العودة   مصر موتورز مجتمع السيارات > السيارات اليابانية > نيسان NISSAN > صنى SUNNY

صنى SUNNY نيسان صنى


إضافة رد
 
أدوات الموضوع
  #1  
قديم 06-10-2009, 05:35 AM
Dr/Mohammed Dr/Mohammed غير متواجد حالياً
التخصص العملى: طالب بكليه الطب
 
تاريخ التسجيل: Aug 2009
الموقع: مصر ام الدنيا
المشاركات: 214
Dr/Mohammed has a brilliant futureDr/Mohammed has a brilliant futureDr/Mohammed has a brilliant futureDr/Mohammed has a brilliant futureDr/Mohammed has a brilliant futureDr/Mohammed has a brilliant futureDr/Mohammed has a brilliant futureDr/Mohammed has a brilliant futureDr/Mohammed has a brilliant futureDr/Mohammed has a brilliant futureDr/Mohammed has a brilliant future
تجربة قياده نيسان صني سوبر صالون 2010




سلام عليكم

ازيكم يا اعضاء مصر موتورز

منورين

النهارده بعمل تقرير كده بسيط علي قدي عن
نيسان صني سوبر صالون 2010

اولا الحمد لله انا استلمت العربيه من اسبوع الحمد لله

هي اول عربيه اجيبها خاصه بيا الحمد لله ربنا يبارك فيها ويحفظها ويديني خيرها ويكفيني شرها

بس قبلها كنت بركب عربيه بابا شاهين << طالع عنيها الله يعينه عليها

المهم القصه اني رحت التوكيل في ابو رواش لانه جمبنا انا من 6 اكتوبر( مودرن موتورز )

المهم دخلت قولت عايز عربيه قابلنا واحد اسمه السيد انور

وكان انسان كويس ومحترم ربنا يجازيه خير

المهم كنت عايز لون دهبي بس فضل يقولوا لا الاسبوع الي بعده لا الي بعده لا الي بعده

المهم بعد العيد باسبوع قولت خلاص هاخد النبيتي

وعجبني و لاقيته متناسق مع الفرش الي جوه

المهم قولت علي بركه الله وربنا وفق واستلمتها بعدها ب 4 ايام كان يوم الخميس

المهم رخصناها وما ادراكم بترخيص 6 اكتوبر حاجه زفت زفت زفت ربنا ما يورينا القرف ده ونهج من البلد دي

المهم رخصناها الحمد لله

وابتديت بقي اتحرك بالعربيه ذهابا وايابا للجامعه واحيانا توصيلات خاصه للاسره وكده

تقييمي للعربيه جيد جدا
يمكن تقيمي جيد جدا لاني قبلها كنت بسوق شاهين بعض الاحيان يعني سايق حجر الصراحه
فاديت للعربيه التقيم ده لان هي بجد عربيه محترمه جدا وكويسه جدا
وتقيمي جيد جدا ليها

احب اقول عيوبها قبل المميزات

العيوب

اول حاجه وبجد دي مضيقاني جدا الكرسي بتاعها واطي شويه وناشف الي حد ما بس تحس انك ثابت في القعده
تاني حاجه التكيف بتاعها ادائه مش مميز ( يمكن علشان انا بقارنها بالكرولا 2007 لان الكرولا دي ركبتها مع صديق كذا مره) فاداء التكيف مش ممتاز ولكن نديله جيد مرتفع
تالت حاجه الكاسيت حاسس انه تقليدي قوي هو سي دي كينود حاسس انه حاجه كده غريبه في وسط العربيه يعني مش ماشي مع شكل الخشب الزان واللون كده حاجه زرقه في الوان هاديه ( بردوا يمكن علشان بقارن بكاسيت الكورولا 2007 )
رابع حاجه مفهاش نظام امان وبيتركب ب 440 جنيه مع مفاتح الي فيه زراير ده وانا سالت في التوكيل قالولي كده بس الي فيها حاليا alert zone زي ما قال يعني لو حد حاول يفتح الباب هاتصوت هههههههه مش لو كسر الازار زي ما قال بردوا ههههههههه
خامسا مش عازله قوي بس معقوله مقبوله بردوا يمكن علشان كنت راكب شاهين فكنت في الشارع يعني وبقيت جوه عربيه دلوقتي لكن عزلها فعلا مش قد كده بس نديله تقيم جيد جدا
يعني ده تقريبا ملاحظتي في العيوب

صحيح السحب بتاعها اه كويس وكل حاجه بس مش عارف مش مريحني يمكن علشان اول مره اسوق اتوماتيك


نيجي للميزات

حلوه وناعمه في السواقه يمكن تشبه قليلا الكورولا في النعومه ال حد ما ولما ركب زميلي صاحب الكرولا اعجب بنعومه العربيه
ثابته لحد 140 دي اكتر حاجه جبتها بيها تقريبا كنت بجرب سرعتها كده عايز اشوف اخبار السرعه وكده بس مصفرتشي عند 120 لكن جابت نور بيقول اني عديت ال 120 الحركه دي معجبتنيش قوي لان الي بيسوق علي سرعه عاليه معتقدشي عنده وقت انه بيص للعداد هو مركز كل تركيزه في الطريق
ثالثا فيها اماكن كتير للتخزين وده عجبني جدا غير ان التابلوه يشبه كثيرا ان لم يكن هو الكرولا ودي حاجه عجبتني جدا جدا ( منحاز انا قوي للكرولا )
رابعا فراملها عجبتني جدا يعني تقدر توقف العربيه من سرعه70 ل 10 او اقل قبل المطبات بقليل ودي حاجه حسستني بالامان في العربيه
طبعا دا غير مميزات العربيه المرايات الكهرباء مريحه بطريقه عاليه قوي وانها بتطوي بالكهرباء ريحتني جدا الصراحه وباقي الاوبشن الازاز والشنطه والتانك الكهرباء



ملحوظه ودي عايز اروح اسال التوكيل فيها

والناس الي ساكنه في 6 اكتوبر ياريت لو تقولي تقديري ده غلط او لا

انا الاول ساكن عند بنك مصر بالظبط الي في المتميز
العربيه بالظبط سوقتها من البيت لحد جامعه 6 اكتوبر مرتين رايح وجي وكمان مره للمعهد الازهري للغات غير قبلها اخدتها يجي 3 مرات علشان الترخيص الي في اكتوبر الي بعد فودافون تقريبا
ولاقيت العربيه عملت 200 كيلو
مستغرب ازاي 200 كيلو وانا مشيت دول بس
غير اني الي اكدلي ان في حاجه
ختها من البيت لحد معهد الازهري للغات عملت 2 كيلو ازاي بقي دي مش عارف
المهم العداد بيتكتب 200 وجمبه فيه علامه oDo
فهل دي بتدل علي الكيلو مترات ولا دي بتعمل حساب تاني
ياريت تقولولي لاني قلقان من الموضوع ده
وان شاء الله هسال فيها التوكيل ونشوف


وتقيم عام علي العربيه هي بجد جيد جدا
يمكن تقيمي قاسي شويه عليها لاني بقارنها بالكرولا لان كان نفسي في كرولا
ولكن ليس كل ما يتمناه المرء يدركه لعله يدركه يوما ما
واركب كورولا بامر الله

والعموم اعتبروا بقي نيساناوي جديد معاكم في الصوبر صالون لو حد عايز اي سؤال يعني مش هانتاخر

وعازين دعواتكم بقي ان ربنا يسترها معايا في العربيه

لاني خايف عليها << الكل بيقول علشان جديده بكره ترميها في وسط الشارع علي راي بابا

غير اني بسرح كتير قوي وانا سايق ربنا يسترها

وبنهديكم اغنيه ست الحبايب يا حبيبه انتي << حته من فلم الليمبي

والموضوع اهداء لكل اعضاء مصر موتور وبالاخص ابو نورا لان كان لي كم اتصال وتعارف بيه انسان محترم جدا ربنا يكرمكه

ptmnlo123per122
والسلام ختام
__________________

اشهد ان لا اله الا الله وان محمد رسول الله

التعديل الأخير تم بواسطة AbOnOrA ; 09-10-2009 الساعة 09:13 PM
رد مع اقتباس
  #2  
قديم 06-10-2009, 06:08 AM
EgyZizo EgyZizo غير متواجد حالياً
 
تاريخ التسجيل: Sep 2009
المشاركات: 330
EgyZizo has a brilliant futureEgyZizo has a brilliant futureEgyZizo has a brilliant futureEgyZizo has a brilliant futureEgyZizo has a brilliant futureEgyZizo has a brilliant futureEgyZizo has a brilliant futureEgyZizo has a brilliant futureEgyZizo has a brilliant futureEgyZizo has a brilliant futureEgyZizo has a brilliant future
افتراضي رد: تقرير بسيط عن نيسان صني سوبر صالون 2010

ألف مبروك ..
هل جربت انك تشيل فيها العيلة؟
مارأيك فى اتساع الكنبة الخلفية؟
رد مع اقتباس
  #3  
قديم 06-10-2009, 06:19 AM
Dr/Mohammed Dr/Mohammed غير متواجد حالياً
التخصص العملى: طالب بكليه الطب
 
تاريخ التسجيل: Aug 2009
الموقع: مصر ام الدنيا
المشاركات: 214
Dr/Mohammed has a brilliant futureDr/Mohammed has a brilliant futureDr/Mohammed has a brilliant futureDr/Mohammed has a brilliant futureDr/Mohammed has a brilliant futureDr/Mohammed has a brilliant futureDr/Mohammed has a brilliant futureDr/Mohammed has a brilliant futureDr/Mohammed has a brilliant futureDr/Mohammed has a brilliant futureDr/Mohammed has a brilliant future
افتراضي رد: تقرير بسيط عن نيسان صني سوبر صالون 2010

والله اتساع الكنبه حلو وواسعه ما شاء الله في الكنبه
يمن تقريبا زي الكورولا
ومريحه في لقعده ورا مش ناشفه او اي حاجه
لكن مجربتش ان 3 افراد يقعدوا ورا
هوا واحد بس
__________________

اشهد ان لا اله الا الله وان محمد رسول الله
رد مع اقتباس
  #4  
قديم 06-10-2009, 05:44 PM
Dr/Mohammed Dr/Mohammed غير متواجد حالياً
التخصص العملى: طالب بكليه الطب
 
تاريخ التسجيل: Aug 2009
الموقع: مصر ام الدنيا
المشاركات: 214
Dr/Mohammed has a brilliant futureDr/Mohammed has a brilliant futureDr/Mohammed has a brilliant futureDr/Mohammed has a brilliant futureDr/Mohammed has a brilliant futureDr/Mohammed has a brilliant futureDr/Mohammed has a brilliant futureDr/Mohammed has a brilliant futureDr/Mohammed has a brilliant futureDr/Mohammed has a brilliant futureDr/Mohammed has a brilliant future
افتراضي رد: تقرير بسيط عن نيسان صني سوبر صالون 2010

ايه يا جماعه فينكم
__________________

اشهد ان لا اله الا الله وان محمد رسول الله
رد مع اقتباس
  #5  
قديم 06-10-2009, 09:18 PM
mohamedfadel mohamedfadel غير متواجد حالياً
التخصص العملى: مدير المكاتب الامامية و الحجز و المبيعات
 
تاريخ التسجيل: Dec 2008
الموقع: السعودية
المشاركات: 35
mohamedfadel will become famous soon enough
افتراضي رد: تقرير بسيط عن نيسان صني سوبر صالون 2010

ألف مبروك ..ربنا يبارك فيها ويحفظها و يعطيك خيرها ويكفيك شرها
رد مع اقتباس
إضافة رد

الكلمات الدليلية
تقرير

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 02:00 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017