يوميات رينو رينبو ... اسعار قطع غيار وكل شيئ عنها

[mohamedammr]

المشاركة الأصلية كتبت بواسطة hakam بفضل الله عز وجل رزقني الله بسيارة رينو رينبو موديل 97 وفور الشراء كالعادة قال لي الفتايين ليه كده ؟؟؟ حد يجيب رينو وكمان رينبو ؟ دي قطع غيارها ناااااااااار وكمان مش موجوده>>>>>> فتسلل الاحباط إلى قلبي والاكتئاب ايضا والسيارة مبقتش عايز اركبها وفكرت ابيعها ولو اخسر 5000 جنية ولكن ,,,,,,,, لما بدأت احتاج قطع غيار واسال عن اللي بيشتغلوا فيها وجدت ان في التوفيقية فقط 7 محلات بيشتغلوا في كل حاجتها تقريبا والمفاجأة ان اسعارها تكاد تكون زي الفيات والشاهين واليكم بعض اسعار قطع الغيار ( خلال ابريل 2011): 1- سلك عداد سرعة صناعة تونس 40 جنية 2- بيبة سرعة صناعة تركي 25 جنية 3- فلتر هواء تركي 25 جنية 4- فلتر بنزين بروحين تركي 12 جنية 5- سير تكييف الماني 25 جنية 6- تيل فرامل امامي ايطالي 75 جنية وفي مصري 45 جنية 7- تيل فرامل خلفي ايطالي اواسباني 125جنية 8- 2 مساعدين امامي الماني عالي الجودة 500 جنية وفي مصري وصيني وتركي في حدود 325 الى 475 9- ترموستات حرارة عادة بـ30 جنية وفي بسلك ( نوع مختلف 80 جنية) 10- سير دينامو فرنساوي 25 واتحاد اوربي 15 جنية وصيني 15جنية *** واليكم مصادر الاسعار وبعض الاماكن التي تبيع قطع الرينبو :ـــ 1- محل اسمه الرضا والنعيم في الدور الثاني بممر التوفيقية وتليفون رقم 25777273 موبيل 0123776686 ودول انا اتعاملت معاهم محترمين جداااااااااااا ولما يكون عندهم شيئ مش موجود يطمنوك ويقولولك انها موجودة في السوق بس مش عندهم وممكن يدلوك تجيبها منين 2- محل جمال البدري 7شارع زكي بالتوفيقية محل رقم 18 تليفون 25752633 ( والحاج جمال صاحب المحل رجل معاملته مقبولة وايضا محترمة) بس عيبه ان لو مفيش حاجة عنده يحسسك انها مش موجودة عشان متسألش عند حد غيرة ودي طبعا مش امانة 3- محل اسمه اسحاق اسكندر في شارع البورصة في التوفيقية بجوار ضرائب الازبكية( ودا انا مشترتش من عنده بس في الحقيقة معاملة ايضا محترمة ) 4- محل اسمه فريد ادوارد بجوار الرواس اول شارع رمسيس من ناحية معروف وميدان عبد المنعم رياض(ودا متعاملتش معاه ولا اشتريت منه)

طب انا عايز باب امامى يميين ل رينو 19 موديل 1996 عايز اعرف سعرو و اجيبو منيين

[الطبيب الحائر]

السلام عليكم ورحمة اللة وبركاتة
انا عتدى رينو اوبتيما 1999
هيا عربية جمدة بمعنى الكلمة وكفاية انها عالية عن الارض وتقدر تعليها وتوطيها ذى
ماانتا عاوز ملحوظة لتعلية العربية يوجد امام العجلتان الخلفيتان كوباية يستحسن اللى يعملهالك ميكانيكى علاشان يظبط الارتقاع الف مبروك

[soasd]

مشكلة واير سرعة الرينو الرنبو
ياجماعة حد يلحقني انا معايا رينو رنبو من حوالي سنة ودخت حقيقي على واير السرعة الخاص بالرينو الرنبو موديل 97 واشتريت حوالي 10 وايرات كلها للرينو الرنبو ولكن للأسف لا تركب وكل ما اروح لواحد بتاع قطع غيار يقولي هو ده ياباشا لحد لما زهقت من الموضوع ده فمشيت من غيرة لحد لما عرفت الموقع الجميل ده ولقيت الاخوة المشاركين يساعدون بعضهم البعض فهل من مساعدة فى هذا الموضوع

[hakam]

احذروا التعامل مع محل اسحاق اسكندر الموجود في شارع البورصة في سوق التوفيقية لانه حرااااامي جداااا وبكده يكون انضم لشلة التجارة النصابين اللي بلاش نتعامل معاهم وهم
1- ميشيل حليم بتاع شارع الترعة البولاقية - شبرا
2- ادوار فريد بتاع شارع رمسيس اللي عند نزلة معروف كوبري 6 اكتوبر
3- محل اسمه رينو منصور في 150 الترعة البولاقية - شبرا وخصوصا عنده واحد اسمه عصام انتهازي جدااااااااا
4- اسحاق اسكندر في شارع البورصة في سوق التوفيقية في وسط البلد
5- رينو المهندسين في شارع وادي النيل في المهندسين بعد النفق مباشرة
6- محل ماضي في 7شارع زكي في منطقة التوفيقية - اسمه ماهر عياد
7- محل توشكى فرانس بردو بتاع ماهر عياد بجوار جريدة الجمهورية
8- الصاوي في الوكالة لازم تفاصل معاه في اكتر من نصف الثمن.
اما التجار اللي انا اتعاملت معاهم ولمست فيهم الامانة وهامش ربحهم مقبول هم كالتالي:
1- مدحت ومحسن وديع - رقم 1 في الاسعار والمعاملة المحترمة سنتر ابو غالي التوفيقية
2- نعيم زاخر ورضا اسعرهم تلي مدحت ومحسن ومحترمين
اما التجار اللي اسعار سنتر ابو غالي في التوفيقية
3- جمال البدري - احسن من غيره واسعارة معقولة وبس لو مش عارف القطعة كويس ممكن تروح وتيجي اكتر من مرة
4- محل اسمه رينو عين شمس امام احمد عصمت بالنسبة للقطاعي تعتبر اسعارهم كويسة
5- محل سان جورج ودا في شارع عين شمس بعد النفق قريب جدا من رينو عين شمس وبردوا بالنسبة للقطاعي اسعارهم معقولة.

[hh_2k]

استاذ احمد
عندي رينو 19 شماد موديل 1991 فيها اتنين سنتر بايظين عايز اركب بدالهم بس الاصلي زي اللي فيها اجيبهم منين (الفرنساوي) وهل في منهم جديد ولا استيراد بس
كمان مكن الزجاج الكهربا الاصلي اجيبه منين عشان عايز اركب مكن للبابين اللي ورا
اخر شيء موتور عربيتي 1400 بس مش الانيرجي لو قكرت اسقط موتور انيرجي بالفتيس وطلمبة الباور والكمبريسور التكييف يعمل كام لو عندك علم
علما بان موتوري شغال كويس بس احتمال يكون بدأ يخف لانه بيبخر بخار لونه ابيض من خرطوم كدة مش متاكد بتاع ايه واللي انا شاري العربية منه كان منزل الخرطوم ده ناحية الارض عشان ميجيبش البخار ده على الموتور
شكرا