هل فية طريقة انى اغسل الموتور بنفسى

[aymangalal]

الفوم بتاع البخاخ(العبوة الصغيرة) غير مؤثر يالمره نظرا لصغر العبوة وضعف الضخ
عن تجربة افضل غسيل للحوض وبدون تاثير على اى شىء بداخلة هو الغسيل بالجاز بعد توصية العامل بتخفيف الضخ وعن تجربة باغسل الموتور مره او اثنين فى الشهر بالطريقة دى دون حدوث اى اضرار وللعلم الغسيل ده بيتم عند بتاع تغيير الزيت 3 جنية

[lawyer9]

أستاذ أيمن الجاز بياكل أى حاجه كاوتش فى الموتور يعنى الخراطيم وبيأثر على حساسات الإنجكشن والكلام دا متأكد من مقطع الخراطيم أما موضوع حساسات الإنجكشن فدا ضافه الميكانيكى لما سألته
وقالى أفضل غسيل بالبنزين ولا زلت غير مقتنع بردوا بالبنزين كمان والحوض بقى فى اشد الحاجه للغسيل ومش عارف اعمله ايه شكلى هجرب البنزين كل وقت بعيد لكن الجاز صدقنى بيضر بالكاوتشات والوصلات فى الموتور

[aymangalal]

المشاركة الأصلية كتبت بواسطة lawyer9 أستاذ أيمن الجاز بياكل أى حاجه كاوتش فى الموتور يعنى الخراطيم وبيأثر على حساسات الإنجكشن والكلام دا متأكد من مقطع الخراطيم أما موضوع حساسات الإنجكشن فدا ضافه الميكانيكى لما سألته وقالى أفضل غسيل بالبنزين ولا زلت غير مقتنع بردوا بالبنزين كمان والحوض بقى فى اشد الحاجه للغسيل ومش عارف اعمله ايه شكلى هجرب البنزين كل وقت بعيد لكن الجاز صدقنى بيضر بالكاوتشات والوصلات فى الموتور

كلام حضرتك له كل الاحترام والتقدير واخذه بعين الاعتبار ولكن ان كان الجاز هو احسن الوحشين يبقى هانعمل ايه؟؟؟؟ عربيتى موديل 95 ستروين Ax وحوضها ضيق وزحمة شويتين وبعدين بعد الجاز بنديها بخه ميه بصابون كده عشان موضوع الكاوتش والوصلات ده...
لكن لو حضرتك عايز تمشى فى الامان المضمون والمرتاح يبقى عليك وعلى بنزينه محترمة وتشوف ايه اللى موجود عندهم من وسائل غسيل الموتور ولو فيه فوم يبقى كويس قوى اسمع ان المكن عندهم قوى وفعال لكن مش عارف بكام
نسيت اقول لحضرتك ان عربيتى كربراتير مش انجكشن يعنى مافيش حساسات عندى عشان اخاف عليها وان كان كلام حضرتك صح طبعا بالنسبة لضرر الجاز ع الحساسات فى الانجكشن

[lawyer9]

لا يا أستاذ أيمن محموع كلامى وكلامك كدا يودى على ان البنزين هوا إلى أقل ضرر
أنتا بتقول بنحط ميه ببريل بعد الجاز عشان تأثير الجاز على الكاوتش والوصلات
طيب أمال احنا من الاول مغسلناش بميه ببيرل ليه مش عشان الميه بتسبب الصدأ ؟
يبقى البنزين هوا الافضل

[aymangalal]

المشاركة الأصلية كتبت بواسطة lawyer9 لا يا أستاذ أيمن محموع كلامى وكلامك كدا يودى على ان البنزين هوا إلى أقل ضرر أنتا بتقول بنحط ميه ببريل بعد الجاز عشان تأثير الجاز على الكاوتش والوصلات طيب أمال احنا من الاول مغسلناش بميه ببيرل ليه مش عشان الميه بتسبب الصدأ ؟ يبقى البنزين هوا الافضل

الحقيقة انا ماجربتش اغسب ببنزين خالص لسبب انى لما بغير الزيت بغسل الموتور بالمره بالجاز عند بتاع الزيت وطبعا اعتقد ان البنزين افضل لانه بينضف ويطير بسرعة بدون ترك اى اثر
الفكره ان الجاز بيسيح بخار الزيوت المتراكمة على المكنة وبيشيل اى رواسب زيتية زيه زى البنزين بالظبط (وان كان البنزين افضل برضه) لكن لوغسلنا بميه وصابون (بريل) مباشرة ماعتقدش انه هايبقى مؤثر زى الجاز او البنزين على ابخره الزيت اللى فى الحوض
وعن تجربة ماحصلش مشاكل عندى من موضوع الجاز ده باستثناء انى دايما براجع على وصلات الكهرباء (الفيش) فى الحوض عشان يمكن من ضغط الكمبروسر فيشة تفك او تعلق ولا حاجه
وبرضه البنزين افضل لكن اعتقد اغلى