|
سلامتك على الطريق خاص بالسلامة المرورية ووسائل الامان ونظم حماية البيئة |
|
أدوات الموضوع |
#1
|
||||
|
||||
ليه بيمشوا منوريين النور الصبح طب مين حيدفع فاتورة الكهرباء؟
فى بعض الناس بيمشوا ساعات الصبح (فى النهار عامة ) و هما منوريين النور الصبح او الفوجات و انا منهم و الناس تاعقد تشاورلى و تقولى طفى النور طفى النور يا ..... منا عارف انى منوره و مبسوط انى متشاف كويس
بالاضافة الى ان انت تشوف كويس برضه مهم ان انت تكون متشاف كويس لان ده من عوامل الامان و السلامة فى ظروف الرؤية الصعبة للاسباب الاتية: 1- الشبورة طبعا (وعلى فكرة نور الفوجات مش معمول علشان انت تشوف ده معمول علشان انت تتشاف) الحاجة الوحيدة الى تخليك تشوف فى الشبورة المرسيدس او البى ام و عربيات تانية غالية زيهم الى فيها INFRARED وبتعرض الصورة على الشاشة 2- الصباح الباكر او مع اقتراب الغروب 3- لما الشمس تكون وراك بالذات لما تكون منخفضه فى الافق لان وش عربيتك حيكون مضلم فيصعب رؤيتك بواسطة المشاه فممكن يعدى و هو فاكر ان مفيش عربية و برضة للسيارات الخرى حتى الى قدامك ممكن ميبقاش شايفك فى مرايته علشان لما بيبص الشمس بتزغلل عنيه و يا دوب بيشوف العربيات الى وراه عبارة عن سواد (علشان كده بنصح بشراء العربيات الفواتح لانها بتساعد شوية(مش كتير) فى رؤية الاخرين لك) 4- قبل ما تدخل نفق لان اول ما بتدخله العربية الى وراك بيتهيأ لها ان العربية الى بتدخل بتختفى فجأه مع انهم موجودين جوه 5- طبعا جوة النفق و معروف ليه لان كانك باليل 6- و انت بتطلع من النفق لو مش منور النور عربيتك بتظهر فجأة للاخرين عكس ما تكون سايبه منور فهما شايفينك و انت لسه جواه و بتطلع 7- و الجو ملبد بالغيوم الحاجبة لضوء الشمس فالناخذ بالاسباب و نتوكل على الله و الله خير حافظا و للموضوع بقية ان شاء الله التعديل الأخير تم بواسطة احمد على 1999 ; 22-02-2010 الساعة 08:32 AM سبب آخر: اضافة |
#2
|
||||
|
||||
رد: ليه بيمشوا منوريين النور الصبح طب مين حيدفع فاتورة الكهرباء؟
تسلم ايدك يا استاذ احمد انا بعمل زيك بس بشغل الانتظار مش الفوجات
|
#3
|
||||
|
||||
رد: ليه بيمشوا منوريين النور الصبح طب مين حيدفع فاتورة الكهرباء؟
كلام سليم
بس لو عاوز اللى ادامك هو اللى يشوفك تشغل الفوجات او الانتظار لكن لو عاوز الناس اللى وراك هى اللى تشوفك لازم تشغل الانتظار |
#4
|
||||
|
||||
رد: ليه بيمشوا منوريين النور الصبح طب مين حيدفع فاتورة الكهرباء؟
تشغييل الفوجات كتير ممكن يحرقها (او العربية مفيهاش فوجات اصلا) فممكن برضه تشغيل النور الامامى فى حالة الغيوم او الشمس وراك و هى لسه بتطلع او و هى قربت تغرب لان الانتظار ممكن حيتفهم غلط ملحوظة : موجود بالكتيب الصادر من ادارة المرور نصيحة بتشغيل الانوار الامامية صباحا فى حالة الرؤية الصعبة (علشان تسهل رؤيتك بواسطة الاخرين) وكمان فى اوروبا و امريكا علشان معظم الوقت الرؤية صعبة فبيشغلوه على طول و فى عربيات نازلة من المصنع كده (اول ما تدورها النور بينور لوحده صبح ليل) انا بمعملتش الحكاية دى غير من سنة 2004 كنت ماشى فى القاهرة فى شارع واسع جدا و كان فاضى (الشارع الى عامودى على صلاح سالم و بيودى على روكسى الى هو فيه الهيئة الهندسية على الشمال و الحرس الجمهورى على اليمين معرفش اسمه اصل انا مش من مصر) المهم مكانش فيه غيرى انا و تاكسى تانى قدامى على الشمال و كنت بتسارع و ناوى اعديه من على اليمين (انا غلطان المشكلة انى مابستخدمش الكلكس الا فى اضيق الحدود) المهم فجأة كسر يمين عليا ففرملت فعجلى اتزحلق فلبست فيه هو الحمد لله محصلوش حاجة اما ان فكنت لانوس (فالرفرف الشمال بقى عامل زى منديل الورق المكرمش و بابى مابيفتحش) فلما نزلت من الباب اليميين و سألته ايه الى خلاك تيجى يمين فجأه قال ليه انا اسف ان فعلا مشفتكش و كان فاتنى U ترن على الشمال فقلت اقف اقصى اليمين و اجيب مارشيدير علشان ارجعلها و من ساعتها و انا بنور النور علشان الفت انتباه الاخريين لوجودى و بعديين بطلت و بقيت انوره فى الحالات الى انا قلتها فى مشاركتى العلوية فقط |
#5
|
||||
|
||||
رد: ليه بيمشوا منوريين النور الصبح طب مين حيدفع فاتورة الكهرباء؟
المشكلة ان فيه ظروف رؤية بتاخد وقت طويل (ظروف يومية الناس بتعتبرها عادى زى حكاية الشمس مثلا ممكن تبقى ماشى على طريق طويل مستقيم و الشمس مستلماك من ورا ففعلا مبتبقاش باين للمشاة و العربيات التانية و لو شغلت الانتظار حيفتكرو انى عايز اركن او انى ناسيها شغالة )
|
|
|