استفاسار عن علبة البيئة ... لانوس

[eaglenest]

السلام عليكم ورحمة الله وبركاته ,,,, انا عربيتي لانوس 2008 وكنت بروح افول تقريبا كل 160 كم فقولت دي حاجة مش طبيعية .. رحت التوكيل رفع العربية وقالي استهلاك البنزين عالي لأن العربية مخنوقة

بيقولي ان علبة البيئة مكسورة وبايظة ولازم تتغير .. طبعا الجديد بعد ما سئلت عليه ب 1800 جنيه ... اما المصري ب950 جنيه ... والاستعمال تقريبا من 300 ل 400 جنيه .. بس مش دي الحكاية
المشكلة اني ملقتش استعمال وطبعاً الجديدة غالية وممكن تنكسر تاني وله حاجة بسرعة اصلي تخصص حك مطبات

بتاع التوكيل قالي انا هفكها وهنظفلك الفحم اللي جواها ونزله كله خلاها فاضية لغاية ما اجيب واحدة .. او بيقولي فيه اقتراح تاني يشيلها خالص ويعملي وصلة واحدة وهتأدي نفس الغرض ؟؟؟؟؟؟؟؟؟؟ انا مش فاهم بصراحة يعني الاحسن اغيرها واجيب استيراد وله اركب الوصلة دي .. وهل لو سيبتها كده فاضية فترة هتأثر على حاجة

[Emgrand]

كله بينصح بالوصله وانتظر ردود الناس الخبره افضل

[dr_maged]

شيل يا باشا كل الناس بتقول انك تشيلها افضل 100 مرة

[eaglenest]

س فيه ناس مخوفني من الوصلة وانها هتقرفني وكده .. بس بصراحة لقيتها في التوكيل ب 280 جنيه وزي الفل مش بال1000 جنيه والراجل قاعد يقنع فيا وانا مفيش فايدة مقلق والله حاسس ان الوصلة هتكون اقل كفائة من العلبة

وكمان انا مفديها من الرصاص اللي فيها دلوقتي .. هوه عادي كده وله فيه ضرر (ده غير ان انضحك عليا من اللي فضاها خد الرصاص لانه بيتباع وانا اللي كنت مستغرب انه بيعينه على جنب ههههههههههه )

[eaglenest]

واسف على تعبكم يا جماعة .. هوه انا لو غيرت وركبت الماسورة الوصلة دي .. وبعدين حبيت اني اجيب علبة بيئة تاني ممكن اركبها وله كده يبقى خلاص مفيش رجوع ....
ويا ترى الوصلة دي هتسحب بنزين اكتر من الاول وله ملوش تأثير ........ مع العلم ان صعبان عليا اني اشيلها اصلا بس سعرها مش هينفع دلوقتي خالص