مصنع فولكس فاجن ... مدينة قائمة بذاتها

[mshamy]

المشاركة الأصلية كتبت بواسطة سمارت وير يا سيدي يا سيدي ... ربنا يوفقك و يقدر لك الخير ، بس إبقى انقل لينا تجربتك هناك لو أمكن

والله الموضوع يطول شرحة بس حلخص علشان محدش يمل
بداية و قبل سفري رشح لي احد الزملاء المهتمين بالسيارات ان اقوم بزيارة مصنع مرسيدس بمدينة هامبورج بناء على تجربة شخصية له
وعليه وبعد وصولي لألمانيا قمنا بلإتصال للأسفسار و الحجز فوجئنا بأنه زيارات المصنع محجوزة مقدما لمدة شهرين و طبعا انا كل فترة اجازتي في المانيا كانت حوالي اسبوعين
وهنا بدأنا البحث عن البديل و طبعا كان حظنا حلو و كانت مدينة السيارات الخاصة بالفولكس فاجن بولفسبرج لديها إماكانية استقبال زائرين
طبعا تذاكر الدخول على ما أذكر كانت ب 20 يورو للفرد و المساحة كانت شاسعة و بإمكانك أن ترى المدينة من على بعد وخصوصا البرجين الزجاجيان الخاصان بركن و عرض السيارات بعد تصنيعها
والمفاجأة الأكثر دهشة أن هذين البرجين كانا وسط بحيرتين من المياه...يعني لا أحد يستطيع الإقتراب أو لمس الزجاج.....و السيارت كانت بتدخل البرج من الأسفل فقط
مجموعة فولكس التي تشمل كل من
1- لامبورجيني
2-بنتلي
3-أودي
4- سيات
5- فولكس فاجن

كل شركة كان لها صالة عرض صوت وضوء مميزه بشكل يأخذ العقل...يعني أفتكر صالة عرض اللامبورجيني كانت عبارة عن مبنى كبير على شكل صندوق أسود و بمجرد دخولك تجد سيارة لآمبورجيني ديابلو صفراء معلقة على الحائط و مع بداية عرض الصوت و الضوء تجد السيارة تختفي لان الجزء المتصل بها على الحائط يدور حول نفسه (يعني العربية بتخرج من المبنى و تخدل تاني على حسب العرض) و مش عايز أقول على صوت السيارة عامل إزاي مع الدولبي المحيط بيك من كل اتجاه

أيضا كان هناك متحف للسيارات و ده عايز شرح يوم لوحده و حصلي موقف محرج جدا مع سيارة بوجاتي كلاسيك مافيش منها غير نسخة واحدة في العالم ...بس كان معايا عذري و الحمدلله عدى على خير

طبعا ركبنا الترماي اللي بيعمل الجولة على خط الإنتاج بس كان أحدث من اللي في الصور اللي فوق و كله شاشات ديجيتال و الجولة كانت باللغة الإنجليزية و عايز أقول لحضرتك ان خط الإنتاج زي ما حضرتك شايفة في الصور كده أقسم بالله أنظف من مستشفى دار الفؤاد اللي عندنا هنا

خلاصة الكلام احنا قدمنا سنين طويلة جدا على ما نفكر نعمل حاجة زي دي

والحمدلله على كل شيء

[ahmedtuning]

موووووووووووضوع جااااااااامد جدا
تسلم ايدك

موضوع جميل وظريف جدا اشكرك علية
بس بيني وبينك يحرق الدم بجد
الكلام دا في الكرة الارضية اللي احنا عايشين عليها دي اللي هي زرقا كدا ومدورة
ولا دا كوكب تاني وبشر تاني وحاجة مش موجودة غير في اساطير الف ليلة وليلة

[سمارت وير]

المشاركة الأصلية كتبت بواسطة mshamy والله الموضوع يطول شرحة بس حلخص علشان محدش يمل

يا هندسة خد راحتك على الآخر ... كلنا آذان صاغية ، و لا في حد مستعجل ؟

المشاركة الأصلية كتبت بواسطة mshamy خلاصة الكلام احنا قدمنا سنين طويلة جدا على ما نفكر نعمل حاجة زي دي والحمدلله على كل شيء

المشاركة الأصلية كتبت بواسطة walidelwahsh موضوع جميل وظريف جدا اشكرك علية بس بيني وبينك يحرق الدم بجد الكلام دا في الكرة الارضية اللي احنا عايشين عليها دي اللي هي زرقا كدا ومدورة ولا دا كوكب تاني وبشر تاني وحاجة مش موجودة غير في اساطير الف ليلة وليلة

دعوني اختلف معكم فيما سبق ... فالفارق الذي بيننا و بينهم ليس فارق إمكانات أو طاقات أو عقول ، لالالا
الفارق بيننا و بينهم في الإرادة و الشعور بالقدرة و الاستطاعة ، اعتقد أننا أثبتنا بالتجربة العملية ( ثورة يناير ) أننا مازال لنا قلب ينبض و عقل يفكر ، الموضوع مسألة وقت و حينما تقف مصر على قدميها سترون من هذا الشعب العجب العجاب و تذكروا دائماً .... تفائلوا بالخير تجدوه ( مع الأخذ بالأسباب طبعاً ) و إن غداً لناظره قريب ...

[mshamy]

دعوني اختلف معكم فيما سبق ... فالفارق الذي بيننا و بينهم ليس فارق إمكانات أو طاقات أو عقول ، لالالا
الفارق بيننا و بينهم في الإرادة و الشعور بالقدرة و الاستطاعة ، اعتقد أننا أثبتنا بالتجربة العملية ( ثورة يناير ) أننا مازال لنا قلب ينبض و عقل يفكر ، الموضوع مسألة وقت و حينما تقف مصر على قدميها سترون من هذا الشعب العجب العجاب و تذكروا دائماً .... تفائلوا بالخير تجدوه ( مع الأخذ بالأسباب طبعاً ) و إن غداً لناظره قريب ...

[/QUOTE]

أكيد الإختلاف في الرأي لايفسد للود قضية
بس انا نظرتي مش سلبية قوي زي ما حضرتك كاتب ..انا شايف فعلا ان احنا قدمنا وقت طويل جدا علشان نحصل الناس دي
انا اكتر واحد يتمنى يشوف بلده في اعلى مكان..و لعلم حضرتك انا رفضت عرضين للهجرة و العمل في أمريكا لما كنت شاب في العشرينات علشان انا بحب بلدي
لكن باحب اكون واقعي في تصوري للأحداث
الموضوع محتاج وقت كثير علشان تبني أجيال جديدة تقدر تفكر و تنفذ مشاريع بلأحجام الرهيبة دي