|
#1
03-11-2012, 02:58 PM
|
|||
|
|||
جمال الستيب واى
من زمان جدا وأنا بدخل المنتدى علشان استفيد منه بس عمرى ما شاركت فية بأى موضوع وكانت نيتى ان ربنا لما يكرمنى بشراء عربية جديدة ان اعمل موضوع عنها
فى الاول انا كان معاى تويوتا كورولا موديل 94 وكانت عربية فعلا حمالة اسية وحمار شغل ومكنة محترمة بس بصراحة موضوع ان يكون عندك عربية مستعملة وكل يومين عند ميكانيكى ولا كهربائى خلانى كفرت بالمستعمل ونويت لما ابعها مش هجيب غير جديد بمشيئة الله ومش هقرب من المستعمل وعلى رأى واحد عجوز وخبرة فى العربيات (( لو أنت غنى هات مستعمل )) المهم ربنا أكرمنى وبعت التويوتا وبقالى شهرين بفكر فى شراء عربية جديدة وبدأت رحلة البحث عن عربية جديدة فى حدود من 70000 ألأف الى 80000 ألف وطبعا المنتدى العظيم اللى احنا فية ده لفيتة جزء جزء من الانوس للفيرنا للساجا للوجان ثم الاستيب واى بصراحة انا استقريت فى البداية على اللوجان ولما عرفت ان منها اتوماتيك اتعلقت بيها اكثر وقلت هى دى العربية المناسبة وبدأت اخد مشورة الناس اللى حولى وكلهم اعترضوا ويقولوا خليك فى اللا نوس او الفيرنا وريح دماغك من وجع القلب فى التدوير على قطع الغيار والميكانيكيا وحتى سعر اعادة البيع ممتازة بس انا مكنتش مرتاح لا للفيرنا ولا اللانوس بحس ان هدفع فلوس فى حاجة متسويش المبلغ دة وعربيات مليانة عيوب ومش مريحة لمجرد توافر قطع الغيار واعادة البيع بس اقتنعت بوجهة النظر اللى بتقول طالما هتشترى جديد يبقى قدامك 3 سنين فى الضمان وصيانتك هتبقى فى الوكاله واللوجان بدأت تنتشر وخلال 3 سنين قطع غيارها هتملى الدنيا ( على فكرة انا المنصورة ) واستقريت على اللوجان وقلت ان شاء الله على نص 11 هروح احجزها لما ادبر المبلغ وفجأة ظهرت قدامى الستيب واى الستيب واى كانت بمثابة الصدمة لانها حلت مشكلة كبيرة كنت شيفها فى اللوجان وهى شكل اللوجان شكل اللوجان مكنش مريحنى وشتان فى الشكل بينها وبين الستيب واى تحس ان الستيب واى جيب صغيرة وعالية عن الارض وعربيه مالية مركزها بس رجعت خوفت علشان قطع الغيار بتاعتها وانها مش منتشرة واعادة البيع ومن كتر التدوير عرفت ان قطع غيار الميكانيكا بتاعتها هى هى قطع غيار اللوجان بالظبط ولكن البودى والاكسسوارات طبعا مش بتاعة اللوجان وهنا جزء كبير من ترددى بدأ يتلاشى بس بردة عدم انتشهارها كان مخوفنى وعرفت ان العربية لسة نازلة جديد يعنى اول 2012 مش ذى اللوجان من 2007 ومتوقع انها تنتشر جامد بس الاهم من كدة ان اخوى قالى كلمة طالما هتشترى اركب اللى يعجبك واللى انت عايزة انت هتشترى عربية كم مرة فى العمر واقتنعت بس عرفت بعد كدة ان الاوبشن اللى فيها اقل من اللوجان الزجاج الخلفى مانيوال وكمان المرايات ومفيش كمبيوتر رحلات ومفيش منها اوتوماتيك بس فيها اللى مش موجود فى اى فئة سعرية ذيها وهى عوامل الامان الزيادة اللى فيها فرامل ال ABS وال AIR BAG ودة خلاها ترتفع للسما فى نظرى مرايات كهربا وكبيوتر رحلات وزجاج خلفى كهربائى قدام عوامل الامان الجامدة دى - لا يبقى عوامل الامان هى اللى تكسب نيجى لاخر نقطة اوتوماتيك ولا مانيوال - الناس المخضرمين بينصحوا متركبش اوتوماتيك أقل من 100000 الف جنية وياريت لو يابانى او المانى وفى شكاوى متفرقة من الأوتوماتيك بتاع اللوجان فبصراحة حبذت المانيوال طب لو هجيب مانيوال لوجان ولا ستيب واى مانيول يبقى مع الشكل التحفة وعوامل الامان تبقى الستيب واى تكسب المهم انا رحت شفتها فى تكويل رينو بالمنصورة وعجبتنى فعلا ونفسى اجيبها ومش عارف انا كدة تفكيرى صح وعملت الموضوع دة علشان تشاركونى بأرائك قبل ما تخذ خطوة الشراء وتفكروا معى وربنا يوفق الجميع 
|
|
#2
03-11-2012, 07:13 PM
|
|||
|
|||
|
رد: جمال الستيب واى
توكل على الله فى الستيب واى هى فعلا ماشاء الله عربية فوق الممتازة وأنا كنت زيك ولاهى فى نفس الحيرة وكنت هجيب اللوجان بس كان شكلها وش عاجبنى بس بالنسبة للمميزات بتعتها خالتنى أفكر فيها عن طبعا اللانوس والفيرنا عشان مفيش وجهه مقارنة والحمد الله نزلت السانديروا والستيب واى وخلونى مفكرش تانى فى اللوجان بالذات طبعا الستيب واى بشكلها الذى يخطف الأبصار وأنا الحمد الله الحمد الله لسة شارى العربية من أقل من عشرة أيام وهى فعلا مريحة وجميلة على الطريق وهى عاملة تقريبا 950 كيلو دلوقتى لأنى بسافربيها كتير شوية وهى عالية عن الأرض ودى ميزة من مميزاتها الكتير والشنطة كبيرة ليست صغيرة زى أما أنا كنت متصور فى الأول وأستهلاكها للبنزين ممتاز ورنى يوفقك أنشاء الله وتجيب العربية ألى نفسك فيها ونباركلك عن قريب انشاء الله.
ولو فى أى حاجة أنا طبعا فى تحت أمرك فى أى وقت. وبالتوفيق.
|
|
#3
03-11-2012, 07:35 PM
|
||||
|
||||
رد: جمال الستيب واى
|
|
#5
03-11-2012, 09:32 PM
|
|||
|
|||
رد: جمال الستيب واى
طيب كويس قووى انك معاك الستيب واى وانت راكبها حاسس انك راكب حاجة عالية يعنى مش واطية ذى الفرنا كدة والعربيات العادية صوت الماتور هل هو فعلا عالى جدا ولا اية انا حابب اللون الفضى فيها لون وقور ومبين الاكسسوارات بتاعة العربية - اية رأيك
|
 |
|
|
