واقع في مشكلة كبيرة ومليش غير ربنا ثم انتم

[mody112]

لا حول ولا قوة الا بالله العلى العظيم ( ان الله يحب اذا عمل احدكم عملا ان يتقنه ) وهو وكيل النيابه مش فاهم ان المخالفات على المالك القديم وهو المنوط به تنفيذ القانون واعطاء كل ذى حق حقه.

[أيمن الروبي]

المشاركة الأصلية كتبت بواسطة mody112 لا حول ولا قوة الا بالله العلى العظيم ( ان الله يحب اذا عمل احدكم عملا ان يتقنه ) وهو وكيل النيابه مش فاهم ان المخالفات على المالك القديم وهو المنوط به تنفيذ القانون واعطاء كل ذى حق حقه.

الحمد لله علي كل شيء وشكرا علي اهتمامك البيه وكيل النيابة بيقولي اصل انت مش فاهم القانون ومش شغلتي افضل افهم كل واحد قولتلو معلش انا فهمي علي قدي شويه قالي : بص انت لو كنت سجلت يوم ماشتريت كنت نقلتلك المخالفات علي المالك القديم انما انت سجلت بعد ماشتريت ب 7 شهور
قولتلو: حضرتك انا شاري بتوكيل وخدت شهادة عدم وجود مخالفات منكو ومعني كلام حضرتك ان التوكيل مش معتمد طب ليه تخلو الناس تعمل توكيلات لبعضها
قالي : متقطعش كلامي هو ده القانون وانت مش هتفهمني شغلي !!!!!!!!َ
قولتلو: قانون ايه اللي يقول ان انا لو مسجلتش في نفس اليوم اتعاقب واشيل المخالفات القديمة محنا طول عمرنا بنشتري بتوكيلات
قالي : خلص يا استاذ ده اللي عندي
كل ده طبعا غير الكلام مع رئيس النيابة وكلهم دماغهم واحدة وشغلتهم يقرفو الناس
حسبي الله ونعم الوكيل
العيب علي اهاليهم معرفوش يعلموهم ان اللي يمسك سلطة لازم يكون خادم الشعب وييسر علي الناس
آدي وكلاء ورئساء النيابة اللي في بلدنا

[mekawy2000]

الله يكون فى العون وربنا معاك ودعوتنا لك بحل المشكله بسهوله ويسر

[miam0502788391]

ربنا يكون فى عونك
تعرف انا شاكك فى ايه ؟؟
شاكك ان المالك الأصلى للسيارة يكون راح للموظف المسئول وغمزه بأى مبلغ علشان يطلع لك شهادة مخالفات للسيارة ان ليس عليها مخالفات , وساعة لما الموضوع يتكشف يتقال ان دى غلطة موظف
ده مجرد ظن والله أعلم

[a_e]

استاذى الفاضل / aimooo

انا هديلك استشاره قانونيه بس مش طالب منك الا الدعاء ليا ولكل امه سيدنا محمد صلى الله عليه وسلم

حل مشكلتك بسيط جدا وبالقانون
وعندك حلين بأذن الله :-
اولا / اعمل عقد بيع مسجل وانت رايح تطلع شهادة المخالفات خلى معاك عقد البيع ولما يقولك فى مخالفات قوله امتى هيقولك بتاريخ طبعا قبل الشراء تقوم مطلع العقد وتقوله انا مسجل فى الشهر العقار باسمى وتطلب منه نقلهم على المالك اللى كانت النمر باسمه ولو مرضيش خش لرئيس النيابه وش وفهمه انا فاهم مش حافظ علشان يعملك حساب .

ثانيا / ودى مشوره شويه بس مضمونه برده وهو ان تجعل صاحب المخالفات مالك سابق ازاى ؟؟
اقولك ياسيدى تروح للمرور اللى ملف العربيه موجود فيه وتطلب منه بيان صرف لوحات تفصيلى ( اللوحات القديمه اللى عليها المخالفات ) وتاخده ومعاك العقد والتوكيلات وشهادة المخالفات السابقه واللى مفيهاش مخالفات والرخصه او شهادة بيانات لو الرخصه منتهيه وياريت لو تعرف تصور من الملف عقد وتوكيلات واخر براءة ذمه للمالك صاحب النمر المخالفه يبقى 10/10 وتروح لرئيس النيابه فى المرور اللى النمر اللى عليها مخالفات تبعه وتقوله انا مالك جديد للسيارة وفوجئت بوجود مخالفات سابقه على النمر القديمه للسياره وانا لم ارتكبها ومعايا بيان صرف لوحات مثبت فيه تاريخ استلام وتسليم اللوحات المخالفه وعاوز اسجل مالك تلك اللوحات مالك سابق هيسجله مالك سابق وانت واقف وتروح بعد كده تستلم الشهادة مفيهاش غير اللى عليك انت بس .

بس ياسيدى ولو حد فى المرور كله قلك لا قوله طيب ممكن ورقه من سيادتك بالكلام ده علشان هقدم شكوى بما فيهم رئيس النيابه هتلقى قلق شويه اثبت على موقفك وبعد شويه هيخلصول او هيدلوك على الصح علشان تنجز

ومتنساش الدعوه ليا ولكل المسلمين

وخليك عارف انه لا ضاع حق ورائه مطالب
وانت صاحب حق فمطفرتش فى حقك

تحياتى لك