هتشري عربيه مستعمله ادخل اعرف مميزات وعيوبها وسعرها

[essamshah]

السلام عليكم ورحمة الله كل أصدقاء السايت الجميل ده

تحياتى
مع أحترامى لكل ماسبق من أرآء عندى وجهة نظر أعتقد أنها مفيدة فى مسألة أية سيارة أفضل
كل اللى ذكرتموه من أنواع سيارات جميل ومفيد
لكنى أفضل ال سيارة ال 128 بالذات لأسباب أهمها
1-سيارة فى متناول معظم الراكبين الجدد ماديآ
2- سيارة فى حجمها ومنظرها العام بتقول أنها سيارة عائلية من الدرجة الأولى وواسعة
3- أستهلاكها للبنزين معقول بدرجة بنزين 80 غير مكلف بالمرة خلاف 92 ،95 للسيارات الحديثة
4- جميع قطع الغيار بأسعار أقل من غيرها مقارنة بالماركات الأخرى من نفس قوة المحرك علمآ بان كما يقولون جميع قطع الغيار تقريبآ عند البقالين
5-صيانتها أى ميكانيكى ولو مبتدىء بيفهم فيها ولا مشكلة حتى لو يعملها عمرة أرخص من غيرها
6- جميع أنواع الصيانة بالمرة غير مكلفة مقارنة بالحديث من السيارات الأخرى من جميع الماركات
7- حجمها صغير ممكن ركنها فى أقل حيز
8- تصلح تمامآ للتدريب خاصة المبتدئين فى مثل أيامنا هذه ولو حصل مشكلة يمكن تتلم بأقل القليل ماليآ
9- عضمها ناشف يستحمل رزالة الطرق فى مصر يتحمل أيضآ غشم السائق الجديد فى القيادة
9-ترخيصها أقل من غيرها فى المرور
10- أنها خفيفة دائمآ فى بيعها بعد أتقان القيادة وذلك للتجديد لموديلات وماركات أعلى
لكل ماسبق هى سيارة ممتازة وخاصة لحديثى القيادة
وشكرآ

[Wael Ammar]

السلام عليكم...
أولا أحب أشكر المجهود الكبير والمحترم أللى بتقوموا بيه.
معايا 30000 ألف وبفكر أجيب سيات أيبيزا 1994 أو فورد أسكورت أو فيستا ونفسى ربنا يوفقنى وألاقى عربيه سليمه وروشه بالتمن ده.
نصايحكم محل تقدير وأحترام وألف شكر مقدما.
:08da 300846c84943ae1

[علاء سمير]

فيه قدامى عربيه ستروين bx
ب 17000 ايه رايكو فيها

[nemoebied]

لو سمحت ياجماعة انا معروض عليا عربية اكسيل 95 تقفيل كوري وبطارية وكاوتش جديد و فبريكة من جوة ورشة من برة وتكييف وزجاج كهربا ب 35000 الف جنية ده سعر مناسب ولا لأ
افيدونا من فضلكم

[نمر الساحة]

ايه رايكم فى باسات 2006 او 2007