ممكن مساعدة عشان الواحد استغفر الله العظيم ميفطرش !!!

[M.Sami el adham]

السلام عليكم و رحمة الله , كل عام و انتم بخير و اهل مصر موتورز الكرام بخير ان شاء الله
اشتريت هوندا سيفيك مو 1993 اوتوماتيك من يومين , و ما شاء الله العربية حالتها ممتازة , المهم , و انا ماشى على طريق مصر السويس باعتبارى ساكن فى التجمع الاول , فجأة سمعت صوت تخبيط جامد , نزلت فتحت الكبوت ببص لقيت كل السيور واقعة و طبعا منهم سير الدينامو , رحت ماشى على البطارية و رجعت البيت براحة كدا و ركنت و اخدت سيترونتى الحبيبة ( سيتروين ax ) و اعدت ادعيلها عشان عمرها ما عملت معايا فصل مش تمام فى مرة و الحمد لله , عملت مشوارى و رحت راجع للهوندا , طلعت على الكهربائى عشان يركب السيور دى علما بأنها متقطعتش .. قاللى فيين طنبورة الكرنك ؟؟!! و بصوته ده رزعهالى خلانى واقف مبلم مش عارف ارد قلتله معرفش قاللى طبورة الكرنك مش موجودة هاتلى طنبورة الكرنك و اركبهالك و اركبلك السيور ..السؤال :ايه الكرنك دة ؟!! , بيعمل ايه اصلا ؟!! و ايه طنبورة الكرنك دى و بكام ؟!! علما بأنى كنت هألش على الكهربائى و اقوله معبد الكرنك بس مرضتش

[M.Sami el adham]

السلام عليكم ..كل عام و انتم بخير

عندى هوندا سيفيك 92 و ما شاء الله العربية ماشية و كله تمام .. وانا ماشى على طريق مصر السويس العربية عملت صوت غريب جدا زى تكسير كدة .. وقفت ببص لاقيت السيور كلها وقعت .. !! مشيت بيها براحة للبيت و طبعا لمبة الدينامو منورة .. المهم رحت للميكانيكى عشان يركب السيور بحسن نية !! قال لى طنبورة الكرنك مش موجودة , المهم اكتشفت انها فكت ووقعت , نزلت الحرفين جبت الطنبورة بالمسمار بالخابور و رجعتله , ركبها و ركب السيور و دورت .. عملت صوت دقدقة جامد جدا و بيسرع مع البنزين .. قاللى مكان الخابور واسع ( فى الكرنك نفسه ) فهنروح لخراط يعمل خابور فى الكرنك و معرفش ايه ( انا مفهمتش ) رحنا للخراط عملنا المطلوب و ركبها و كله تمام .. الكلام دة من يومين كدة .. النهاردة جيت سمعت صوت طقطقة و طخبيط اكتر من اللى كان الاول .. رحتله قاللى كدة هنعوز كرنك جديد او هنفك الكرنك دة خالص بالسبيكة بتاعته و نرزح للخراط يعمل مش عارف ايه !!!!!!! ايه الحل المظبوط او ايه المشكلة للى عمله الموضوع دة قبل كدة .. كل يومين العربية واقفة عشان الكرنك !!! ارجو المسسساااااااااااعدة و شكرا

[crime]

لو الميكانيكى موثوق فيه امشى وره كلامو لو مكنش قولى

[احمد على 1999]

فعلا لو الميكانيكى ثقة هو كده ابتدى واحدة واحدة

[M.Sami el adham]

المشاركة الأصلية كتبت بواسطة crime لو الميكانيكى موثوق فيه امشى وره كلامو لو مكنش قولى

مهو انا معرفوش اساسا , لانى اصلا معايا سيتروين و كنت عارف الميكانيكى بتاعها , بتاع سيتروين بس , بس لما جبت الهوندا معرفش حد بيفهم فيها عشان اروحله فا روحت لأى واحد للأسف .. طب ايه الحل