مركز كيا سيرفس المعادى....إحذررووووووووو ة

[اشرف عبدة]

المشاركة الأصلية كتبت بواسطة temo85 والله انا شايف ان اللى كتب الموضوع يرد او يحط صور فواتير زى ما الناس طلبت الا يكون كلامه كلام فاضى من الاساس و المنتدى يشيل الكلام ده لانه احتمال يكون ضرب مراكز فى بعض زى ما اتكتب!!!

انا مقدرش احط اسم المركز الثانى علشان انا مش زية ولكن انا باقول لة اثبت اى كلمة من كلامك وعلى الاعضاء الحكم على هذا الشخص

[temo85]

المشاركة الأصلية كتبت بواسطة اشرف عبدة ياجماعة مشكلة الكركرة مع التكيف غالبا بيكون نوعيى البنزين مش كويسة وممكن علشان تتاكد حط نصف التنك على الاقل بنزين 95 والنصف الثانى بنزين 92 واذا لم تنتهى هذة المشكلة ابعتلى .....واى استفسار عن كيا الاتصال على رقم01013330111 مجانا لاعضاء مصر موتورز

تم عمل ده من قبل كده عنددى و عند الاستاذ moha4tec و لم يحدث اى اختلاف و الكركرة لسه موجودة...نرجو الافادة

[moha4tec]

المشاركة الأصلية كتبت بواسطة اشرف عبدة انا مقدرش احط اسم المركز الثانى علشان انا مش زية ولكن انا باقول لة اثبت اى كلمة من كلامك وعلى الاعضاء الحكم على هذا الشخص

السلام عليكم
لازم تحط اسم المركز التانى بس مش لازم تشتم فيه يعنى .ممكن توضح الصوره و تفيد الناس و كده.
و كمان لازم نعرفه عشان لو المركز التانى ده فيه مشكله منروحهوش
و ايضا اثباتا لكلامك ان فى مركز تانى من اصله و الا يبقى الكلام فى الهوا .(و طلقتين فى الهوا و عشان متبنش غلطان و كده )و عشان الموضوع يتحول لوجهة نظر الناس الى انها تنافس مراكز و كده .و تنفى الكلام اللى صاحب الموضوع كتبه.
و دى بقى تبقى اذكى رد انت عملته فعلا .و يدل على شخص زكى بالفطره و لماح .و يعرف يقلب المشكله لمنفعه .و الله اعلم.
ارجوا ان تتفهم كلامى كويس جدا لانك شخص ذكى جدا جدا .و ده واضح من كلامك اللى كتبته .و انا مبمدحش فيك و لا بزم فيك. و انت فعلا اذكى من اللى كتب الموضوع لانه لو عنده نصف ذكائك كان دخل كتب و برر و رد على كلامك اقل واجب و كان رفع صور الفواتير .و مكنش شتم من الاول اصلا .و كان اتكلم باسلوب زى اسلوبك .و ايات قرانيه ,و اسلوب ادبى رفيع و كده .بس هو كتب الموضوع و جرى و هرب هههههههه.و كده مينفعش .فكده مصداقيته ملهاش لزمه .حتى لو عنده ظروف ,لان ما ضاع حق ووراءه مطالب .و كده اظن ان كفة كلامك هى اللى طبت قدام الناس فقط .ما عدا بعض الاشخاص اللى حضرتك عارفهم كويس .
لكن لازم ترد و تكتب اسم المركز التانى ............
و كمان مفيش حد هيعرف يجيب دليل عليكم خالص و حضرتك عارف ليه؟؟
منتهى الذكاء بردوا .
وواضح ان المركز كله ناس اذكياء فعلا جدا جدا ,و العمال على درجه عاليه من السرعه الرهيبه بجد مشفتهاش فى حته و الله العظيم .طلقه .دى العمال دى لو فى حالة حرب و بيجهزوا طيارات تطلع تحارب ,محدش هيكون اسرع منهم .
و انا بتكلم بجد و مش بهزر و لا بتريق .و حضرتك عارف كويس كده.
و بردوا مبمدحش و حضرتك فاهمنى . لانك شخص فعلا ذكائك مش عادى .و اعتقد انك من الصفوه او الفلتات اللى بيبانوا فى كل بلد كل فتره .و لو عملت اختبار ذكاء اكيد هتعدى المستويات الاخيره بسهوله.
1- لازم تكتب اسم المركز و دليليك على كلامك ,و اعتبر ان احنا مصدقينك من غير حاجه و كمان مكدبين صاحب الموضوع .
2- اعتقد ان فعلا كده فى كذا شخص بيشتكى من المعامله فى المركز(او ممكن تعتبرهم ناس حقودين او ناكرين للجميل) و لازم تشوفلهم حل .لان اى مشاكل و كتر المواضيع على النت بتضر الطرفين.و العيار اللى ميصبش يدوش ,حتى لو حضرتك على حق.مكنش ينفع تدخل و تهدد كده العضو.و عموما ممكن حضرتك تبلغ عنه شرطة النت و هما هيجيبوه هيجيبوه ,متقلقش دى حاجه سهله اوى بالنسبه ليهم.
3- زوايا الكاميرات لازم تتظبط او تزود واحد جديده كده عشان مفيش حاجه بتبان من العربيه و هى تحت الصيانه .و دى حجة اى حد اشتكى او هيشتكى بعد كده لو حصل .لانكم مبتسمحوش بدخول اى حد للعربيه اثناء الصيانه .
4- لازم تدوا قرص او تعليمات للعمال فى الورشه على التعامل برفق مع العملاء و عدم التعالى عليهم,و انهم يكونوا صبورين معاهم و على اسالتهم الكتير ,لان كل واحد نفسه عربيته تبقى طياره و باقل سعر و احسن خدمه .مش كده و الا اه.
5-موضوع ان صاحب المركز و استاذ محمد السيد شركاء او اصحاب او حتى اخوات .دى حاجه تخصهم و مش حاجه تاذينى كعميل ,بالعكس الواحد هيبقى مطمن انه هيتعمل معاه واجب ,و هيمشى مبسوط.
يعنى دى مش حاجه محتاجين تخبوها او تنفوها .و طبيعى جدا بعد سنين العمل دى كلها مع بعض انهم يكونوا ربوا صداقه او حتى شراكه فى العمل .مش عيب و لا حرام .و لا دى حاجه تدينكم او تبراكم .
6- تخيروا العميل توصيل سيارته او من عدمه حسب رغبته لانى كذا مره اضطر انى الف تانى حوالين المركز عشان ادخلها نفس المكان لانى مشوارى مكنش يستعى خروج العربيه. و بردوا نفس الكلام طلقه .العربيه بنلاقيها فى ثانيه الناحيه التانيه .و بصراحه مشفتش ولا مره طريقة السواقه .
7- مش عيب لما يكون فى مشكله فعلا محدش عارف حلها و لا حتى التوكيل الرئيسى نفسه انكم تقولوا منعرفش .عادى يعنى .و متخلوش اى عامل يتعامل مع اى من العملاء ,لان ده عملى مشكله معكم كبيره و حضرتك عارفها كويس و مفيش داعى لزكرها .و انا عارف ان ده مش الطبيعى و حصل بالصدفه معايا .و الطبيعى المهندس هو اللى بيتكلم معايا .و مع اى عميل
اخيرا لو اى كلمه من كلامى زعلت حضرتك .اعترنى مقلتش حاجه .و تجاهلنى خالص . لانى ببساطه و للاسف مش هروح المركز تانى بسبب الخلاف القديم .و كل واحد و ليه وجهة نظره .و المشكله بالنسبالى اتقفلت خلاص .و عشان كده مدخلتش هاجمت . بس للامانه انت اكيد فهمت كلامى كويس جدا .
فاكيد انت عارف ان كلامى من القلب و نصيحه اخويه مش اكتر ايا كان مين فينا الصح و الله اعلم .و انت مش هتخسر حاجه لو عملت اللى انا قلتلك عليه

و السلام ختام

[moha4tec]

المشاركة الأصلية كتبت بواسطة اشرف عبدة ياجماعة مشكلة الكركرة مع التكيف غالبا بيكون نوعيى البنزين مش كويسة وممكن علشان تتاكد حط نصف التنك على الاقل بنزين 95 والنصف الثانى بنزين 92 واذا لم تنتهى هذة المشكلة ابعتلى .....واى استفسار عن كيا الاتصال على رقم01013330111 مجانا لاعضاء مصر موتورز

مع احترامى لوجة نظرك و خبرتك فى العربيه و الى اخره ,بس كلام حضرتك ده على اى عربيه تانيه غير السيراتو او مشكله عرضيه تحصل مره فى التفويله .مش كل مره .
و عموما الطبيعى انى بحط مره تفويله كل 2000 كم 95 عشان النضافه .و باقى الوقت 92 ,و كلهم من انضف البنزينات اللى فى القاهره ,لانى مش حمل اى عطل ووجع قلب ,و كمان بنخاف و نحسس على العربيه اوى .عشان الحجات اللى زى دى متحصلش.

الموضوع الرئيسى :
1-دى مشكله و عيب صناعه فى السيرتو عموما .
2- حلها عمل تحديث لسوفت وير العربيه باحدث و اخر تحديث لها من الشركه الام (و لو عاوزه و عاوز التفاصيل ,نمرتى معاك ممكن اشرحلك و حضرتك تنفذ لانك عندك كل المعدات لانك مركز)
3-لو الحل ده منفعش بتعمل فحص بالكمبيوتر عليها و بتقرا قرايات معينه و كل كود و ليه معنى و ليه حل .و فى اندر الحالات فى جزء من الموتور بيتغير و بردو لازم تعمل تحديث.
4- انا و الاستاذ حاتم عملنا كل حاجه ممكن تتخيلها عشان نفرق المشكله دى سببها اه او من البنزين و طلع الكلام غير كده .
و السلام ختام.

[temo85]

المشاركة الأصلية كتبت بواسطة moha4tec مع احترامى لوجة نظرك و خبرتك فى العربيه و الى اخره ,بس كلام حضرتك ده على اى عربيه تانيه غير السيراتو او مشكله عرضيه تحصل مره فى التفويله .مش كل مره . و عموما الطبيعى انى بحط مره تفويله كل 2000 كم 95 عشان النضافه .و باقى الوقت 92 ,و كلهم من انضف البنزينات اللى فى القاهره ,لانى مش حمل اى عطل ووجع قلب ,و كمان بنخاف و نحسس على العربيه اوى .عشان الحجات اللى زى دى متحصلش. الموضوع الرئيسى : 1-دى مشكله و عيب صناعه فى السيرتو عموما . 2- حلها عمل تحديث لسوفت وير العربيه باحدث و اخر تحديث لها من الشركه الام (و لو عاوزه و عاوز التفاصيل ,نمرتى معاك ممكن اشرحلك و حضرتك تنفذ لانك عندك كل المعدات لانك مركز) 3-لو الحل ده منفعش بتعمل فحص بالكمبيوتر عليها و بتقرا قرايات معينه و كل كود و ليه معنى و ليه حل .و فى اندر الحالات فى جزء من الموتور بيتغير و بردو لازم تعمل تحديث. 4- انا و الاستاذ حاتم عملنا كل حاجه ممكن تتخيلها عشان نفرق المشكله دى سببها اه او من البنزين و طلع الكلام غير كده . و السلام ختام.

ياريت يا أ/أشرف ترد علينا فى الموضوع بتاع الكركرة ده لان فى ناس بتشتكى من القصة دى انا حاولت اكلمك على الرقم اللى حضرتك حاطه لاكن من غير رد .... ياريت نسيب الموضوع الاساسى للشكوى و نركز فى المشكل الحاليه للعملاء اظن ان ده هو الاهم و احسن رد على عدم صحه الكلام ده هو الوصول لإرضاء و حل مشاكل العملاء ولا أيه ؟؟ ((الكلاب تعوى و القافلة تسير)) فياريت نوصل لحل للموضوع ده فى اقرب وقت و ياريت ترد علينا و متعملش زى صاحب الموضوع هههههه...مستنيين ردك فى أقرب وقت