#1
|
|||
|
|||
الحصول علي افضل نتيجه تسارع مع النيسان صني
سلام عليكم
النهارده بعد ما حصلنا علي الاجازه ولمده اسبوع الاجازه ptmnlo123per172 قولت بقي نعمل حاجه لمصرموتورز الموضوع عن كيفيه قياده النيسان صني الاول العربيه الي عليها كلامي كله : نيسان صني سوبر صالون 2010 الدلع للعربيه نيسان صني سوبر خارون ثانيا فتره الامتلاك : يعني يجي بتاع 4 شهور تقريبا ثالثا عدد الكيلووات : 5000 كيلو الاول موضوعي هانتكلم فيه اذاي تخلي نيسان صني في احسن حالتها بمعني ازاي تطلع بالصني سفر مثلا وتحس فعلا انك راكب عربيه تسارع صح عربيه تحس انها حاجه فخمه كده لا سيما علي ثباتها طبعا المعترف به لها والمميزات في الفرامل وكده فده هايعزز طبعا فكره التسارع وكده الاول طبعا هو السوبر صالون مش بينزل منه غير اوتوماتيك ومعروف عن الاوتوماتيك انه في الدفع ضعيف مش زي المانيوال بس طبعا سحبها افضل من المانيو ع السرعات العاليه طبعا بعد 80 كلامي هايثبته المختصين انا بتكلم من بس تجارب مش اكتر المهم هم كم خطوه كده يفضل عملها عند قياده السياره وبجد لو عملت الي هاقوله وطلعت بيها ع طريق هاتحس انك ركب عربيه تسعدك بالتسارع وسط العربيات التانيه المهم نخش بقي في الخطوات : 1. يفضل بدء السواقه بهدوء : يعني انت ممكن تحس بنتشه العربيه ودفعتها اول ما تسوق بانك بتدوس علي البنزين بسرعه وجامده لكن يفضل انك تكون هادي في دوستك علي البنزين في البدايه لردجه انك متحسش ان العربيه مشيت لانك مسحتشي بهزه الطلعه وكده اتمني حد يكون فهمني 2.يفضل عدم تشغيل التكيف في بدايه السواقه وتشغيله يعني بعد فتره كده 5 دقائق كده ولا حاجه 3.طبعا انت تفضل تستخدم السواقه الهاديه لغايه ما توصل ل 80 بعدها تقدر تدوس براحتك بس حاول متضغطشي قوي يعني سيب العربيه تسحب مع نفسها اه في ناس هاتسبقك عادي جدا هاتجبهم بجد 4. بعد ال100 دوس براحتك بس مش لدرجه الكيك داون وهاتلاقي العربيه معاك بتفتح ل 180 مستريحه جدا وهايعزز شعورك بالمتعه طبعا الثبات الي بجد تقدر تفضل حاسه لحد 150 او 160 تقريبا انا الحاجات دي بعملها ديما لو مسافر علي الطريق تقريبا كل فتره بسافر للمنصوره وبيبقي معايا رفقاء الطريق في عربياتهم وبنطلع مع بعضينا وكلهم بيسبقوني في الاول بس بعدها كلهم بيبقوا ورايا بامر الله يعني لانهم بيكونوا جابوا اعلي حاجه تجيبها العربيه وبعدها النيسان بتفتح بقي زي ما بنقول وكمان يعني نصيحه كده بلاش حد يقرص علي النيسان ابدا هي اه عربيه محترمه جدا جدا بس علشان تحس ديما انك راكب عربيه محترمه خليك ديما مهتم بيها يعني كغسيل ونضافه وكده من الداخل ومن الخارج لانها بجد عربيه متتهانشي وتعتبر خيار ممتاز للي في فئه 100 الف جنيه طبعا يعني مع شويه نصائح بقي للسواقه عمتا الي انتم ادري بيها مني *يفضل طبعا ميتفتحشي ازاز وانت معدي ال 100 مش هاقولك علشان الثبات وكده الكلام ده في فيرنا مش نيسان بس يعني علشان العزل بحس اني لوحدي كده عن الناس *التاكد من ضغط الاطارات دي حاجه هاتعزز بجد التسارع جدا اه كمان بالنسبه للفرامل بس ده للسوبر صالون لتوفر abs abd والحاجه التالته الي من حرفين دي بس مش متزكرها بلاش القرص علي الفرامل حاول لو علي سرعه اكبر من 140 خلي ضغطك علي الفرامل متقطع لحد ما توصل ل 120 وبعدها لو تحب خليها متواصل هاتديك هدوء في السرعه غير متوقع وكمان لو انت بقي ماشي علي 80 مثلا وفجاه لازم تفرمل نتيجه لعربيه قدامك ولا اي حاجه يفضل لما تيجي تفرمل خد شمال ويمين بسرعه يعني خد ربع دايره نحيه الشمال وبعدين نحيه اليمين وكرر العمل ده لحد ما تلاقي العربيه هديت معاك ليه بقي لان اولا العربيه فيها نظام توزيع الفرامل علي الاربع عجلات وكمان نظام التحكم في فرامل العربيه حتي عند الدوران وطبعا احنا عارفين الحركه الزجزاجيه دي بتدينا طول في طريق مسار العربيه وده هايدي فتره اطول للفرامل وبالتالي هايهدي سرعه العربيه قبل ان شاء الله حدوث اي حادث ** ملحوظه : بس علشان الي يقول احسن تسارع مع النيسان حسب ما كتبت في لعنوان ميجيش يقولي انا تسارعت مع الجيتا مثلا ولا مع مرسيدس انا كلامي ع العربيات العاديه الي نفس موديل لسنه 2010 ومانيوال كمان مش اوتوماتيك وهنا انتهي الموضوع متمني لكم قضاء اسعد الاوقات واسعد اللحظات مع نيسان صني
__________________
اشهد ان لا اله الا الله وان محمد رسول الله
التعديل الأخير تم بواسطة Dr/Mohammed ; 12-02-2010 الساعة 06:21 AM |
#2
|
||||
|
||||
رد: الحصول علي افضل نتيجه تسارع مع النيسان صني
طبعا بجد موضوعك هايل ومفيد
انا شخصيا كان معايا نيسان 2007 وفعلا العربية محترمه جدا بس انا عايز اقولك انى جبت بيها 190 و 200 على طريق البحر الاحمر ةوالعربية راسية وزى الفل |
#3
|
|||
|
|||
رد: الحصول علي افضل نتيجه تسارع مع النيسان صني
اهلا بيك ياباشا ونورت موضوعي بجد
اه وانا جبت بيها 220 علي المحوري الساعه 5 الفجر وانا رايح امتحان الرواند في القصرالعيني بس الي اقصده يعني ان العربيه متحسش بالسرعه خالص وتحس انك ماشي علي مثلا 80 وهي معلي 160 فهمني ونورت ياباشا
__________________
اشهد ان لا اله الا الله وان محمد رسول الله
|
#4
|
|||
|
|||
رد: الحصول علي افضل نتيجه تسارع مع النيسان صني
انا معايا لانوس 2005 وجبت بيها 170 مره بس اخر الامبير 220 ولكن مش هيزيد عن 185 تقريبا.. وبعدين انت في سنه كام في كليه الطب لاني في سنه 5 و مدرك المعاناة.. |
#5
|
|||
|
|||
رد: الحصول علي افضل نتيجه تسارع مع النيسان صني
اهلا بيك يا دكتور
انا في سنه رابعه اه وامبير الصني فتح معايا لحد 220 بس اتمسكت طبعا ردار يوميها مره وانا اعرف ان العربيه مادام عدي عليها سنه العربيه مش هاتقفل العداد بتاعها ده يعني معلومه كده مش عارف صح ولا غلط
__________________
اشهد ان لا اله الا الله وان محمد رسول الله
|
|
|