تعالوا ياللى عاوزين تشتروا نيسان الجديدة - خلاص إتأكدت إن فيها مشكلة

[sehsss]

المشاركة الأصلية كتبت بواسطة myson medo كلامك جميل بس وضحلى يعنى ايه شد وحرق وكمان انت كده متفق معايا ان القديمة اقوى واجمد من الجديدة صح ؟ وكنت عاوزة اقولك ان القديمة قالوا عنها مش موفرة لحد عام 2010 وانهم عالجوا العيب ده ابتداء من 2011 ( ياترى ايه صحة المعلومة دى ) وفى النهاية كنت عاوزة اقولك ان العربية همشى بيها جوه المدينة ومش هسافر بيها غير كل فين وفين منتظرة الرد على اسئلتى

بصي، الشد والحرق ده يعني القرص على الغيارات علشان العربية تجري (التسارع)
أنا مش بقول إنها أحسن أنا بقول إن دي ليها مميزات ودي ليها مميزات تانية.. يعني القديمة موتورها أقوى (118 حصان) والجديدة (99) يعني القديمة بتجري أكثر.. والصني الجديدة تكنولوجيا أحد وموتور أحدث وواسعة.. دا اللي أنا أقصده
أنا معايا 2011 مانيوال هما ضافوا فيها حساس أوكسجين وده وظيفته يقلل الاستهلاك بس بنسبة 10 % فقط تقريبا
يبقى توكلي على الله وهاتي الشكل الجديد، خصوصا إن البنات عموما مالهومش قوي في الشقاوة (هههههههه) واستفادي بوسع العربية .. وعلى فكرة ممكن تسافري بيها طبعا عادي جدا.. تحياتي

[myson medo]

المشاركة الأصلية كتبت بواسطة sehsss بصي، الشد والحرق ده يعني القرص على الغيارات علشان العربية تجري (التسارع) أنا مش بقول إنها أحسن أنا بقول إن دي ليها مميزات ودي ليها مميزات تانية.. يعني القديمة موتورها أقوى (118 حصان) والجديدة (99) يعني القديمة بتجري أكثر.. والصني الجديدة تكنولوجيا أحد وموتور أحدث وواسعة.. دا اللي أنا أقصده أنا معايا 2011 مانيوال هما ضافوا فيها حساس أوكسجين وده وظيفته يقلل الاستهلاك بس بنسبة 10 % فقط تقريبا يبقى توكلي على الله وهاتي الشكل الجديد، خصوصا إن البنات عموما مالهومش قوي في الشقاوة (هههههههه) واستفادي بوسع العربية .. وعلى فكرة ممكن تسافري بيها طبعا عادي جدا.. تحياتي

بص بقى الصدف امبارح واحد قريبى دخل عليه ناس فى الشركة الخاصة بيه وكانوا بيتكلموا على حاجة المهم لاقاهم بيقولوا انهم شاريين صنى الجديدة وكانوا بيعملولها فرش جلد لسه جديد المهم لاقاهم بيقولوا ان تكييفها طلع مش شغال وانهم لسه بقى هيروحوا يشوفوا فين المشكلة وبكده تبقى دى رابع حالة قابلتها فى كفرالشيخ لحد دلوقتى مش عارفة بقى العيب فين بالضبط علشان الناس اللى بتقول ان العربية معاهم ومفيهاش مشكلة
هو حاجة من اتنين - اما هما مش بيعرفوا قوى فى العربية او انهم مش هيعرفوا غير لما المشكلة تبان لعدم الخبرة

او ان العيب بقى فى العربيات اللى بيجبوها لكفرالشيخ بالتحديد

بصراحة انا كده اتقفلت من العربية وبدور فى رينو سانديرو بقى او لوجان وخلاص
وشكرا ليك

[علاء عزمي]

انا من رائيي اشتري بروتون بيرسونا 2012 اوتوماتيك عربية حكاية وفيها كل الكماليات وعاملة 95000 انا كان عندي 2010 وبعتها لظروف مادية وناوي اجيب 2012 منها ان شاء الله بس علي اول السنة علي ما اكمل فلوسي والله عربية تحفة قوية وثبات وكماليات ولو عاوزة الهاتش باج يبقي جين تو اوتوماتيك عامله 94000 عربية تحفة عن تجربة والله

[myson medo]

المشاركة الأصلية كتبت بواسطة علاء عزمي انا من رائيي اشتري بروتون بيرسونا 2012 اوتوماتيك عربية حكاية وفيها كل الكماليات وعاملة 95000 انا كان عندي 2010 وبعتها لظروف مادية وناوي اجيب 2012 منها ان شاء الله بس علي اول السنة علي ما اكمل فلوسي والله عربية تحفة قوية وثبات وكماليات ولو عاوزة الهاتش باج يبقي جين تو اوتوماتيك عامله 94000 عربية تحفة عن تجربة والله

كلامك جميل جدا وانا بالفعل كنت عملت بحث ولقيت انهم احسن من الصنى الجديدة فى حاجات كتير واحسن من اللوجان والسانديرو بالنسبة للأوبشن - لكن للاسف قريت آراء ناس كتير وتقريبا معظمهم فى منتديات كتير وكلهم أجمعوا ان العربية ممتازة سواء الجين تو او بيرسونا لكن للاسف الحلو ميكملش فالعيوب اصعب ومنها
1- استهلاك بنزين عالى ( وده انا محبوش )
2- توكيل سئ جدا جدا
3- قطع غيار غالية وكمان غير متوفرة

وبكده صرفت نظر تماما ورجعت تانى للوجان والسانديرو والنيسان بس شكلها هترسى على اللوجان او السانديرو ان شاء الله لانى اتقفلت من النيسان

[Amera]

المشاركة الأصلية كتبت بواسطة myson medo شكرا ليكى يا اميرة بس انا بحثت جامد فى الموضوع ده ولقيت ان احسن عربية صغيرة بسعر وامكانيات مناسبة هتبقى اللوجان والسانديرو بس للاسف محتاجين وقت وكان نفسى زيك كده فى ستيب واى اتوماتيك بس يا خسارة شكلها مش هتنزل مصر وفكرت اجبها مانيوال وخلاص وبعدين خفت ارجع اندم تانى واتخنق منها خصوصا انى جربت الاتوماتيك فحاسة انه صعبارجع للمانيوال وخصوصا لو كان جوه البلد حيث المطبات الكثيرة

اااااااه نا كنت هموووت و اجبهااا دي حلوووووووه بجد و شيك و مريحه اصلي و روحت المعرض و شوفتهااااا بس بصراحه رينو بيستهبلو انا مش فاهمه ليه مش منزلين منها اتوماتيك دي لو نزلت اتوماتيك هتغطي علي عربيات كتير جدااا

بس عايزه اقولك حاجه هي السنديرو العاديه حلوه بردو و فيها اتوماتيك ماشي الحال فيها
بس التانيه شكلها احلي طبعاا بس هما من جوه زي بعض بصراحه

بس لو هتقارني بين السانديرو العاديه اتوماتيك و الوجان
يبقا الوجان احسن عشان قطع غيرها متوفره اكتر و منتشره
استخيري و الف مبروك مقدمااا