اتفرجت علي الكيا سيراتو هاي لاين و الكيا ريو lx .., و اكتشفت الاتي

[Amera]

السلام عليييييكم
يارب يكون الجميع بخيررررر
انا اول انبارح كلمت خدمه المبيعات بتاعت كيا عشان كنت عايزه اروح المعرض
المهم سألت علي العنوان الي جنبي اداني عنوان المعرض الي في روكسي
و جيت اسألو عن موضوع شكل الكيا سيراتو هيتغير ولا لاء قالي مفيش معلومااات زي ما قالو بردو علي صفحتهم علي الفيس
المووووووووووهم روحت المعرض و لقيت معرض طووووووووووويل عريض مفيهوش غير واااحد بس قاعد !!! مش فاهمه ازاي يعني !! كل المكاتب التانيه فاضيه
قلت عادي يمكن عندهم ظروف طارقه ولا حااجه اصل مش معقول يكون كده العادي !!
قعدت اتفرجت علي الكيا سيراتو عندهم هناك كان الهاي لاين و بصيت علي الكيا ريو لقيت عندهم المنيول lx سيدان الي معروضه
الريو كانت وقفه جنب السيراتو تصدقو بالله حسيت ان الريو احلي منهاا انا مش عارفه ليه الريو مظلوووووووومه اوي كده و يقولك ان المقصوره بتاعت الاكسنت ار بي اكبر من مقصوره الريو مع ان و الله ابدااا انا حسيت ان الريو مرييييييييحه اكتر و الله و اشيك بكتير من جوه و اكبر من بره
و قعدت ورا في الكنبه لحظت اني مستريحه و رجلي مش لمسه الكرسي الي قدامي
عكس الاكسنت الي رجلي فيها كانت لمسه الكرسي الي قدامي و مزنوقه !!!

المهم اني ارتحت و الله اوي للريو و بردو السيراتو حسيت ان في مبنا مشاااعر
اه و الله نوع من انواع التواصل عشان كده فكرت في السيراتو اوووي و لسه بفكر فيها بس الي خلاني اقلق منها الاتي
احنا طبعاا كلنا عرفين ان السيراتو شكلها هيتغير بس لحد دلوقتي وكيل كيا مش عايز يعترف
بس انا بقا رحت للي قاعد علي المكتب و قعدت اتناقش معاه لحد لما اعترف ههههههه
قالي ان السيراتو الجديده هتنزل علي اووووول السنه الجيه يعني كمان كام شهر !!!
بس حسيت من كلامو انها هتعمل زي الانترا الجديده و سعرها هيبقا اغلي من الشكل بتاع السنه دي بكتير مش قليل يعني ..انا حاليااا بين نارين لو عايزه اجيب سيراتو
اجيب الشكل الي موجود حاليااا و الي كمان كام شهر هيكون شكل قديم
او استني الشكل الجديد الي معيش اصلااا فلوس تكمل تمنووو

مااا علينااا سيبنا من السيراتوو
خلينا في الريو و مشكلتها انها 1.4 رغم ان الاكسنت ار بي الي في نفس السعر تقريبا 1.6
و غير ان الاكسنت قطع غيرها في كل حته في حين ان الريو نادره و ده بسبب عدم انتشارهااا
بس بيني و بينكم نار الكيا و لا جنه غبوووور

[sherifabden]

بصي يا فندم الريو ممتازة جدا وسيارة رائعة لكنها مظلومة جدا بسبب ان في عربيات كتيرة في نفس الفئة بيفضلها الناس زي الاوبترا والصني والاكسنت بخصوص موضوع الشكل الجديد للسيراتو انا افضل ان حضرتك تشتري المضمون يعني تجيبي السيراتو الحالية وكفاية ان كل عيوبها ومميزاتها معروفة او ممكن تصبري بعد ما السيراتو الجديدة تنزل علشان كل ميزاتها وعيوبها تتعرف علشان ماتدبسيش فيها زي اللي حصل مع ملاك الالنترا الجديدة اول لما نزلت مع اني افضل انك تجيبي السيراتو الحالية واي سؤال انا تحت امرك ومبروك مقدما

[borio1704]

أول صور رسمية للكيا سيراتو 2013








تفتكري بعد ما شفتي الصور... تستني شوية ولا تشتري السيراتو الحالية؟؟؟




...

[hisham853]

انا رايي السيراتو الحالية لان اكيد لو نزل شكل جديد للسيرات هتكون اغلي كتييييييييير غير كده هتكوني اول واحدة تجيبها و ممكن يكون فيها مشاكل او عيوب تتدبسي فيها بالنسبة للريو هيه عربيه ممتازة شكلا و موضوعا لكن موضوع عدم انتشارها ده مشكلة في قطع الغيار و الصيانة و في اعادة البيع لو حضرتك حبيتي تغيري بعد فترة

[fineart607]

السيراتو الجديده هتنزل فى شهر 8/2013 ان شاء الله مش قبل كده والحاليه كويسه وممتازه
ولما تنزل الجديدة استحاله هتكون بسعر الحاليه هتبدا من 115 الى ممكن تجيبى بيها اتوماتيك دلوقتى خليجى فى اوبشن رائع واوسع من الريو بكتير لكن لو حابه شكل جديد يبقى ريو واجمل واقيم من اكسنت ار بى والله الموفق