانات لمرور حلوان، اخدت شهادة البيانات ورحت حلوان واخدت تأشيرة ان الملف مش هناك، المصيبة ان شهادة البيانات دي ضاعت فجأة في وسط الأوراق، وبقيت اروح لمرور الاسماعلية يقولولي الملف مش موجود ومش هانجددلك ولا هانطلعلك شهادة بيانات، وحلوان مفيهاش الملف ، وورقة البيانات اللي كانت راحة حلوان اختفت. إيه الحلول دلوقت اللي أعملها ياريت اي حد يشارك بأي حاجة علشان انا عمال اسافر اسماعلية كل اسبوع شوية ويرجعوني، وبقالي 3 شهور بكلم نفسي

انا عاوز اعرف 1- اللوحات المعدنيه اللى على العربيه ....تابعه لمرور ايه؟؟؟
2-ينفع تسجل العربيه بأسمك؟؟
3-عنوان بطاقتك الشخصيه تابع لأى قسم وبالتالى انت تابع لأى وحده مرور.
http://www.masrmotors.com/vb/images/...01FDAB~189.gif

[حسن الجندي]

اللوحات المعدنية تابعة لمرور الاسماعيلية
ومحتاج علشان اسجل العربية باسمي شهادة بيانات موجهة للشهر العقاري، لكن ممكن احاول بطريقة اخرى
عنوان بطاقتي وباسبوري تابع للساحل ورخصة السواقة تبع مرور عبود
وشكراً لرد حضرتك السريع

[samirayad]

لكن ممكن احاول بطريقة اخرى

ولو أنى ضدها .....بس فى بعض الأوقات لابد منها

وهى

طريقة إبرز......علشان تنجز

أاقول لحضرتك إزاى ....؟

هتشوف فى المرور واحد من الحرافيش إياهم

هياخد منك مبلغ معين ( زى إكراميه وبلاش نسميها رشوه )

وبالمبلغ ده

هيخلصلك كل ماتتمناه من أمور تسهلك نقل ملكية السياره

----------------------------

ومعلش بأه

ففيه مثل بيقول

إيه إللى رماك على المر .....قال الأمر منه

[حسن الجندي]

والله يا استاذ سمير موضوع الابراز ده مبقدرش اعمله او اعرف اعمله حتى
المرور هناك كان الموظف بيرجعني كل مرة على حاجة ملهاش معنى ومرة يقولي الخزنة قفلت قبل معادها ومرة يقولي ماينفعش اقوله ليه يقولي انت هاتعاندني وهاتفهم احسن مني