عربيتى قسط عايز أبيعها وعايز أعرف عليها حظر بيع ولا لاء ؟ أعمل ايه أفيدونى يا أهل الخبرة .

[romioromio]

طب المهم يا جميل
لقيت حظر بيع ولا لأ
وهل الرخصه باسمك
ولا العربيه بتوكيل من المعرض

والاهم التامين اجباري ولا ايه
واخيرا ايه الاوراق اللي اخدها منك وسعر العربيه بعد الفايده كم؟
معلش
لاني عايز اشتري قسط وعايز ابعد عن البنوك نهائياااااااااااااااااااا ااااااااااااا
حتي لو مجمع البحوث قال وبصم بالعشره
بس انا مستفتي قلبي حرام وش

[alsahabamasged]

شوف يا سيدى العربية بأسمى طبعاً الحمد لله موضوع الحظر ده بأذن الله هعرفه بكرة ادعيلى بالله عليك ميكونش عليها حظر علشان عايز ابيع , المعرض مشرطش تأمين الأوراق مفيش حاجة غير وصلات بقيمة القسط الشهرى و 2 وصل امانة سنوى بقيمة الوصلات لمدة سنة علشان انا مقسط على سنتين ووصل اجمالى الأقساط بمدة السنتين وضامن بيمضى زيك على الوصلين فقط وقيمة الفائدة 20% بس معلش الحلال ربنا بيعينك عليه وصدقنى الحرام لو كان الربع ثقيل واسأل غيرك مجرب البنوك بس مش انا الحمد لله :-)

[romioromio]

ايه اخبار الحظر

[asom_6]

سهل أنك تعرف عربيتك عليها حظر ولا لأ لو كنت أنت اللى رخصتها بنفسك وده لأن بيبقى من ضمن مستندات الترخيص جواب موجه للمرور من المعرض اللى انت شارى منه لحظر بيع العربية وعدم التجديد الا بموافقة المعرض ... وده طبعاً لضمان حقه فى عدم التصرف فى العربية دون الرجوع ليهم لو انت غير منتظم فى السداد.
بس اعتقد فى حالة صاحب الموضوع لا يوجد حظر بيع لأن الاجراءات اللى هو شرحها عند الشراء متدلش على ان المعرض لجأ لهذا الأجراء وأنما أكتفى بتوقيعة والضامن على الشيكات او الايصالات وكمان مده القسط سنتين ودى فتره قصيره.

[alsahabamasged]

المشاركة الأصلية كتبت بواسطة romioromio ايه اخبار الحظر

الحمد لله مفيش