رابطه مالكي بيجو 305

[kayson]

الاستاذ حازوما ياريت تقولى فين ميكانيكى البيجو الى فى النعام عند مدرسة ابن خلدون و اسمه ايه؟ و العفشجى الى عملك تعديل الكبالن فين؟ مع خالص الشكر

[عماد رسلان]

بيجو 305 عربية لا تقارن بالفيات شتان الفارق الفيات جمبها صرصارقطع الغيار موجود ومتوفرة في التوفيقية والحرفيين
وفي المنيب عند أحمد فهمي عنده قسم خاص بال 305 وكل حاجة موجوده والتابلوهات متعدش عنده كل شئ موجود العربية دي حماله قسية وعفية والكبالن بتتصلح في ام المصريين ( جيزة )

[عماد رسلان]

في عربية 305 فبريكة دواخل العربية واقفة على رجلها بجد موتور استيراد زيرو العربية كل اللي يشوفها يشكر فيها وفي شكلها بس هي غالية شوية نظرا لحالتها الفريدة مطلوب فيها 18000 جنيه على القفل للإستعلام 01210266217 وهي مرور الحوامدية

[mahmoudhamdy4]

السلام عليكم ورحمة الله وبركاته
اخوكم محمود حمدي
بعد بحث اكتر من 3 شهور وكل لما الاقي عربية يطلع فيها عيب يا اما سعرها يا اما بتاكل زيت او عايزة سمكرة في الكامل وبعد قرف وسدة نفس من ال 128 و 127 اتعرض علي بيجو 305 مو 84 (هل دي الطيارة ام لا) واللي عايز يبيعها بيقول انها فابريكة مرشتش جوه وماتور استيراد من سنة ب 4000 جنيه هي مش بتمشي كتير علشان كده عليها تراب شوية فمعرفتش اشوف حالة الصالون والتابلوه لاني عديت من جنبها وهي مقفولة وانا لسه حاتفرج عليها كمان يومين عايز مطلوب 12000 عايز اعرف كده كويس ولا ايه النظام وبعدين انا حاخد معايا ميكانيكي وسمكري مش معقول اخد كمان عفشجي يبصلي علي العفشة هل الميكانيكي ممكن يفهم في الكلام ده لان دي اول عربية اركبها في حياتي اسف جدا للاطالة افيدوني ربنا يكرمكم

[حسين الدهشورى]

انا اشتريت بيجو 305 وانا شايف انها عربيه ناعمه وافضل من غيرها فى مستوى اسعارها لكن عربيتى بتستهلك حوالى من 15 الى 17 لتر بنزين فى ال 100 كيلو وروحت ل اكتر من ميكانيكى قالى الماتور خفيف ودا سبب الاستهلاك العالى للبنزين وفيه ميكانيكى اقترح انى اركب ماتور استيراد افضل واضمن من العمرة....ايه راى حضراتكم اعمل عمرة او اركب ماتور استيراد؟؟؟