العودة   مصر موتورز مجتمع السيارات > سوق السيارات فى مصر موتورز > سيارات مستعملة للبيع > سوق قطع الغيار

سوق قطع الغيار محلات بيع قطع الغيار جديدة و مستعمله و أسعارها


إضافة رد
 
أدوات الموضوع
  #1  
قديم 24-10-2015, 03:29 PM
Nazeem Stores Nazeem Stores غير متواجد حالياً
من انا؟: قطع غيار فولكس فاجن اسكودا
 
تاريخ التسجيل: Oct 2015
المشاركات: 7
Nazeem Stores is on a distinguished road
ورشة قطع غيار اصليه فولكس فاجن - اسكودا - اودى - سيات لدينا كشف اعطال بالكمبيوتر ومركز صيانه لخدمه عربيتك 01158891177 - 01000219914

عندك مشكله فى عربيتك
اعرف مشاكل عربيتك بمنتهى السهوله اولا المشاكل الشائعه فى دوره تبريد الماتور
يعنى بمنتهى البساطه العربيه بتسخن
وهنا نفرق بين ان العربيه بتسخن والمياه بتنقص ولا العربيه بتسخن والمياه ما بتنقص
العربيه لو بتسخن والمياه بتنقص بتحتاج اختبار جهاز ضغط المياه وغالبا المشكله ممكن تكون
- فى كوع المياه والخراطيم
- فى طلمبه المياه هتلاقى عند طلمبه المياه من ناحيه سير الكاتينه صدا
- قربه المياه وغطاء قربه المياه هتلاقى صدا ناحيه القربه
- الريداتير مخروم
- جوان وش سلندر فى حاله كبس المياه عن طريق جهاز الضغط ومفيش مياه ظاهره قدامك قم بالاختبار الأتى
بعد كبس المياه اخلع بوجيه من مكانه وشوف فيه مياه فى البوجيه وممكن تددور العربيه و تضع ايدك قريب من مكان البوجيه لو فى مياه خرجت وطبعا بتبقى قليله جدا يبقى جوان وش سلندر واحيانا من غير ما تدور هتلاقى صدا على البوجيه
العربيه لو بتسخن والمياه عند المعدل الطبيعى لها فى القربه غالبا المشكله بتكون فى
- المروحه مش شغاله ( المشكله ممكن تكون فى المروحه او فى الكهرباء مثل الفيوز او كتاوت المروحه )
- قلاب طلمبه المياه مش شغال ودا هيخلى العربيه تسخن لان المياه ثابته فى مكانها
- القربه واخده هواء ودا مش هيحصل لوحده غالبا بيكون بعد الصيانه او تكون فتحت قربه المياه والعربيه سخنه
- ترموستات كوعه المياه قافل ودا بيكون عمر افتراضى ( وظيفه ترموستات كوعه المياه ان لما المياه بتسخن الترموستات تفتح وتعدى المياه للريداتير وأول ما تبرد تانى الترموستات تقفل والمياه تفضل تلف فى الماتور اغايه ما تسخن تانى وهكذا طبعا انا بشرح اهميه الترموستات عشان مفيش حد يقولك انها ملهاش لازمه ويشيلهالك من العربيه )
- الريداتير مسدود ودا طبعا مش هيخلى دوره المياه تكمل ودا اختباره كبس الريداتير
- الزيت لو ناقص ممكن يسخن العربيه

ثانيا : المشاكل الشائعه فى دوره التزيت ( الزيت بينقص )
وهنا هنفرق اذا كان في زيت خارجى ولا الزيت ناقص جوه المكنه
لو الزيت ناقص جوه المكنه بيكون غالبا
- شنبر الزيت فى تآكل ودا مسؤل عن منع خروج الزيت من كرتيره الزيت الى غرفه الاحتراق
- اويل سيل الصباب في تآكل
- العربيات اللى فيها تربو بيكون فى اكس المروحه اويل سيل ممكن يكون فى تآكل
لو فى زيت ظاهر قدامك فى المكنه ممكن يكون
- كرتيره زيت الماتور مكسوره او بترشح زيت ( ممكن صموله كرتيره الزيت فوتت )
- اويل سيل الكرنك او الكامه
- خرطوم فايظ الزيت مقطوع
- غطاء الزيت مش مربوط بإحكام
- جوان غطاء التاكيهات
لو فى اختلاط زيت مع مياه فى قربه الزيت بيكون مبرد زيت الماتور فى مشكله او الريداتير مكتوم
لو فى اختلاط زيت مع مياه فى المكنه نفسها ودا بتعرفه من غطاء الماتور اللى بتحط منه زيت الماتور غالبا بيكون جوان وش سلندر
لو فى اختلاط زيت مع مياه فى الفتيس ودا بتعرفه عن طريق مقاس كرتيره زيت الفتيس غالبا بيكون مبرد زيت الفتيس فى مشكله وممكن يكون الريداتير مكتوم

ثالثا : المشاكل الشائعه فى السحب ( العربيه مكتومه )
- طلمبه البنزين ودا اختبارها انك بتشيل خرطوم الراجع من الماتور الى التنك وبتدور العربيه لو مفيش ضخ بنزين مناسب يبقى الطلمبه فيها مشكله ودا ممكن يأخر فى دواره العربيه ويقلل سحب العربيه
- الـ Intake Systems
الـ Intake Systems ( هواء وبنزين )
فلتر الهواء لو مكتوم معنى كده ان كميه البنزين الى داخله اكبر من كميه الهواء ودا يخل بمعادله الحريق والعكس كذلك لو فلتر البنزين هو اللى مكتوم
البوجيات وسلوك البوجيهات والموبينه لو فيها مشكله معنى كده ان الهواء والبنزين اللى داخلين غرفه الاحتراق مش هيتحرقو كويس
- حساس الكرنك و وظيفته انه بيفهم الكنترول هو البستم فى الـ Top Dead Center بيعمل ايه و فى الـ Bottom Dead Center بيعمل ايه وبالتالى لو مش شغال الكنترول هيتأخر اغايه ما يفهم وضع البستم ودا ممكن يأخر فى دواره العربيه
- الرشاشات لو مسدوده هتقلل البنزين اللى داخل غرفه الحريق
- الكنترول
- طقم الدبرياج
- البوابه و دى مدخل الهواء اللى بيتحكم فى نسبه البنزين ( احيانا الـRPM بيعلى و يوطى لوحده ودا مشكله بوابه ) مشاكل الفتيس الاوتوماتيك
غالبا اكبر مشكله فى الفتيس الاوتوماتيك تتلخص فى ثلاث كلمات وهم
ميعاد غيار الزيت
السمعه السيئه اللى خددتها الفتايس الاوتوماتيك اصلها من صاحب العربيه مش عيب صناعه يعنى
لو حضرتك بتغير زيت الفتيس فى ميعاده الفتيس عمره ما هيشتكى منك دا طبعا باستثناء بعض الفتايس مثل DSG هو اصلا فيه مشكله فى الميجا ترونك
اما بقى لو انت سيبت الزيت من غير ما تغيره هيسبب المشاكل التاليه
- تاخير فى الغيارات ودا بيرجع لان الزيت بيكون رايش مع الوقت الرايش دا بيدخل فى الـ Solenoid Valve بيسده ودا بيظبط عند تغير الزيت
- نتشه خفيفه بين الغيارات ودا بيظبط عند تغير الزيت
- دبه فى الغيار وغالبا بتكون فى النقلة ما بين التانى والثالث واحيانا الدبه بتيجى مع الـ D و الـ R واحيانا الدبه بتكون وانت نازل من الغيار و احيانا الدبه بتكون فى كل الغيارات ودا عشان تحل مشكلته غالبا بتغير Solenoid Valve اللى فيه المشكله واحيانا بيتتطلب تغير الـ Body Valve نفسه
- تفويت ودا بيبقى اخر مرحله وسببه غالبا ان زيت الفتيس اتحرق وحرق البنود بتاعه الغيارات ودا نصيحه غير فتيس ( خد بالك لو الكوبلن الداخلى خرج من مكانه تقربيا هيعمل نفس الحركه وهتفتكر ان الفتيس هو اللى فوت )
لو حصل اى حاجه فى الفتيس راجع على
- لزوجه الزيت
- الزيت ناقص ام لا
- مبرد زيت الفتيس
- الريداتير
- كنترول الفتيس والدفاير الخاصه بالفتيس
- الـ Body Valve و Solenoid Valve

مشاكل العفشه
- وانت بتجيب R اوD وسمعت صوت تكه فى العفشه راجع على
قواعد الماتور والفتيس
شداد فتيس وجلب القنطره
البطاحات ممكن تكون مكسوره
شداد ميزان
بيض المقص
جلب المقص
- لو سمعت صوت صاج بياكل فى صاج راجع على
قواعد الماتور والفتيس
كوتش الميزان
التيل والطنابير
صاجه التراب
- لو كسرت عجل وسمعت صوت تكه متكرره راجع على الكبالن الخارجى
- لو فى رجه فى العربيه بتظهر من 60 الى 120 وبتختفى بعد كده راجع على الكبالن الداخلى
- لو فى رجه على سرعات عاليه راجع على الكوتش والجنوط وظبط الزوايه و الترصيص
- لو فى دربكه فى الدريكسيون فى السرعات الخفيفه و الاماكن المكسره راجع على علبه الدريكسيون والبارات الداخليه والخارجيه
- لو فى دربكه من اسفل العربيه فى السرعات الخفيفه والاماكن المكسره راجع على جلب المقص الاماميه والخلفيه وكوتش الميزان
- لو العربيه مش عاليه وبتحس بحكه فى المطبات راجع على المساعدين و السوست
- لو انت بتكسر العجل سمعت صوت تزيق راجع على البطاحات و بليه البطاحات
- لو انت بتدوس فرامل حسيت بدربكه تحت رجلك راجع على التيل والطنابير
- لو سمعت صوت سفاره فى العجل راجع على التيل والطنابير
- لو سمعت صوت ونه فى العجل راجع على بليه العجل والسره وراجع على الكوتش والجنوط وظبط الزوايه والترصيص
- لو انت بتدوس فرامل والعربيه متكلبش راجع على التيل والطنابير – دوره زيت الفرامل – الكوتش – المساعدين
فى النهايه انا لم اعرض كل المشاكل ولكنى حاولت ان اعرض المشاكل الشائعه فى السياره لو عجبك الموضوع شير لصاحبك اللى معاه عربيه عشان يستفيد من البوست اخيرا نحن متخصصون فى قطع غيار سيارات فولكس جروب ( فولكس - اسكودا - اودى - سيات ) وتركيب القطعه الغيار بيكون بحجز مسبق
01158891177 - 01000219914
الصور المرفقة
نوع الملف: jpg Cover logo sada-01.jpg‏ (128.3 كيلوبايت, المشاهدات 0)
رد مع اقتباس
  #2  
قديم 24-10-2015, 03:36 PM
Nazeem Stores Nazeem Stores غير متواجد حالياً
من انا؟: قطع غيار فولكس فاجن اسكودا
 
تاريخ التسجيل: Oct 2015
المشاركات: 7
Nazeem Stores is on a distinguished road
افتراضي Nazeem Stores

للاستفسار عن اى شئ زور موقعنا على الفيس بوك
https://www.facebook.com/Nazeem.Store
او اتصل بنا
01158891177
01000219914
عنوانا فى شارع احمد الزمر بجوار سوق السيارات امامى الشركه السعوديه للمفروشات رنين مدينه نصر
رد مع اقتباس
  #3  
قديم 24-10-2015, 03:37 PM
Nazeem Stores Nazeem Stores غير متواجد حالياً
من انا؟: قطع غيار فولكس فاجن اسكودا
 
تاريخ التسجيل: Oct 2015
المشاركات: 7
Nazeem Stores is on a distinguished road
افتراضي رد: قطع غيار اصليه فولكس فاجن - اسكودا - اودى - سيات لدينا كشف اعطال بالكمبيوتر ومركز صيانه لخدمه عربيتك 01158891177 - 01000219914

للاستفسار عن اى شئ زور موقعنا على الفيس بوك
https://www.facebook.com/Nazeem.Store
او اتصل بنا
01158891177
01000219914
عنوانا فى شارع احمد الزمر بجوار سوق السيارات امامى الشركه السعوديه للمفروشات رنين مدينه نصر
رد مع اقتباس
إضافة رد

الكلمات الدليلية
قطع غيار ابيزا, قطع غيار اسكودا, قطع غيار باسات, قطع غيار براتى, قطع غيار بولو, قطع غيار بوينتر, قطع غيار جيتا, قطع غيار سيات, قطع غيارا فولكس

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
تاريخ فولكس فاجن بولو التفصيلى بالصور والمعلومات الموثقة. look344 بولو POLO 7 04-08-2012 04:03 PM

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 01:45 PM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017