الفحص

[medo zahir]

لو سمحت انا من المنصورة و اشتريت عربية ملاكى اسكندرية و الرخصة منتهية و تاريخ الفحص كان 2011 ولسة هاعمل توكيل و انقل ملكية كنت عايز اعرف الاجراءت اللى اعملها و عايز اعرف العربية هتتفحص فى اسكندرية ولا المنصورة .. شكرا

[a7med.A]

السلام عليكم
اولا هتخلى الى انت شارى منه العربيه يجبلك بيانات للشهر العقارى علشان يعملك بيها عقد بيع مسجل فى الشهر العقارى
ثانيا تروح المرور بتاعك( المنصوره) هتجيب نموذج فحص فنى وتفحص , مهندس الفحص هيقولك اعمل مطابقه بصمه .
ثالثا تروح اسكندريه وتاخد العربيه معاك ضرورى علشان احتمال تفحص هناك علشان الملفات بتاعت اسكندريه كلها اتحرقت فى الثوره.
هتعمل مطابقة بصمه بالنموذج الى معاك . وشهادة بيانات . وشهادة مخالفات . وتسلم اللوحات فى اسكندريه لو كانت صناعه محليه(الى بتكون مدقوقه) .
هتدفع ضريبه وتلت علشان الرخصه منتهيه.
وكمان فى حاجه اسمها استعلام امنى يفضل انك تعملها فى اسكندريه.
................... بس خلاص................
وبقيت الاجراءات فى المرور بتاعك وبسيطه انشاء الله.

[mr_astra]

المشاركة الأصلية كتبت بواسطة medo zahir لو سمحت انا من المنصورة و اشتريت عربية ملاكى اسكندرية و الرخصة منتهية و تاريخ الفحص كان 2011 ولسة هاعمل توكيل و انقل ملكية كنت عايز اعرف الاجراءت اللى اعملها و عايز اعرف العربية هتتفحص فى اسكندرية ولا المنصورة .. شكرا

التوكيل مش فى محلة وانما لازم عقد بيع مسجل فى الشهر العقارى
اطلب من البائع عدد 2 شهادة بيانات طالما الرخصة منتهية واحدة موجهه للشهر العقارى والثانية موجهه لادارة المرور التابع لية حضرتك (المنصورة ) بالاضافة الى شهادة برائة ذمة ( شهادة مخالفات )
وتتكل على الله تروح مرور المنصورة تشترى نموذج فحص وتجديد وتملى بياناتة وتروح تختم الطفاية من الكشك وتخلى العامل يرفعلك البصمة
وتروح بالورق تختم من مهندس الفحص وبعدين تروع تدفع التامين الاجبارى زى ما تحب سنة او 3 سنين وكل الورق تقف على الشباك الموظف هايدفعك الضريبة سنة او 3 سنوات وبكدة انتهت القصة
لو ان مهندس الفحص طلع رخم وطلب منك مطابقة بصمة بيكتبلك هلى ضهر الفحص جواب وفية بصمة الشاسية ....هاتروح بالفحص بتاعك مرور اسكندرية من غير عربية او بعربية مش فارقة وبتتوجه للشباببيك هناك والموظف بيعلم على البصمة ويختمهالك عارف حركة زى جنية لو قطعتة نصين نص معاك ونص معايا ونحطهم على بعض يكملو شكل الجنية ادى فكرة مطابقة البصمة

[medo zahir]

الف شكر يا رجالة