|
Accent Verna RB اكسنت فيرنا Hyundai Accent - Verna - RB جميع اجيال اكسنت وفيرنا Hyundai Accent - فيرنا الجيل 2 Hyundai Accent - اكسنت الجيل 1 Hyundai Accent - نيواكسنت الجيل 3 Hyundai Accent - اكسنت ار بى RB الجيل 4 |
|
أدوات الموضوع |
#1
|
||||
|
||||
تغطية وصول الهيونداي اكسنت 2011 الي الكويت
السلام عليكم يا احلي اعضاء
المره ده بقي جايبين لكم تقرير خفيف كده و لعربية عادية تغيير بقي عن التقارير اللي فاتت و اللي كانت بتتعبكم و هو المفروض انه كان زي اللي قبله بس حظكم بقي نجمه النهارده هي الهيونداي اكسنت 2011 و اللي بصراحة شكلت مفاجاه غير متوقعة لينا لما شفناها و الموضوع كله كان صدفه اصلا اليوم اصلا كان مخصص لعمل مقارنه بين الكيا سبورتاج و الهيونداي توسان الجداد بناء علي طلب احد اصدقاء والدي و اللي مهتم بالعربيتين دول لما رحنا توكيل هيونداي و كنا بنتناقش مع مندوب المبيعات عن مين الاحسن خدته الحماسه و الجلالة و حاول جاهدا انه يقنعنا ان هيونداي هي الاصل و الكيا التقليد و ان الشركتين ملهمش دعوه ببعض و ان مستوي الهيونداي اعلي و ما الي هذا و ان العلاقة ما بينهم تتلخص في تطبيق نظرية احمد حلمي في فيلم جعلتني مجرما بتاعت كل نفسك قبل ما حد تاني ييجي يكلك و في وسط الكلام ده كله قالنا انا هوريكم العربية اللي هتقعد السيراتو في البيت طبعا احنا عينينا لمعت و قلنا اوباااااااا الالنترا الجديدة نزلت اتاريها بقي الاكسنت العربية بصراحة ملفته للنظر و تعتبر تطور هائل عن الجيل الحالي سواء في التكنولوجيا او الامكانيات العربية نازله بمتور 1600 سي سي 122 حصان العربية اكبر من الجيل الحالي بشكل ملحوظ و ده منعكس طبعا علي المساحات الداخليه المواد المستخدمه ذات جودة عاليه ده طبعا بالمقارنه مع منافسينها من حيث المواصفات فالعربية مليانه سنسور خلفي, كاميرا رجوع خلفي, هاند فري, مفتاح بصمه و تشغيل بالزرار ملتي فنطشن ستيرمج و اكيد وصله AUX و Ipod طبعا دي كلها حاجات اول مره تتوفر في الفئة دي طبعا المندوب معنوش فكره عن مواصفات الامان المتوفره لكن المتوقع توفر ال ABS و 2 ايرباج علي الاقل و طبعا ده ادي الي ارتفاع السعر بشكل ملحوظ حيث ان العربية المعروضة ده كانت بحوالي 4400 دينار كويتي (84 الف مصري) و ده طبعا قريب من الفئة الاكبر زي السيراتو و الكرولا و اللانسر و في راي ده هيضرها اكتر من ما هيفيدها و ادينا في انتظار النزول الرسمي ليها و الفئات الاقل اسيبكم مع الصور
__________________
Sharief Mansy
Farewell my Cayenne, you were the best car i ever had and driven |
#2
|
رد: تغطية وصول الهيونداي اكسنت 2011 الي الكويت
8 مشاهدات من غير ولا رد!!!
اظاهر ان المصر موتوزاويه اتعودوا منك علي العربيات السوبر فقط يا شريف باشا بس بجد العربيه شكلها تحفه و راقي جدا يا تري غبور حينزلها امتي؟؟
__________________
حـازم خـضـر
|
#3
|
||||
|
||||
رد: تغطية وصول الهيونداي اكسنت 2011 الي الكويت
لو الهيونداي الاكسنت ب 84 الف من غير جمرك يبقى بلاش منها خالص! اوعى تنزل مصر
|
#4
|
|||
|
|||
رد: تغطية وصول الهيونداي اكسنت 2011 الي الكويت
فيها شبه كبير من السيراتو
|
#5
|
|||
|
|||
رد: تغطية وصول الهيونداي اكسنت 2011 الي الكويت
امتى تنزل مصر هذه التحفة الجميلة
|
|
|