رابطه مالكي بيجو 305

[ahmedKhdet]

ما رأى الاعضاء فى تعديل وضع طلمبة المية للبيجو 305 والاستغناء عن السير الطويل والمروحة نصبح كهرباء

[ahmedKhdet]

الصراحة انا بعد ما ركبت ال305 حسيت اني مركبتش عربيات قبل كدا وللامانة غير الجديد ثبات نعومة موتور هادئ خاصة اني كان معي 28 الفرق كبييييير بين الاسد الفرنسي واي سيارة فيات وشكرا

[x_nablion]

انا بقى كان معايا 305 فابريكة دواخل عفشة كويسة كنت شاريها من المالك الاصلى مفهاش ولا توكيل موديل 79 او 80 تقريبا مش فاكر حابب اقول عيوبها ومميزاتها عشان لو حد بيفكر يشتريها يبقى عارف اللى فيها
* الطارة خفيفة جدا على سكترا ممتازة اللى كان بيركب لادا وركبب ال305 حيحس انه راكب عربية هاف بور
* العربية سحبها حلوو وسريعة على الطريق مش حتحس انك راكب عربية موديل قديم تسافر بيها عادى
* طبعا عفشتها حديد تستحمل كتير اووى وقطع غيار العربية بالكامل موجودة وباسعار رخيصة والله عشان فيه ناس بتقول غالية انا من اسكندرية وكنت بجيبها من واحد فى الحضرة كفر الفانوس الازاز ب 25 جنية اسطوانة ب 100 جنية على مافتكر كابل دبرياج 35 جنية والله حاجتها رخيصة جدا
* الشكل الامامى حلوو اووى بالذات لو كانت العربية مظبووطة وفيها فوانيس الشبورة اللى بتبقى فى الشبكة بتاعة الفبريكة
* احسن عربية بالنسبة لاى عربية فى فئتها السعرية تتراوح مابين 7000 - 13000 طبعا اموو 7000 دية رايحة فى داهية وعشان محدش يدحك عليك اغلى حاجة فيها ال 305 الطيارة ومش حتعدى 14000 فى احسن حالاتها
الاسباب اللى خلتنى ابيع العربية
* الشكل الخلفى للفوانيس الخلفية غبي ولازم تعديل ولو عدلت حتصرف عليها ومش حتجيب اللى حتصرفه لما تيجي تبيع لان سعرها قليل
* الكارثة الكبيرة الموتور كل المكيانيكية اللى شوفتهم يقفو قصادها ويبقو شبهه الفيل ابو زلوومة ده غير انك ممكن تلاقى ميكانيكى تخصص بيجوو وميرضاش يشتغل فيها ويقولك اصل ماتورها بالعرض وحوض السيارة ضيق الماتور الماتور الماتور لو قررت انك تشتريها لازم تجيبها ماتورها على الشعرة يااما تكون فاهم ميكانيكا وكده تبقى مية مية غير كده يبقى حتكره نفسك
* فيه دراع اسمه التيش بيبقى رابط عصاية الفتيس بعلبة التروس تقريبا ده لو اتعفيت شوية عالغيار حيتخلع من مكانه (كنت كل شوية بنزل اركبة بايدي

[احمد انور امين]

انا عاوز اشترى عربية بيجو 305 طيارة تنصحونى بيها ولا لأ

[احمد انور امين]

المشاركة الأصلية كتبت بواسطة Rowaad اخى الفاضل مشكلتك سهله جدا تروح تشترى جوان للعوامه من عند بتاع قطع غيار بيجو ولو ملقتهوش فك العوامه وروح اعملها جوان عند بتاع الجوانات وركبه وعلى فكره تركيبه ساهل جدا انت ممكن تركبه بنفسك ولو انت من اسكنتدريه انا ممكن ابعتك لمكانيكى شاطر جدا ومتخصص فى 305 فقط

لو سمحت تعرفنى عليه انا من اسكندرية وناوى ان شاء الله اشترى العربية دى فعاوز ميكانيكى يفهم فيها