#1
|
PEUGEOT 504 اسم من ذهب
معاك عربيه ايه؟؟ معايا بيجو من الكلمه دي بس تقدر تعرف ان اللي بيتكلم معاه عربيه بيجو موديل من 71 لحد 83 و تكون 504!!! انهارده حتكلم عن عربيه مفيش حد في مصر كلها ما يعرفهاش و اللي معاه واحده منها نضيفه بيعتز بيها اوي و ما بيبعهاش حتكلم عن البيجو ال 504 العربيه الي ركبها الشعب المصري كله بلا استثناء بمختلف طبقاته مين فينا مكنش والده عنده 504 . و مين فينا محدش من اصحابه كان معاه 504 و مين فينا ما ركبش تاكسي 504 و مين فينا اتزنق في يوم و سافر مواصلات و ركب من موقف البيجو!!!! نزل من العربيه دي شكل واحد بس مع بعض الاحتلافات الطفيفه بدون المساس بالجوهر من 69 لحد 74 تميزت تلك الموديلات بمقابض ابواب بارزه و كلاسيكيه(اكره زرار كما يسمونها) و بشكبه اماميه معظمها مغطاه بطلاء النيكل كروم كما كانت تتمع الشبكه الاماميه بأسد بيجو النحاسي المميز . من 75لحد 83 و كانت تلك الفتره من ازهي عصور ال 504 و بدأت في قصه حب طويله مع المصريين و مع افريقيا عموما و تميزت تلك الموديلات بمقابض الابواب المدمجه و اسد بيجو ايضا تم دمجه في كلام من الشبكه الاماميه و طاره الدريكسيون الحديثه المصنوعه من البروبلين بدلا من الطاره القديمه الصلبه غير ان التابلوه في الموديلات الاولي كان لونه فاتح اما بعد 75 كان لونه اسود . نور التابلوه كان لونه ابيض (GL) لحد سنه 77 اما سنه 78 كان لونه اخضر و سنه 79 كان لونه احمر و واستمر نور التابلوه الاحمر مع بيجو لحد انهارده بالنسبه لدواخل العربيه كان لونها في الموديلات قبل 75 لونها بني غامق و الموديلات لحد 78 لونها رصاصي اما ال 79 كانت بنفس لون السياره. (GL.GR.SR.L) انها موديلات العريقه 504 و كلمات سر النجاح لاعظم موديلات بيجو كانت جميعها موتور واحد تقريبا ما عدا ال L كانت بموتور اصغر و غالبا ما تكون تاكسي (GL): كان التابلون بتاعها اكثر اناقه في رايي و كانت العدادات علي شكل دواير منفصله و الكراسي الاماميه كان مدمج فيها مسند الراس و كان الشبكه الاماميه فيها خطين نيكل و الابواب عليها فروع نيكل علي القوايم و المقبض الداخلي كان نيكل برضه و فرش الابواب كان جلد لحد موديل 79 كان جلد و صوف مع بعض علي حسب لون الكراسي. اما ال(L) فكانت افقر موديل فيهم من حيث التابلوه و من غير جرايد علي الجوانب ولا نواكل علي الابواب و اكر الداخليه بلاستيك ردئ. اما ال(GR) فكانت اعلي شويه من ال L لكن كانت ال GL احلي طبعا من اي حاجه فيهم بالنسبه للفروقات الميكانيكيه: كان مواتير (GL.GR.SR)نفس الموتور ال 2000 سي سي بكامه واحده انما ال(L)كانت 1800 علشان كده تلاقي معظمها تاكسيات و اللي بيفرق بقي ان الاتنين جر خلفي لكن (GL.SR) علي كبالن خلفي انما(GR.L)علي ديفرانس زي بتاع ال 131 و ال132 كده بس طبعا علي كبالن احسن علشان ما بتحسش بهزه المطبات بعكس الديفرانس اللي بيخلي العربيه كله تطلع و تنزل علي المطبات مثلا. ختاما و مهما اتكلمت عن ال 504 مش حيكفيني فيها صفحات المنتدي جميعا فتلك السياره من بيجو ساهمت في تشكيل تاريخ مصر المعاصر للسيارات و هيا من اعطت سمعه لكل موديلات بيجو من السبعينات الي الآن . و مازالت تنتج في كينا و نيجريا بافريقيا بنفس الشكل المعتاد و المحبب للجميع تلك السياره التي كان يقودها فئات عديده دون خجل عندما يراها احدهم و هيا تخدم في مجال التاكسي و مازلت تكافح بزخم الشباب رغم عمرها الطويل و لم تسطتع سياره الي الان في ان تحتل مكانه ال 504 عند المصريين الي الآن. تحيه لتلك السياره العظيمه التي من يوم ظهورها في معرض باريس و بالتحديد يوم 12 سبتمبر 1968 الي الآن لنفس التصميم و ما زالت مصدر سعاده و فرح لملاكها بيجو 504 ستيشن بيجو 504 كوبية بيجو 504 كابورلية بيجو 504 بيك اب صور متنوعة ---------------- فيديو بيجو 504 فيديو رائع بيجو 504 تصارع فيات 131 بيجو 504 فى رالى 2009 الرائعة دائما بيجو 504 اعلانات بيجو 504 البطاقة الفنية Manufacturer Peugeot SA Parent company PSA Peugeot Citroen Production (Europe)- 1968–1983 (Argentina)- 1969–1999 (Nigeria)- 1968–2005 (Kenya) - 1968–2004 Assembly Sochaux, France Canton, China Los Andes, Chile Buenos Aires, Argentina Kaduna, Nigeria Mombasa, Kenya Predecessor Peugeot 404 Successor Peugeot 505 Class Large family car Body style(s) 4-door saloon 4-door estate 2-door coupé 2-door convertible 2-door pickup truck, Europe until 1993, other World Markets until 2005. Layout FR layout Engine(s) 1.8 L I4 2.0 L I4 1.9 L I4 diesel 2.1 L I4 diesel 2.3 L I4 diesel 2.7 L V6 Transmission(s) 4-speed manual 3-speed automatic 5-speed manual Wheelbase 107.875 in (2,740.0 mm) (saloon/berline) Length 176.625 in (4,486.3 mm) (saloon/berline) Width 66.5 in (1,690 mm) Height 57.5 in (1,460 mm) Fuel capacity 56 L (14.8 US gal; 12.3 imp gal)[1]
__________________
حـازم خـضـر
التعديل الأخير تم بواسطة AbOnOrA ; 27-09-2009 الساعة 07:32 PM سبب آخر: ارشفة |
#2
|
||||
|
||||
رد: PEUGEOT 504 اسم من ذهب
تقرير رائع و مشكور على مجهودك و احب اضيف انه كل معلومات ال504 موجوده على الموقع بتاعها www.504.org بكامل الكتالوجات و كل الصور و الارشيفات بتاعتها و انشاء الله عن قريب حعمل موضوع شامل عن الجوهره دي
__________________
ptmnlo123per154
|
#3
|
||||
|
||||
رد: PEUGEOT 504 اسم من ذهب
تسلم ايدك يا زوما ptmnlo123per122 تقرير رائع كعادتك دائما وعربية تحمل اسم من ذهب فى عالم السيارات
|
#4
|
رد: PEUGEOT 504 اسم من ذهب
فعلا موضوع رائع عن سيارة رائعه ptmnlo123per171
شكرا يا حازمptmnlo123per112
__________________
اللهم انزل نورا من نورك عليه اللهم نور له قبره ووسع مدخله وآنس وحشته اللهم ارحم غربته وارحم شيبته اللهم اجعل قبره روضة من رياض الجنة . لا حفرة من حفر النار اللهم أغفر له وارحمه واعف عنه واكرم نزله |
#5
|
||
رد: PEUGEOT 504 اسم من ذهب
انا عملت الموضوع امبارح في عجاله علشان كان فيه واحد بيسأل عن ال 504 و بصراحه الواحد كان مأثر مع العربيه دي اوي فيدوب كتبت الكلام و انت بصراحه كملت الموضوع بالفيديوهات و الصور كما ينبغي الف شكرا ليك يا ابو نورا
__________________
حـازم خـضـر
|
الكلمات الدليلية |
peugeot |
|
|