عايزة افهم كل حاجة ممكن تساعدونى

[مدام فاتن]

السلام عليكم انا اختكم مدام فاتن عضوة جديدة انا الحمد الله اشتريت عربية افيو 2014 اتوماتيك فهمت حاجات ولسه برضه مش فاهمه حاجات اصلى اول مرة اركب اتوماتك كان عندى دايو ماتيز 1999 ولما زوجى اتوفى رحمة الله عليه جبت جديدة علشان محتجش حد المهم انا عايزه اعرف هى العربية بنحط فيها ميه عادية بس فى تانك المساحات وتانك الميه الخضرا بيتغير كل قد ايه واغير زيت امتى وزيت ايه بالظبط والراديو مش عارفة اظبطه واللى يفتكر حاجة عايز يقولها ياريت اصل المهندس وهوبيشرحلى كلامه وحروفه مش وضحين واتكسفت من كتر ماقلت ايه مش سامعة وكتالوج العربيه والضمان كل مااروح الاقى الموظفة اللى معها الختم مش موجودة انا على فكرة من الاسكندرية

[Eng/salwa]

السلام عليكم ورحمة الله وبركاته


الف الف مبروك عليكى السيارة اختى الكريمة
ربنا يعطبكى خيرها ويكفيكى شرها ويبارك لك فيها يارب
وتصدقى بصدقة بنية ان يحرسك ويحرسها ربنا يارب

أقترح عليكى تذهبى للتوكيل او المعرض اللى اشترتيها منه وتسألى كل ده
او يارب احد الاخوة الكرام فى منتدانا الجميل يفيدك لانى للاسف معى هيونداى جيتز

انا بس دخلت موضوعك لأبارك لكى على سيارتك الجميلة
مرحبا بيكى فى المنتدى ونورتى

[Eng/salwa]

ده رابط موضوع عن سواقة الاتوماتيك ممكن يفيدك
والله الموفق



http://www.masrmotors.com/vb/showthread.php?t=34552

[mr_astra]

تانك المساحات ممكن تحطى فية مية عادية او مية عادية وعليها نقطتين بيريل ....المهم ان التانك يبقى مليان طول الوقت عشان موتور المساحة مايبوظش

اما عن تانك المياه الخضراء وباقى الاسئلة الخاصة بالصيانة الدورية ....فهى ليها جدول زمنى وبتتعمل فى التوكيل طول مدة الضمان ولما ينتهى ضمان السيارة انصحك تفضلى متابعة مع التوكيل

[aboyoussef.m]

المشاركة الأصلية كتبت بواسطة مدام فاتن السلام عليكم انا اختكم مدام فاتن عضوة جديدة انا الحمد الله اشتريت عربية افيو 2014 اتوماتيك فهمت حاجات ولسه برضه مش فاهمه حاجات اصلى اول مرة اركب اتوماتك كان عندى دايو ماتيز 1999 ولما زوجى اتوفى رحمة الله عليه جبت جديدة علشان محتجش حد المهم انا عايزه اعرف هى العربية بنحط فيها ميه عادية بس فى تانك المساحات وتانك الميه الخضرا بيتغير كل قد ايه واغير زيت امتى وزيت ايه بالظبط والراديو مش عارفة اظبطه واللى يفتكر حاجة عايز يقولها ياريت اصل المهندس وهوبيشرحلى كلامه وحروفه مش وضحين واتكسفت من كتر ماقلت ايه مش سامعة وكتالوج العربيه والضمان كل مااروح الاقى الموظفة اللى معها الختم مش موجودة انا على فكرة من الاسكندرية

الف الف مبروك على العربيه الجديده
ربنا يعطيكى خيرها ويكفيكى شرها
بالنسبه لتنك المساحات بنحط له مياه عاديه وبيكون عليها نقطتين صابون سائل
اما بالنسبه للزيت فاكيد انك هتغيريه فى التوكيل لان السياره تحت الضمان
وهو اما بيكون زيت بيتغير كل 3000 كيلو مت او كل 10000 كيلو متر
ونوع الزيت افضل انك تغيريه فى التوكيل