الحقوا المصيبه اللى جايه فى البنزين

[ahmedeldoky]

:CONGRA~2 38:

[sayed2077]

هو بالنسبه ليا انا معايا عربيه 128

لقيت ان متوسط الاستهلاك عندى شهريا حوالى
60الى100
ليتر

يعنى كل شهر متوسط استهلاكى مثالا بالكتير اوووى 100
ليتر

مع العلم انى بستخدم بنزين 80
اللهم احفظها نعمله واحميها من الزوال

ومع العلم برضوا خالى معاه عربيه برايد

متوسط الاستهلاك شهريا 60 الى 100 ليتر
بس هو بيستخدم بنزين 90 او 92
ده بالنسبه ليا انا واللى اعرفه
مش عارف بقى الباقى ايه نظامه فبالنسبه ليا لو هفضل على معدل الاستهلاك ده فده هيبقى مناسب الى حد ما بالنسبه ليا لو خلوها مثالا
200 ليتر كل شهر بالنسبه ليا مناسب جدااااا
مع العلم معرفش الباقى ايه اخبارة
بس اعتقد كده الازمه هتنفك جامد جدااا ومفيش سوق سودا تنى خلاص
وربنا يعمل اللى فيه الخير
ان شاء الله

[screamseko]

سمعت الحوار ده فعلا النهارده بس ده تهريج
يعني ايه 4 لتر في اليوم اعمل بيهم ايه يعني؟؟

[tamer.koko]

[Hisham.Elgazzar]

المشاركة الأصلية كتبت بواسطة ash_rsi انباء عن قيام الحكومه عن توزيع البنزين بكوبونات بواقع 2500 للعربيه الواحده فى السنه بالسعر العادى ولما يخلص المبلغ هنمون بالسعر الحر اللى هيعدى ال 3 جنيه بكل تأكيد وبحسبه بسيطه 2500 جنيه على بنزين 92 / 1.85 قرش = 1351 لتر على 365 يوم = 3.7 لتر فى اليوم يعنى مش هنقدر نروح الشغل ونرجع معنى ده ان السياره اللى معايا 2000 سى سى انا بستهلك 9 لتر يوميا وبفرض انى مش بسافر والشوارع سهل الاستخدام هيكفينى 150 يوم وبما ان استهلاكى حوالى 3285 لتر(9×365 ) - 1351 = 1934 × 3 ج = 5802ج فرق سعر بنزين انا هضيعه فى زحمه الشوارع والبحث عن مكان انتظار وبكل تأكيد فى ناس بتعمل كميه بنزين اكبر من ده بمراحل شوفوا بقى شوفتوا المصيبه والخازوق الجديد

ده بالنسبة لأى نوع من البنزين ؟؟ لو هيلغوا ال80 ويخلوا ال92 بجنيه هتبقى مصلحة

المشاركة الأصلية كتبت بواسطة mr_astra اللى انا سمعتة انة مش بالفلوس وانما باللتر يعنى سمعت ان كل عربية ملاكى ليها 1000 لتر مدعم وما زاد بالسعر الحر

منور الموضوع يا مستر أسترا
انا قريت فعلا انه نصيب العربية 1000 لتر فى السنة والباقى ب 3 جنيه اللتر

يا جماعة كلنا عايشين فى بلد واحدة وانتوا اكيد بتشوفوا الشباب الهايف اللى داير بالعربيات طول النهار والليل حرق ودوشة ومعاكسة البنات ، على الأقل العادة دى هتختفى
وبعدين مصر مش عاملة مصافى بترول يعنى احنا بنشترى البنزين بالدولار
وبما ان الحكومة بتدعم البنزين بالأسعار المهولة دى
طيب فين حق الناس اللى معندهاش عربيات
والمواصلات عمالة تغلى عليهم والزحمة
انا وجهة نظرى ان الحكومة لما تخف الدعم على البنزين هنلاقى المواصلات بقت أحسن وهنلاقى رغيف العيش ، عشان ساعتها مش هيبقى لهم حجة نقص الموارد
وبعدين بقى ركزوا أوى معايا فى الحتة دى (( انزل كده عند معرض سمير ريان اللى عند الجبل الأصفر وشوف الناس اللى بتركب العربيات الزيرو اد اه ))
هى مش دى يباشا مؤشرات ان الناس معاها فلوس ، انا بقى لو من الحكومة هعمل اه
لما اشوف الشعب معاه فلوس وبيركب الزيرو يبقى أدعم البنزين ليه ؟؟؟
وبرضو من وجهة نظرهم ان اللى معاه يركب زيرو حيقدر على مصاريف البنزين
مش هقول غير حسبى الله ونعم الوكيل فى اللى بيسهل ويدبس الناس لشراء العربيات الزيرو واحنا اللى بنروح فى الرجلين

المشاركة الأصلية كتبت بواسطة amr elsisi 1 : ROFL_C~118::R OFL_C~118::RO FL_C~118: اخيرا وبعد طول انتظار مشكلة استهلاك السيارات للبنزين توصلت مصر لهذا الاختراع ولها براءة الاختراع ومسجل في الشهر العقاري:12BF8 6~159: انا قولت مصر من رواد العالم

لأ يا باشمهندس احنا بقى عاوزين نشوف حل لموضوع البنزين ده بجد على الأقل مع بعضنا هنا فى المنتدى نجتمع ونفكر إزاى نشغل عربياتنا بأقل تكاليف
وبأطلب الدعم الفنى والمعنوى من السادة أخوانى الأفاضل مستر أسترا ومستر كارز أدماير و الباشمهندس سمير عياد والباشمهندس محمد فيصل والأستاذ أحمد عثمان
اننا ندخل حقن الماء او بخار الماء مع البنزين عشان نقلل من إستهلاك البنزين
يعنى نصيبنا من البنزين اللى الحكومة الجميلة عاملاه ال4 لتر فى اليوم يكفى انه يمشى العربية 100 كيلو مرتاحه وده عن طريق الفكرة سالفة الذكر ولكن محتاجين دعمكم فى الموضوع ده

المشاركة الأصلية كتبت بواسطة memodina1 قرات عن الموضوع دا انهاردة وبالفعل كشفت عنة فى النت وطلع صحيح والحقيقة لو هيطبق يبقى يلعن ابو دى حكومة يبقى عندنا بترول وفلوس ودهب ويشحتونا ولاد ال....ب ساعتها هبيع العربية وبيتى وكل حاجة واهج برة على الاقل هشترى كرامتى بفلوسى مدام كرمتى متهانة فى بلدى ااقصد اللى كانت بلدى الوقتىى هى بلد الجيش وقبلة الملعون

صدقنى يا أستاذى لو كان فى إستطاعتك انك تسيب البلد دى مكنتش قولت كده
بس أهم حاجة تاخد بالأسباب وتعمل اللى عليك لأن كل اللى كانت نيتهم انك يهاجروا عشان قرف البلد والحكومة والكلام ده رجعوا تانى وقفاهم يقمر العيش وحتى لو معاهم فلوس برضوا بيتعلم عليهم ومخنوقين من البلد أكتر من ذى قبل ( دى حقيقة وانا قابلت الناس دى ، سواء شباب أو شيوخ )

المشاركة الأصلية كتبت بواسطة mazen mazen الفكره مقبوله شكلا يزود بس الكوته مش معقول اللى معاه رولزرويس زى اللى معاه اكسنت وهتمنع التهريب

ماهو اللى معاه الأكسنت ال10 لتر هيمشى بيهم 150 كيلو
واللى معاه الرولز كده كده هيشترى البنزين ب 3 جنيه ومش هتفرق معاه الربع جنيه لأنه بيحط لتر البنزين ال95 ب 2.75
لكن هتختفى السوق السودا والبلطجة وقلة الأدب
ووجهة نظرى كمان ان الحوادث هتقل عشان محدش هيجرى بالعربيات عشان يوفروا البنزين


أخيرا وليس آخرا و آسف للإطالة :
محدش يزعل منى يمكن انا وجهة نظرى مخالفة لناس كتير لكن انا زيى زيكوا وعايش فى البلد دى معاكوا ومقدرش أسيبها لأن بنتى هنا
كمان انا محدود الدخل والحمدلله
لكن مفيش فإيدى اى حاجة أعملها ، انا بدخل يوميا أفضفض معاكوا
وأحاول انى اساعد اى حد عنده مشكلة
واللى احنا فيه دلوقتى محتاج اننا نقف مع بعض
وياريت كله يشارك
تقبلوا مرورى