استفسارات عام 2012

[ibrahimkellany]

أنا سعيد جدا بالردود التي لم أكن أتوقعها ولا أعرف أشكر من أم من فالكل يسعى للإفادة، ولا يمكنني القول إلا (من قال لأخيه جزاك الله خيرا فقد أجزى له العطاء) جزاكم الله كل خيرا

الأخوة المقترحين البولونيزأنا معرفش حاجة عنها خالص (صناعة - قطع غير- تصليح- سعر - سي سي ..... )
ممكن معلومات كافية عنها وعن 131
وجزيتم خيرا

[Payoo]

بصراحة الزملاء قالوا كل شيء ممكن يتقال في الموضوع ده

أنا بس حابب ءأكد عليك إنك لو فعلا لسه بتتعلم وعاوز تبتدي بعربيه ماتكونش غاليه و في نفس الوقت تكون حمالة قسيه يبقى ماتفكرش في الـ128 وفكر في الاقتراحات التانيه إللي عرضها عليك الزملاء
الـ128 عربيه ضعيفه ولو انت اشتريت 128 وحالته ماكنتش ممتازه هاتكرهك في السواقه و يومك هاتقضيه بين الميكانيكي والعفشجي والكهربائي

[engfathy]

عن تجربة ..ال128 سيارة تعلمك يعني ايه سواقة لانها هاتوريك اللي عمرك ما هاتشوفه مع عربية تانية
قعدت معايا سنة ونص كنت معرفش قبلهم غير ان العربية عبارة عن موتور و 4 فرد كاوتش خلتني بعدهم بقيت باغطس جوا العربية ايا كانت المشكلة
واهم ميزة فيها بقى ان قطع غيارها تقريبا ببلاش واي عيل صغير معدي في الشارع ممكن يصلحلهالك لو عطلت منك
بس اهم حاجة قبل ما تشتري تاخد بنصائح الاخوة الافاضل اللي اتكلموا قبلي طبعا
و ربنا يوفقنا جميعا للخير

[elalfy1000]

المشاركة الأصلية كتبت بواسطة engfathy عن تجربة ..ال128 سيارة تعلمك يعني ايه سواقة لانها هاتوريك اللي عمرك ما هاتشوفه مع عربية تانية قعدت معايا سنة ونص كنت معرفش قبلهم غير ان العربية عبارة عن موتور و 4 فرد كاوتش خلتني بعدهم بقيت باغطس جوا العربية ايا كانت المشكلة واهم ميزة فيها بقى ان قطع غيارها تقريبا ببلاش واي عيل صغير معدي في الشارع ممكن يصلحلهالك لو عطلت منك بس اهم حاجة قبل ما تشتري تاخد بنصائح الاخوة الافاضل اللي اتكلموا قبلي طبعا و ربنا يوفقنا جميعا للخير

عشرة 3 سنوات بس اية هتخليك استاذ يعني هتحضر دكتوراة فى الميكانيكا والكهرباء وكل ما يتعلق بالسيارات بس اهم حاجة تجيبها عربية صاحية اوي علشان تذاكر على نظافة

[mando_car]

ال 10 ممكن تزود 2 : 3 وتجيب 128 او تجيب 127 وشديدة والله
عمتا انا شايف اني ألي عايز يتعلم سواقة صح الصح يتعملع لي بيجو او شاهين . عربية بمساحات كبيرة الي يتعلم علي الصغير دة لو جة يركب عربية كبيرة هيحس انو غرقان . الله يرحم المزدا سفينة تايتنك كنت بسوقها وقدامي مترين ههههههههههه