لو عليك مخالفات سابقة على المالك القديم ادخل اقولك تعمل اية ..

[أيمن الروبي]

المشاركة الأصلية كتبت بواسطة Vanditta السلام عليكم ورحمة الله وبركاتة اتفاجئت وانا بحاول أنقل الملكية وارخص ان العربية عليها مخالفات بقيمة 1820 جنية بتواريخ قبل ما اشترى العربية اصلا بحوالى ما يقرب من 6 شهور وانا كنت شارى بتوكيل المهم سئلت ناس كتيييييييييير ... سئلت هنا فى المنتدى وكان ليا واحد معرفة شغال فى مرور الدراسة سئلتة وسئلت 3 ظباط مرور عندى فى الشغل وكلهم اجمعوا على حاجة واحدة ان الموضوع دة سببة ان ايام الثورة الدنيا كانت خربانة وان المخالفات ماكانتش بتتسجل اول بأول على العربية ... فأكيد المخالفات اللى عندى دى كانت على العربية بس ماتسجلتش عشان الفوضى اللى حصلت ايام الثورة واما الدنيا ظبطت اتسجلت وان الحل الوحيد هو انى يأما اقدم تظلم يمكن يخفضوا المبلغ شوية او اتصالح مع المالك القديم انة يدفع المخالفات .... او أدفع انا المخالفات المهم حاولت مع المالك اكتر من مرة ولكن كان واضح من كلامة انة مش هايدفع حاجة وكلمت ناس تشوفلى واسطة او اى سكة تخلصنى من الحوار دة ..ولا حياة لمن تنادى فقولت انا هاروح الدراسة واشوف الدنيا اية قدمت طلب تظلم وشرحت فية الموقف مانزلوش حتى جنية روحت كلمت وكيل النيابة قالى انت تروح للمرور اللى تابع لية العربية وتدخل لوكيل النيابة هناك وتشرحلة الموقف وهو هايحللك الموضوع دة المهم روحت المرور (مصر الجديدة) قابلت موظفة هناك شرحتلها الموقف قالتلى هاتلى عقد البيع المسجل وشهادة المخالفات والرخصة وانا هارحلهوملك على المالك القديم ماكنتش مصدق نفسى من الفرحة طبعا ان الموضوع ممكن يتحل المهم روحت عملت عقد مسجل وماكانش معايا شهادة مخالفات روحت طلعت الملف وصورت الشهادة وطلعت على المرور قدمت طلب اسمة تقريبا ترحيل مخالفات على المالك السابق او حاجة زى كدة مش فاكراسمة بالظبط الورق المطلوب 1-عقد بيع مسجل (لازم تعملة لو شارى بتوكيل) 2-اصل التوكيل لو موجود 3-شهادة المخالفات اللى اخدتها من البائع 4-الرخصة 5-البطاقة وبتديك الطلب دة تملاة وبترفق معاة صور الورق المطلوب دة وبيبعتوة لوكيل النيابة يئشر علية والموضوع دة بياخد من يومين لأسبوع تفضل تدخل على النت كل يوم وتشوف المخالفات اتشالت ولا لسة وأول ما تتشال من على النت خلاص كدة فى اى وقت تروح المرور تطلع شهادة المخالفات عادى جدا انا الحمد لله كان عليا 1840 جنية مخالفات ماعملتش منهم غير واحدة ب 20 جنية وقدمت الطلب دة وتانى يوم على طوول كانت المخالفات اتشالت والحمد لله انا عارف الموضوع ممكن يكون بسيط او عادى جدا و معروف لناس كتيير بس فى ناس كتييير ماتعرفش الموضوع دة فقولت احكى تجربتى دى عشان الكل يستفيد بأمر الله خصوصا ان فى ناس كتير قالتلى طالما انت شارى بتوكيل مافيش اى طريقة تحل بيها المشكلة دى غير الدفع ودة اللى خلانى اقعد حوالى اكتر من اسبوعين شايل هم الموضوع دة وبحاول ادور على اى سكة عشان احلة

http://www.masrmotors.com/vb/showthread.php?t=80170
ادخل علي اللينك ده وشوف مأساتي مع 7000 جنيه مخالفات ظلم وازاي ربنا حلالهالي في ساعة زمن بعد دوخه تلت شهور

[mody112]

بارك الله فيك

[Vanditta]

المشاركة الأصلية كتبت بواسطة M.TONSY الموظفة ما كنتش عايزة شاى بالياسمين علشان تخلص لك الموضوع ده

لأ الناس كلها محترمة جدا فى مرور مصر الجديدة .... فعلا من انضف وحدات المرور اللى روحتها
بالرغم ان نفس الموظفة دى سوحتنى مرة تانية للدراسة قبل ما تخلصلى الموضوع بس مش مهم المهم ان المصلحة قوضيت

المشاركة الأصلية كتبت بواسطة mazen mazen سؤال انت كنت شارى بعقد مسجل ولا عملت العقد وقت التظلم من المخالفات ؟؟!! ============== انا حصل معايا نفس الكلام بس الغلطه كنت شارى بتوكيل ووكيل النيابه قالى لو اشتريت بعقد مسجل كنت شيلتلك المخالفات ودى دعوه لكل الناس تشترى بعقد انت كده كده كده هتسجل بس انا بقى عملت تظلم فى الدراسه وقبله وكيل النيابه بتخفيض نصف المبلغ

لأ ياباشا انا شارى بتوكيل والعقد المسجل عملتة وقت التظلم من المخلفات
وانا حصلى نفس الكلام وكيل النيابة (الدراسة)قالى لو كنت شارى بعقد مسجل كنت رحلتهملك على المالك القديم
بس بصراحة كان راجل محترم وقالى انت حلك انك تروح المرور اللى تابع لية العربية ووكيل النيابة هناك هيخلصلك الموضوع
واما سئلتة على التظلم قالى انت ماتعملش تظلم انت عايز تشيل المخالفات مش تخفضها
وفى مرور مصر الجديدة الموظفة هناك قالتلى نفس الكلام وقالتلى ارجع الدراسة تانى وادخل للمحامى العام وبتاع عشان موضوع ترحيل المخالفات دة لو انت شارى بتوكيل اتلغى وبنرحل للى شارى بعقد مسجل بس

رجعتلها بعد اسبوع بعد ماعملت العقد المسجل وجبت شهادة المخالفات لاقيتها قالتلى انت حظك حلو المحامى العام رجع موضوع ترحيل المخالفات على المالك فى حالة الشراء بتوكيل

[Vanditta]

المشاركة الأصلية كتبت بواسطة momen_bondok جزاك الله خيراً انا واقع فى نفس المشكلة انى اشتريت العربية فى شهر 11 /2010 وروحت المرور طلعت شهادة مخالفات وكانت صفر ركزو معايا وفى نفس اليوم عملت فحص وجددت الرخصة ونقلتها بإسمى تمام جيت بعد حوالى اربع أشهر أدخل على موقع المخالفات أجد عليا 641.50 إزاى يا جدعان انا لسة مجدد لما دخلت على التفاصيل وجدت إن أكثر المخالفات بتواريخ قبل ما اشترى العربية أصلا أنا مش فاهم حاجة طب إزاى لما جيت أطلع شهادة مخالفات كانت صفر الكلام دة فى 2011 وعلى اساسها فحصت وجددت الرخصة ولما أدخل على الموقع أجد مخالفات من 2009 طب إزاى ؟ حسبى الله ونعم الوكيل

اعمل زى مانا عملت ياباشا وان شاء الله خير والموضوع يتحل بأذن الله

[محمد فيصل]

الحمدلله على قضاء حاجتك
اللهم يسر لنا جميعاً الطريق وقنا شر المخالفات والردارات واوناش المرور والكلبشات
:GR OWIN~12::GROWI N~12: