أي مشكلة في السيارات الهيونداي والكيا ضعها هنا وسوف نساعدك علي حلها ان شاء الله

[احمد اوتو]

يا ريت تقولنا ايه اللي حصل علشان نستفيد مع العلم اني حاسس انها كانت مشكله في الكلتشات داخل الفتيس والله اعلم ونتمني من الباشمهندس روميو المنصورة يساعدنا في الحل

[adelwik]

انا معايا النترا 2009 اوتوماتيك ماشية 110000 كم المهم والعربية دايرة على السلانسية الموتور بيعمل رجة زى (تك تك تك) وتزيد جامد جدااااااا لو جبت عصا الفتيس على ال (d )وتزيد بصورة رهيبة لو على ال (R ) فتحت الكبوت والعربية دايرة وحطيت ايدى على الموتور حسيت زى مايكون العربية بتقطع كل 3 ثوانى تعمل كدة هبدة فى الموتور وبتزيد مع السرعة وبحس بيها طبعا وانا سايق برجة فى العربية مع صوت زى ما تكون كدة تكتة تكة فى الموتور او ترتيلة جامدة عملت صيانة كاملة ونظفت البوابة و جبت البوجيهات الاصلية ومافيش فايدة وفيه ميكانيكى قاللى ان ده من كراسيى الموتور بس انا مش عارف ليه حاسس ان ده كله من جوه الموتور نفسه يارب الاقى الحل هنا فى مصر موتورز لان احترت فيها والله وكل ميكانيكي عايز يجرب وكله على حسابي
والف شكررررررررررررررررررررررر رر ليكم جميعا

[romeoalmansour]

المشاركة الأصلية كتبت بواسطة adelwik انا معايا النترا 2009 اوتوماتيك ماشية 110000 كم المهم والعربية دايرة على السلانسية الموتور بيعمل رجة زى (تك تك تك) وتزيد جامد جدااااااا لو جبت عصا الفتيس على ال (d )وتزيد بصورة رهيبة لو على ال (R ) فتحت الكبوت والعربية دايرة وحطيت ايدى على الموتور حسيت زى مايكون العربية بتقطع كل 3 ثوانى تعمل كدة هبدة فى الموتور وبتزيد مع السرعة وبحس بيها طبعا وانا سايق برجة فى العربية مع صوت زى ما تكون كدة تكتة تكة فى الموتور او ترتيلة جامدة عملت صيانة كاملة ونظفت البوابة و جبت البوجيهات الاصلية ومافيش فايدة وفيه ميكانيكى قاللى ان ده من كراسيى الموتور بس انا مش عارف ليه حاسس ان ده كله من جوه الموتور نفسه يارب الاقى الحل هنا فى مصر موتورز لان احترت فيها والله وكل ميكانيكي عايز يجرب وكله على حسابي والف شكررررررررررررررررررررررر رر ليكم جميعا

اخر مره غيرت فيها سير الكاتينة كان امته

[adelwik]

المشاركة الأصلية كتبت بواسطة romeoalmansour اخر مره غيرت فيها سير الكاتينة كان امته

انا شاكر جداااااااااااااا يا باشا لردك السريع بس انا لما سألت على سير الكاتينة الكل أكد ان النترا 2009 سير الكاتينة بتاعها (جنزير) ومش بيتغير لكن بيتشيك عليه كل فترة طويلة !!!!!!!!!!!!!!! لكن انا هشرح لحضرتك الموضوع كله بالتفصيل الدقيق وياريت تستحملنى للأخر وهو كا لاتى :-

1- انا معايا النترا 2009 اوتوماتيك ماشية 110000 كم (واخدها مستعملة من حواللى سنة) المهم والعربية دايرة على السلانسية الموتور بيعمل نفضة زى (تك تك تك) وتزيد جامد جدااااااا لو جبت عصا الفتيس على ال (d )وتزيد بصورة رهيبة لو جبت الغيار على (R ) و فى بعض الاحيان والعربية (باردة) تكون لسه ما سخنتش كويس ممكن تعمل صوت رزعة او خبطة لما اجيب الغيار على ال R لكن لو العربية سخنة وراجع من مشوار ما بتعملش اى رزع او صوت لما اغير على( R ) لكن مشكلة( نفضة الموتور) موجودة فى كل الاحوال فتحت الكبوت والعربية دايرة وحطيت ايدى على الموتور حسيت زى مايكون العربية بتعمل نفضة كل 2 ثانية زى بالظبط زمان لما كانت العربية القديمة بتعمل عمرة والميكانيكى يقولك ان العربية( بتعد ) زى بالظبط الترتيلة او زي ما تكون العربية هتبطل يعنى نفس ( النفضة) والواحد بيبطل العربية المهم نظفت البوابة و جبت البوجيهات الاصلية وغيرتها اكترمن مرة ومافيش فايدة ) المشكلة دية كنت بحس بيها من فترة بس خفيف لكن حاليا بدأت تكبر جامد وما كانتش موجودة اول ما شاريت العربية) بالنسبة للفتيس وانا ماشي كله تمام يعنى الفتيس ناعم جداااااااا وبيغير عادى جداااااااا

2- العربية فيها حدفة يمين (الحدفة دية موجودة من يوم ما شاريت العربية وطبعا ما اعرف ايه سببها رغم ظبطت زوايا وجبت 4 فرد كاوتش جداد ورصصت لكن ما فيش فايدة)

3- فى المناطق المكسرة العربية كلها بتعمل دربكة وتخبط من اول الدريكسون لغاية العجل الامامى كل ده بحس بيه وانا سايق(المشكلة دية ما كانتش موجودة من الاول يعنى بدأت تظهر من فترة

4- فيه طقة واحدة بس بتيجى فى علبة الدريكسون مع لف الدريكسون بيعمل طقة واحدة او اتنين بالكتير(المشكلة دية كانت موجودة من يوم ما شاريت العربية)

5- دايما بعد اى حتة مكسرة او مطب بسمع صوت جاي من ورا (بو) زى فرقة بس مرة واحدة كل فترة والمساعد اليمين بيعمل تزييق جامد بس مش عارف الفرقعة دية من المساعد ولا من حاجة تانية(المشكلة دية ما كانتش موجودة من قبل ).
المهم روحت مركز صيانة speed servec) فى جسر السويس للمهندس هانى ميخائيل بناء على نصيحة من اشخاص فى النت وانه كان شغال فى توكيل غبور سابقا واول ما قابلته قلت له ان عايز استلم العربية فابريكة يعنى عايز أحل كل المشاكل دية بعد ما حكيت له على كل مشاكل العربية واول حاجة عملها جاب الجهاز وشاف العربية وبعد كدة قال لواحد عنده فى المركز ما أعرفش تخصصه ايه وقاله شوف العربية فيها ايه المهم الرجل ركب العربية ودورها على الواقف ولف الدريكسون وبص على اخر الدريكسون من تحت لما سمع صوت (الطقة) وبعد كدة راح بص على العجل الامامى وقال ان العجل (مأخر) وان قنطرة المحرك مش مظبوطة و تقريبا واخدة مطب جامد او خبطة يعنى محتاجين قنطرة واسكترا انا قلت له اطلع جرب العربية وقوللى هى عايزة ايه بالظبط راح طلع جرب العربية ورجع وكانت الصدمة ان قال العربية محتاجة الاتى :-

1- قنطرة المحرك
2- عدد 2 مقص
3- عدد 2 مسمار ميزان
4- علبة دريكسون
5- كليبر او كامبر (مش فاكر الاسم الصحيح) المهم سألت على الاسعار عند نافع بتاع قطع الغيار اللى فى شارع دمش على اساس انه بيبيع القطع النضيفة او الاصلية طلعت عاملة( 4500 جنيه) غير طبعا تكلفة التركيب بتاعة مركز الصيانة .

وبعد ما طلب القطع دية قال ان العربية عايزة تغير زيت الفتيس والفلتر ولازم يتبص على حساس الفتيس وقال مش عايزين (اسكترا) رغم انه طلبها قبل ما يجرب العربية !!! وقاللى ان لازم اشتري القنطرة جديدة يعنى مش استيراد لان لو فيها ميلة بسيطة انا عن نفسي مش هأعرفها الكلام ده كله قاله الرجل اللى هو جرب العربية وشغال مع ألمهندس هانى ميخائيل فى المركز لكن لما عرفت ان الموضوع هيكلفنى كتير قلت للمهندس هانى ان اهم شيء عندى دلوقتى ان نظبط الموتور ونمنع الرجة او (النفضة) اللى فى الموتور وبعد كدة لما ربنا يسهل نبقى نغير الحاجات اللى هو طلبها لكن رد عليا وقال ما ينفعش لان الموتور كله واقف على القنطرة ولازم نغيرها الاول قبل كل شيء !!!!!!!!!
بعد ما سمعت الكلام ده كله اتصدمت ومشيت بعدها على طول ورحت طالع على واحد فاتح ورشة كبيرة بتاع ظبط زوايا وعفشة فى جسر السويس لاقيته بالصدفة قلت اجرب واشوف ايه رأيه وقلت له عايز اظبط زوايا وارصص المهم رصصنا ال4 فرد كاوتش ورفعنا العربية وحطها على جهاز ظبط الزوايا ويبدو انها ما ظابطتش راح نزل تحت العربية وبص عليها وقاللى لازم يتعمل(زرجينة) للعجل الامامي لان تقريبا العربية واخدة مطب جامد واللى فهمته منه ان العجل الامامى مش فى وضعه الصحيح وقاللى لو مشيت على كدة هتاكل منك كاوتش بسرعة المهم الرجل اقنعنى بالزرجينة وانها مش هتأثرعلى العربية فى حاجة وانا سألتة هل فى حاجة تانية يعنى (القنطرة مظبوطة) رد عليا وقاللى كل مظبوط مافيش غير اننا نعمل زرجينة وهتتكلف 100 للعجلتين اللى قدام وبعد كدة كله هيظبط !!!! انا قلت لنفسي اجرب على الاقل افضل من 4500 جنيه تمن االحاجات اللى طلبها المهندس بتاع المركز الاولانى المهم ترك (صبيانه اللى شغالين تحت ايده) يعملوا الزرجينة و طلعت عينهم و قعدوا يظبطوا الزوايا اكتر من 5 مرات مع تغيير فرد الكاوتش من اماكنها و كل مرة نجرب العربية ومافيش فايدة قعدوا حواللى ساعتين لغاية ما جاء المهندس نفسه(رئيسهم) اللى قاللى على موضوع الزرجينة وأشتغل هو بنفسه فى ظبط زوايا و قاللي أن دريكسون العربية مش مظبوط (وفيه عضة او بوش) ولازم تعرف ان بعد ظبط الزوايا هيكون فيه حدفة خفيفة جدااااا وفعلا بعد ما جربت العربية لاقيت الحدفة خفت جدااااا لكن بدل ما كانت فى اليمين بقت فى الشمال بس خفيف.


هذه كل الحكاية !!!!!!!!!!!!!!!! (ياريت اعرف الحل ايه بالظبط ؟؟؟؟ والتفسير للقصة دي كلها)

ومرة اخيرة الف شكررررررررررررررررررررررر رررر على الاهتمام

[adelwik]

متابع بأهتماااااااااااااااااااا ااااااااااااااااااااااااا ااااااااااااااااااااااااا اااااام