عايز عربيتك ما تتسرقش، خش معايا

[مهند سالم]

المشاركة الأصلية كتبت بواسطة dego_story بس ياباشا مش هيكون حوار متعب انك تعمله كل يوم لما تيجى تركن العربية ولا ايه بس انا لو معاياة ( البوجاتى) الجديدة والله انا مستعد اشيل البطارية والكاوتش كل يوم شكرا على التوضيح ياباشاptmnlo123per179

مش متعب وعن تجربة، لأن وش الاسبيراتير بيتشال بكليبسات يعني في ثانية، والشاكوش أصلا مش ممسوك بحاجة يعني بينضغط بالإيد وخلاص، فالموضوع ما بيأخذش ثلاث ثواني، يعني الوقت إلا بتاخده في تغطية العربية أكبر، بس تبقى مطمن على عربيتك، وشكرا ليك

[هومه عبده]

والله فكره حلوه جدااااا بس هل هاتكون سهله بالنسبه لبنت ولا ايه وهل فيه صورة توضح كلام حضرتك مع الشكر

[مهند سالم]

المشاركة الأصلية كتبت بواسطة هومه عبده والله فكره حلوه جدااااا بس هل هاتكون سهله بالنسبه لبنت ولا ايه وهل فيه صورة توضح كلام حضرتك مع الشكر

سهلة لأي حد ؛ لأن السبيراتير بيبقى في الأجزاء العلوية من الماتور ، وفي العادة بيبقى نظيف؛ لأنه بعيد عن الزيت والشحم وكدة
أنا والله مش معايا صور، لكن وش الاسبيراتير معروف جدا، إلا هو حضرتك الميكانيكي بيفكه لما يحب يركب طقم بوجيهات ، لأنه من خلاله بيظبط التقسيمة بتاعة الكهربا ، وهو دائما بيبقى يمين وش السلندر لو حضرتك واقفة مواجهة للعربية، هو شكله زي ما يكون قمع بالظبط بس بدل الماسورة بتاعت القمع هتلاقي خارج منه سلك تخين شوية، عموما هو سهل قوي وبسيط

[atgps]

على فكرة مش كل العربيات وش الاسبيراتير بكلبسات، بعضهم بمسامير، وأحيانا فى أماكن صعب الوصول اليها، وكمان معظم العربيات الحديثة لايوجد اسبراتير ولاشاكوش.
ونصيحة عند تركيب وش الاسبراتير يجب تركيبه بحرص والتأكد من تركيب الكلبسات فى حالة وجود كلبسات، حتى لاتتسبب فى كسر وش الاسبراتير وبالتالى لايمكنك تشغيل الموتور.

[مهند سالم]

المشاركة الأصلية كتبت بواسطة atgps على فكرة مش كل العربيات وش الاسبيراتير بكلبسات، بعضهم بمسامير، وأحيانا فى أماكن صعب الوصول اليها، وكمان معظم العربيات الحديثة لايوجد اسبراتير ولاشاكوش. ونصيحة عند تركيب وش الاسبراتير يجب تركيبه بحرص والتأكد من تركيب الكلبسات فى حالة وجود كلبسات، حتى لاتتسبب فى كسر وش الاسبراتير وبالتالى لايمكنك تشغيل الموتور.

مفيش مشكلة، إحنا بنتكلم عن العربيات إلا فيها وش اسبيراتير، وده أنا عمري ما شفته إلا بكلبسات سهلة جدا في الفك والتركيب، لكن عموما لو فيه بمسامير يبقى الحل ده مش هينفعه.
أما بالنسبة إن وش الاسبيراتير يتكسر فالنقطة دي أنا مش فاهمها، لأن ببساطة وش الاسبيراتير ده مطاطي، يعني ما بيتكسرش، عبارة عن قمع مطاطي في طرفه سلك تخين بيقفل على التقسيمة إلا فيها الشاكوش، وشكرا