بنزين 80 للاكسارا 1

[mostafa.riyad]

السلام عليكم ورحمة الله وبركاته

اخوانى الاعزاء

انا ليا صديق اشترى اكسارا 1 وقاللى انه بيمون بنزين 80 ومش حاسس بفرق فى العربيه
قلت له : انت لسه شاريها وممكن متكونش لسه حاسس بالعربيه كويس عشان تعرف الفرق


انتو ايه رأيكم ؟؟؟

انا سمعت ان فى ناس بتمون 80 على 92 يعنى يحط 25 لتر 92 وبعدين يفول التانك بنزين 80

بصراحه انا من الناس اللى بتعمل كيلو مترات كتير يعنى تقريبا بمشى الف كيلو فى الشهر او اقل شويه
وكنت راكب ZX وكنت بحطلها 80 فكانت مصاريف البنزين بالنسبالى مش مشكله
وانتو عارفين ان الفرق كبير فى سعر البنزين 80 او 92

عايز حد يقوللى ابعاد الموقف بالضبط ولو حد استعمل 80 يقولنا عن الفرق


وشكــــــــــــــــــــــ ــــــــرا

[aly_722000]

انا مسقط مكنة انجيكشن 1400 ل zx وبحط 80 بدون تخليط على الرغم من ان معدل الانضغاط ليها 1:10واكبر من معدل الانضغاط للمكنة 1600 بتاعة الاكسارا اللى هو 1:9 والتسارع بتاعها يعتبر معقول وموفره جدا فى البنزين

[mostafa.riyad]

المشاركة الأصلية كتبت بواسطة aly_722000 انا مسقط مكنة انجيكشن 1400 ل zx وبحط 80 بدون تخليط على الرغم من ان معدل الانضغاط ليها 1:10واكبر من معدل الانضغاط للمكنة 1600 بتاعة الاكسارا اللى هو 1:9 والتسارع بتاعها يعتبر معقول وموفره جدا فى البنزين

الف شكر على ردك
يا ريت يا باشا تفهمنى معدل الانضغاط يعنى ايه ؟؟

وانا مستنى انكم تشجعونى على انى احط 80

[amrmaismail]

بصراحة اتمني انك ما تتضايقش لو قلتلك ان ده ما ينفعش خاااااالص
المكنه دي بيتحطلها بره ٩٥ وده اللي في كتالوجها
واحنا مجازا بنحط ٩٢
يبقي ما ينفعش انك تحط ٨٠ دي خالص

الموضوع مالهوش علاقه بان الرشاشات تتسد واصل ده فيه شوائب والكلام ده خالص
لكن ال٨٠ بيحترق عند نسبه انضغاط معينه تحت المكبس ( زي ما انت عارف لازم لتوليد حركة محتاج شراره و هواء وبنزين وضغط )
فالفكرة مبسطه ( زي ما نا فاهمها ) ان الحركه الانفجاريه بتحصل قبل او بعد معادها اللي الخواجة مصمم الموتور علي اساسها وده بيقلل عمر المحرك

يبقي لو انت عايز تحافظ علي موتور عربيتك يبقي تهتم بموضوع البنزين ده

[mr_astra]

نسبة الانضاغط هى
الحجم المحصور بين راس المكبس(فى النقطة الميتة السفلى ) وغرفة الاحتراق ونرمزلة بالرمز v1/ الحجم المحصور بين راس المكبس (فى النقطة الميتة العليا) وغرفة الاحتراق ونرمز لة بالرمز v2
قديما كاننسب الانضغاط 1:8 ايام بنزين 80 انما اليوم بقت نسب الانضغاط 1:10 واكتر وبتزيد فى عربيات السباق
كلمة بنزين 80 بتعنى ان البنزين قادر على مقاومة الاشعال المبكر بنسبة 80
اما بنزين 92 يتعنى ان البنزين قادر على مقاومة الاشعال المبكر بنسبة او عند قيمة 92
كلام الاخوة الافاضل رايح على ان بنزين 80 ممكن ينفجر قبل ما البستون يوصل للنقطة الميتة العليا ودى انسب او اصح توقيت للاشعال ولو حصل والبنزين انفجر قبل النقطة المذكورة بيحدث ما يسمى بالصفع (الكركرة) ودة طبعا طبعا غلط على الموتور
نصيحتى ليك
جرب تحط بنزين 80 صافى غير مخلوط ولو الامور مشيت تمام ومش حاسس باى تسقيف فى المكنة والسحب كويس والدنيا حلوة استمر ومتخفش مش هايحصل حاجة
لو حسيت ان المكنة مخنوقة وبتسقف والكلام دة حط بنزين 90 على 80 نقول مثلا 18 لتر 80 و4 لتر 90 وجرب
لو الدنيا اتظبت اتكل على الله واستمر ومش هايحصل حاجة بامر الله
لو فضل نفس المشاكل لا مفر من تموين بنزين 90
تقبل مرورى