أنتم ليه زعلانين قوى كده من التويوتا افانزا

[chevy_lumina]

المشاركة الأصلية كتبت بواسطة borio1704 بالنسبة لزيادة أو قلة قوة الموتور فدي تعتمد على حاجة تانية إسمها "نسبة القوة للوزن" ودي زي فكرة إن لو فيه حاجة تقيلة عايزة تشيليها ممكن تجيبي حد يساعدك ويشيلها معاكي، يبقى كده قوة شخصين بتشيل نفس الوزن فبقى أسهل يبقى الموتور القوي ممكن يبقى ضعيف لو شايل عربية تقيلة قوي... والعكس صحيح موضوع التكييف ده كبير شوية، لإنه حيدخلنا في موضوع تاني له علاقة بطريقة إخراج قوة الموتور إزاي؟؟؟ موتور العربية مش بيدور بسرعة ثابتة (عكس المواتير الكهربائية اللي عادة بتبقى سرعتها ثابتة) وبالتالي مش بيطلع كل الطاقة بتاعته بالتساوي إيه الكعبلة دي؟؟؟ ما تقول حاجة نفهمها!!! طيب... باختصار ... الموتور قوته بتزيد لما بنزود سرعته... يعني لما صوته بيعلى... يعني لو أنا ماشي بالراحة غالبا أنا مستغل حوالي 30-40 % بس من الطاقة الإجمالية للموتور، وكل ما زودت سرعة الموتور اللي بيسموها الـRPM (مش سرعة العربية) أنا كده باخد قوة أكبر بصي على الصورة دي طيب إيه علاقة ده بالتكييف؟؟؟ لو عندي مثلا عربية موتورها 100 حصان، وانا ماشي بالراحة يبقى الموتور بيطلع حوالي 30-40 حصان بس. لما بنشغل التكييف... التكييف بيستهلك قوة من الموتور لإنه الكومبريسور بتاعه بيشتغل عن طريق موتور العربية (بدل ما نجيب موتور تاني زي تكييف البيت)، ولو التكييف ده بيستهلك 3 حصان، يبقى أنا كده استهلكت حوالي 10% من قوة الموتور في التكييف يبقى محصلة الموتور اللي مشغل التكييف إنه بيطلع حوالي 27 حصان بدل 30 عشان يمشي العربية، وبالتالي سحب العربية بيقل.. واستهلاك البنزين بيزيد لإني باضطر أدوس بنزين زيادة عشان آخد نفس الأداء بتاع العربية من غير التكييف لو الموتور أصلا ضعيف (نقول 50 حصان مثلا).. والتكييف بردو 3 حصان... حيبقى الموضوع صعب قوي على الموتور. معلش... أنا طولت في المقدمة.. بس أنا ما باعرفش ألاقي حد عايز يعرف معلومة وما أديهالوش المهم... موضوع إن المواتير الحديثة أكفأ من المواتير القديمة ده حقيقي جدا ... لأن أي تكنولوجيا بتتطور... ودلوقتي المواتير أقوى بنسبة 150-200% من المواتير من 30-40 سنة لو جينا للمقارنة بين الأفانزا والفيرنا حنلاقي التالي: العربيتين قوة موتورهم تقريبا زي بعض (الأفانزا 107 حصان... الفيرنا 106 حصان) الفيرنا أخف من الأفانزا (حوالي 1005 كجم للفيرنا مقابل 1100 كجم للأفانزا) وده بيخلي الفيرنا أسرع الفيرنا دفع أمامي (موتور بالعرض على كبالن) والأفانزا دفع خلفي (موتور بالطول على كورونا) ... يعني في الأفانزا مش حنحتاج نغير كبالن الأفانزا عربية تستحمل أكتر لأنها في الأصل مبنية على جسم الدايهاتسو تريوس القديمة (4×4).. يعني المفروض تستحمل البهدلة الأفانزا عربية ياباني (صحيح متفلة في إندونسيا .. بس التكنولوجيا كلها ياباني) والتويوتا عربية أعطالها نادرة وسمعتها معروفة على مستوى العالم غالبا.. لو عربية وزنها 1100 وعليها موتور 105 حصان زي الأفانزا يبقى أداءها كويس جدا للاستخدام الطبيعي للعربيات الأفانزا عربية عملية وعائلية بس مش بتاعة مناظر.... والناس اللي معاهم الأفانزا مبسوطين منها جدا، واللي مش مبسوط منها بيدور على الشكل قبل الأداء (غالبا شباب معندهمش عيلة كبيرة) توكلي على الله وانصحي جوزك بيها معلش طولت عليكي... زيادة شوية... وأرجو إني أكون ضفتلك معلومة ...

[YahiaAshraf]

التويوتا افانزا اصلا اندونيسى على يابانى

بس بعد ال 120 العربيه بتبقى مش ثابته خالص
لانها عاليه عن الارض و فى نفس الوقت رفيعه

انا شايف ان الرينو لوجان استيشن احسن منها

(لانهم نفس الفئه السعريه)

[borio1704]

المشاركة الأصلية كتبت بواسطة yahiaashraf التويوتا افانزا اصلا اندونيسى على يابانى بس بعد ال 120 العربيه بتبقى مش ثابته خالص لانها عاليه عن الارض و فى نفس الوقت رفيعه انا شايف ان الرينو لوجان استيشن احسن منها (لانهم نفس الفئه السعريه)

متهيألي حسب طريقة الاستخدام اللي مذكورة المفروض تبقى عربية نص نقل... عشان كده أعتقد إن الأفانزا هي أنسب عربية عشان هي دفع خلفي والشاسيه بتاعها قوي نسبيا... وبالنسبة للاتزان على السرعات بعد 120 معتقدش إنه حيبقى مشكلة لإن واضح إن طبيعة القيادة مش حتعدي السرعة دي.

...

[مستجدة]

المشاركة الأصلية كتبت بواسطة borio1704 بالنسبة لزيادة أو قلة قوة الموتور فدي تعتمد على حاجة تانية إسمها "نسبة القوة للوزن" ودي زي فكرة إن لو فيه حاجة تقيلة عايزة تشيليها ممكن تجيبي حد يساعدك ويشيلها معاكي، يبقى كده قوة شخصين بتشيل نفس الوزن فبقى أسهل يبقى الموتور القوي ممكن يبقى ضعيف لو شايل عربية تقيلة قوي... والعكس صحيح موضوع التكييف ده كبير شوية، لإنه حيدخلنا في موضوع تاني له علاقة بطريقة إخراج قوة الموتور إزاي؟؟؟ موتور العربية مش بيدور بسرعة ثابتة (عكس المواتير الكهربائية اللي عادة بتبقى سرعتها ثابتة) وبالتالي مش بيطلع كل الطاقة بتاعته بالتساوي إيه الكعبلة دي؟؟؟ ما تقول حاجة نفهمها!!! طيب... باختصار ... الموتور قوته بتزيد لما بنزود سرعته... يعني لما صوته بيعلى... يعني لو أنا ماشي بالراحة غالبا أنا مستغل حوالي 30-40 % بس من الطاقة الإجمالية للموتور، وكل ما زودت سرعة الموتور اللي بيسموها الـRPM (مش سرعة العربية) أنا كده باخد قوة أكبر بصي على الصورة دي طيب إيه علاقة ده بالتكييف؟؟؟ لو عندي مثلا عربية موتورها 100 حصان، وانا ماشي بالراحة يبقى الموتور بيطلع حوالي 30-40 حصان بس. لما بنشغل التكييف... التكييف بيستهلك قوة من الموتور لإنه الكومبريسور بتاعه بيشتغل عن طريق موتور العربية (بدل ما نجيب موتور تاني زي تكييف البيت)، ولو التكييف ده بيستهلك 3 حصان، يبقى أنا كده استهلكت حوالي 10% من قوة الموتور في التكييف يبقى محصلة الموتور اللي مشغل التكييف إنه بيطلع حوالي 27 حصان بدل 30 عشان يمشي العربية، وبالتالي سحب العربية بيقل.. واستهلاك البنزين بيزيد لإني باضطر أدوس بنزين زيادة عشان آخد نفس الأداء بتاع العربية من غير التكييف لو الموتور أصلا ضعيف (نقول 50 حصان مثلا).. والتكييف بردو 3 حصان... حيبقى الموضوع صعب قوي على الموتور. معلش... أنا طولت في المقدمة.. بس أنا ما باعرفش ألاقي حد عايز يعرف معلومة وما أديهالوش المهم... موضوع إن المواتير الحديثة أكفأ من المواتير القديمة ده حقيقي جدا ... لأن أي تكنولوجيا بتتطور... ودلوقتي المواتير أقوى بنسبة 150-200% من المواتير من 30-40 سنة لو جينا للمقارنة بين الأفانزا والفيرنا حنلاقي التالي: العربيتين قوة موتورهم تقريبا زي بعض (الأفانزا 107 حصان... الفيرنا 106 حصان) الفيرنا أخف من الأفانزا (حوالي 1005 كجم للفيرنا مقابل 1100 كجم للأفانزا) وده بيخلي الفيرنا أسرع الفيرنا دفع أمامي (موتور بالعرض على كبالن) والأفانزا دفع خلفي (موتور بالطول على كورونا) ... يعني في الأفانزا مش حنحتاج نغير كبالن الأفانزا عربية تستحمل أكتر لأنها في الأصل مبنية على جسم الدايهاتسو تريوس القديمة (4×4).. يعني المفروض تستحمل البهدلة الأفانزا عربية ياباني (صحيح متفلة في إندونسيا .. بس التكنولوجيا كلها ياباني) والتويوتا عربية أعطالها نادرة وسمعتها معروفة على مستوى العالم غالبا.. لو عربية وزنها 1100 وعليها موتور 105 حصان زي الأفانزا يبقى أداءها كويس جدا للاستخدام الطبيعي للعربيات الأفانزا عربية عملية وعائلية بس مش بتاعة مناظر.... والناس اللي معاهم الأفانزا مبسوطين منها جدا، واللي مش مبسوط منها بيدور على الشكل قبل الأداء (غالبا شباب معندهمش عيلة كبيرة) توكلي على الله وانصحي جوزك بيها معلش طولت عليكي... زيادة شوية... وأرجو إني أكون ضفتلك معلومة ...

شكرا جزيلا على المعلومات القيمة و الاسلوب المبسط
و بجد استفدت جدا
على الاقل هقول لزوجى كلام يفهمه
لأنه بيكره كلامى العشوائى
و معلش كنت مشغوله اليومين اللى فاتوا فمدخلتش نت

[مستجدة]

المشاركة الأصلية كتبت بواسطة yahiaashraf التويوتا افانزا اصلا اندونيسى على يابانى بس بعد ال 120 العربيه بتبقى مش ثابته خالص لانها عاليه عن الارض و فى نفس الوقت رفيعه انا شايف ان الرينو لوجان استيشن احسن منها (لانهم نفس الفئه السعريه)

شكرا على المشاركة
هو ان كان عليه عايز عربية هامر.

بس مش حمل مصاريفها
و خاصة انه بيروح مشوار كبير يوميا فى الزحمة