يا شباب بجد محتاج حد يفيدنى فى عربيتى هى كيا سيراتو 2010

[ahm_sobaih]

السلام عليكم
ممكن حد يقولى العربية ديه اخر سرعة ليها كام هل 220 الى مكتوبة فى العداد ولا ده مش حقيقى ممكن حد يفهمنى ؟
انا كنت رايح اسكندرية على الطريق الصحراوى وحاولت اقفل العداد وجبت 170 ده اخر حاجه ادرت عليها ودواست البنزين كانت جابت اخرها قلت ممكن يكون ضغط الهوا ضدى جامد رحت مكمل وطلعت على الطريق الدولى بتاع رشيد وبور سعيد وحاولت اقفل العداد مرة ثانية ولكن جيه مؤشر العداد عند160 ومرداش يزيد يعنى مبين 160 و170 ده اخر حاجه امال 220 الى مكتوبة فى العداد ايه معناها
للعلم انا اول عربية اسوقها يعنى مسوقتش حاجه قبل كده ومعنديش اى معلومات فى الموضوع ده وعاوز الاجابه ياريت

وبالمناسبة انا دخلت مدينة رشيد وكانت رهيبة وجميلة اوى والنيل هناك جميل اوى واهلها طيبين اوى واتمنا انى اعيش فيها بجد

[Injection]

المشاركة الأصلية كتبت بواسطة ahm_sobaih السلام عليكم ممكن حد يقولى العربية ديه اخر سرعة ليها كام هل 220 الى مكتوبة فى العداد ولا ده مش حقيقى ممكن حد يفهمنى ؟ انا كنت رايح اسكندرية على الطريق الصحراوى وحاولت اقفل العداد وجبت 170 ده اخر حاجه ادرت عليها ودواست البنزين كانت جابت اخرها قلت ممكن يكون ضغط الهوا ضدى جامد رحت مكمل وطلعت على الطريق الدولى بتاع رشيد وبور سعيد وحاولت اقفل العداد مرة ثانية ولكن جيه مؤشر العداد عند160 ومرداش يزيد يعنى مبين 160 و170 ده اخر حاجه امال 220 الى مكتوبة فى العداد ايه معناها للعلم انا اول عربية اسوقها يعنى مسوقتش حاجه قبل كده ومعنديش اى معلومات فى الموضوع ده وعاوز الاجابه ياريت وبالمناسبة انا دخلت مدينة رشيد وكانت رهيبة وجميلة اوى والنيل هناك جميل اوى واهلها طيبين اوى واتمنا انى اعيش فيها بجد

أنا مش عارف محدش رد على حضرتك ليه مع أن الموضوع أبسط من البساطة.

مبدأيا حضرتك معاك عربية ممتازة شكلا وموضوعا, أنت مش جايبها علشان الشد واللعب, لو على كده الفيرنا سدادة, لكن عربية حضرتك طبعا مافيش مجال للمقارنة بينها وبين الفيرنا ربنا يباركلك فيها.

دلوقتى أنا عندى اللانوس مثلا أخر عدادها 220, طبعا عربية زى اللانوس مستحيل تجيبهم بموتور 1.5, وأخر سرعتها الفعلية بالعافية 190 لو جابتهم.

عربية تانية زى الفيرنا, عدادها 200, لكن بتعدى ال 200 والأبرة بتكمل لف, وممكن توصل لسرعات أعلى زى 220 كمان, بس العداد أخره 200 بس.

فالموضوع مش بالعداد, العداد الكبير ميزته أنه بيلائم الظروف كلها, يعنى عداد اللانوس كمثال, ممكن أبقى نازل على منزل وأعدى ال 200 أو أكثر أو مقلل وزن العربية فابتجيب سرعات أعلى وأنا أعرف أقيس السرعة من العداد, على عكس الفيرنا اللى أخر عدادها 200 ومش هتعرف تقيس السرعة بعد كده لو العربية طايرة.

والسيراتو فعلا تجيب أكثر من كده, بس خد بالك أن العربية تقيلة وموتورها مش قوى للدرجة, يعنى أنا ماعرفش حد عدى بيها 200.

الخلاصة, العداد أنا ممكن أغيره بواحد مكتوب عليه 320, بس ده مش معناه أن العربية بتجيبهم, غير أن العربيات بره بتختلف فى المواتير, فبينزلوا أغلب الموديلات بعدادات واحدة, زى اللانوس ليها موتور 1.6 يخليها تعدى 200, العداد موجود عندنا لكن الموتور مش موجود, ولأسباب تانية منها الأيهام أن العربية سرعتها خيالية لكن الحقيقة كاذبة طبعا.

لكن السرعة اللى على العداد عمرها ماكانت مقياس لسرعة العربية.

[ahm_sobaih]

بجد انا متشكر جدا على الكلام الجميل ده

[koashraf]

يا انا عندى تفسير ابسط من كده شويه،كماتعلم ان شركات صناعه السيارات غالبا لاتصنع جميع أجزاء السياره ولكن هناك موردين للأجزاء العامه مثل الكراسى /البطاريه /العدادات /الكاوتش /ضفيرة الكهرباء وخلافه ومش شرط ان عداد السرعه الموجود فى السيراتو مصنع ليها مخصوص انما هو عداد سرعه ممكن يركب على أى عربيه لها مواصفات متقاربه منها فالسرعه النهائيه الموجوده على العداد مش شرط تكون دى الحد الاقصى لسرعة السياره انما ده عد اد سرعه اخره220 مثلاً فبعض الناس تتصور ان دى السرعه القصوى للسياره وده مش صحيح.

[ahm_sobaih]

بجد متشكر على الاجابات ديه
بس ممكن حد يكون جرب سيراتو يقولى اخر سرعة مشى بيها او جابها بالسيراتو كانت كام