دستور مصر المسودة الأولى لدستور لجنة الـ50 المعدل

[AbOnOrA]

اخر كلام . انا مقاطع للاستفتاء على دستور 2013
انا هقعد فى بيتنا يوم الاستفتاء
وهكون اسعد انسان فى الدنيا لو شفت غالبية الناس عملت كدة
واحد يقولى ماحنا لما نعمل كدة هتبقى النتيجة بنعم
اقوله فى كل الحالات النتيجة بتبقى نعم بس فى التصويت ده نسبة المشاركة هى الاهم وهبقى افكرك
رفعت الاقلام وجفت الصحف ..

[silverlite]

المشاركة الأصلية كتبت بواسطة AbOnOrA اونطة ايه بس يا تامر انا اول مرة اشوف نص دستورى يقعد وزير دفاع مدتين رئاسيتين والرئيس ميقدرش يغيره ياراجل ديه بقت مسخرة وونبى يا عم احمد متتكلم عن الاخوان والعسكر متخلينيش احطلك اخبار وصور ومواقف وفيديوهات تملى 100 مشاركة عن صفقات الاتنين مع بعض عامة كل طرف فيكم مبقاش شايف الا نفسه وكتر الكلام ممنوش فايدة انا بس عايز اقول انى رافض الدستور ومقاطع للاستفتاء وما سيترتب عليه

بجد مفجأه انك معترض يابو نورا !!

اللى انا فاهمه ان من حق الرئيس عزل وزير الدفاع
وشايف الدستور مقبول جدا بل مميز
و الجميع يعلم ما تواجهه مصر و بالتالى "الجيش" لازم يكون له وضع خاص
و المجلس الاعلى هم قاده الجيش و- لن- ياتى وزير من خارجهم


,,,,,,,,,,,,,و القادم افضل

[silverlite]

المشاركة الأصلية كتبت بواسطة SUPER MARIO هى المادة دى تخص اكثر العسكريين فانا عايز اعرف ايه وجه اعتراضهم و يا ريت لو الاستاذ سيلفر لايت لو عنده اى فكرة على الاعتراض بتاعهم يكتبوه هل مثلا الاعتراض على شروط التقاعد او الطعن عليها انا كمدنى معنديش اى اعتراض

يا باشا مفيش اعتراض ,,
البيان خارج عن ضباط المعاش - نزلته للمشاركه - كان لهم طلبات و لم تحقق
و عن محافظه واحده !!

لكنى ارى ان الدستور جيد
و ادعو للمشاركه و التصويت بنعم طبعا
,,,تحياتى

[ahmed_eng2001]

انا سعيد جدا باشتراك الاستاذ تامر و الاستاذ احمد و الاستاذ ابو نورا ..... انا مشفتش مشاركاتهم الا النهاردة !!!!
عذرا انا بحاول افهم مواد الدستور بالراحة .. و الواحد بياخد خبرة ... لمعرفة اسباب رفض او قبول هذه المواد .. للمستقبل ان شاء الله

[ahmed_eng2001]

المشاركة الأصلية كتبت بواسطة tamer.koko نعم لدستور 2013 وتسلم الايادي ونقول نعم للدستور عشان العجله تدور ونقول نعم للدستور عشان ندخل الجنه علي غرار ما قيل لنا علي دستور2012الاخوانجي

استاذ تامر ...
لو اتفقنا ان كان هناك بعض السلبيات فى التوجيه او فى عرض فكرة دستور 2012 او فى اى حاجة فيه ... فده مش معناه اننا نكرر هذه السلبيات و نطبقها فى دستور 2013
بمعنى .... الحاجات الى حضرتك ذكرتها فعلا من مساوئ الحملة الاعلامية الى اتعملت لدستور 2012 قبل ما الناس تقراه
هذه المرة .... سوف نقرأ الدستور جيدا ... و نحاول نفهمه كويس .. و مش نقارنه بدستور 2012 فقط .... و كمان نشوف ايه تطلعاتنا و امالنا ايه فى الدستور ...
على سبيل المثال ...
انا ما كنتش عاوز حد يستأثر بالسلطة تانى
كان نفسى يكون فيه مادة لحماية المستهلك ( فكرة ابو نورا فى دستور 2012 )
مناقشة ميزانية الجيش و اعتمادها من جهة مدنية ( غير عسكرية )
مناقشة عامة لميزانية الدولة ... مبسطة .. و واضحة ... اعرف فلوس الضرائب بتتصرف فى ايه
مادة فى الدستور تجبر الشركة الى انا بشتغل فيها ( اى شركة ) انها تهتم بمرتبى و بتامينى الصحى و بتدريبى و بترقيتى
مادة فى الدستور تفتح الباب للقضاء على البيروقراطية و المشاكل الوظيفية
مادة تمنع الفيديو كليبات بالمناظر الخليعة و الافلام الى اصبح مستواها فى الحضيض ... انا مش عاوز ابنى يتفرج على الحاجات دى

و حاجات من هذا المنطلق

علشان كدة .. انا كنت متفائل ان لجنة الخمسين دى ... ممكن تقول ... شعبية ... يعنى فيها ناس كتير تحسهم جيرانك او اخواتك .... يعنى اكيد حاسين بالحال .. و اكيد حياخدوا بالهم من عيوب او غلطات دستور 2012

عذرا للاطالة .. و ارجو ان تتقبل كلامى بصدر رحب