سرعة عالية + مطب مفاجئ ... اية احسن تصرف؟؟

[ميدو عمر ايمن]

ايه الحلاوة دي يا مصراوية
من كتر حلاوة الردود انا بكره هعمل مطب وعديه بسرعه
.
.
.
.
.
.
.
وانا ماشي علي الارض من غير عربيه

[برنس الاوكتافيا]

الاحسن انك تفرمل جامد وتاخد المطب وتفضل دايس فرامل حتى وانتى على المطب وده احسن حل لانك لو كملت بسرعتك العربية هتخبط جامد فى الاسفلت بعد ما تعدى المطب وكمان راسك هتتخبط فى سقف العربية جامد جدا وده حصلى فعلا

[magdy_c_c]

المشاركة الأصلية كتبت بواسطة master.formats وضع عشرة وعشرة هو الوضع الصحيح لمسك المقود في كل الأحوال.. وده اللي بيقوله الكتاب.. ميزة الوضع ده عن وضع تسعة وربع أن تحريك المقود لأي اتجاه أسهل ويحتاج جهد أقل بكثير ووقت أقل أيضاً بأجزاء من الثانية قد تكون فارقة في اللحظات الحرجة.. ليه بقى؟؟ لأن وضع اليد على وضع عشرة وعشرة يكون مرتفع عن نقطة اتزان المقود وهذا يعطي كل يد منهما "طاقة وضع" عالية ومجال أوسع للحركة (يعني ببساطة: لو رفعت يدك اليسرى عن المقود فقط فإن وضع اليد اليمنى المرتفع سيؤدي تلقائياً الى نزولها بفعل الجاذبية -بدون أي مجهود منك- وبالطبع لو بذلت مجهود فإنه يكون أسهل وأسرع- كما أن مجال الحركة المتاحة لك بدون أن تترك يدك المقود, يعطيك 60 درجة الى أوطى نقطة في المقود. على عكس وضع تسعة وربع فإن المقود سيظل متزن تقريباً وسيكون لديك 45 درجة فقط كمجال للحركة) وضع تسعة وربع أريح لليدين فعلاً لأنه يجعلهما مسترخيتان.. لكن هذا بالضبط هو سبب عدم تحبيذه لأن اليد المتحفزة تكون أسرع في الاستجابة عند الطوارئ من اليد المسترخية.

كلام حضرتك مظبوط 100 * 100
و ده فى الوضع العادى فعلا ً وضع اليد على الطارة فى شكل عقارب الساعة عشرة وعشرة بيديك فرصة أكبر للمناورة و الحركة يمين و شمال فى أسرع وقت ممكن
و لكن حضرتك احنا هنا جوة الأزمة خلاص و حضرتك عارف انك ممكن تبقى ماشى فى شوارع المحروسة فى أمان الله و فجأة يطلع لك مطب ساعتها المخ مش بيفكر غير فى حاجة واحدة و هى الفرملة الشديدة و بعدين بتتراجع عن الفكرة دى فى ثوانى لما حضرتك بتلاقى العربية بتزحف أو بتعوم منك أو خلاص هتخبط بمقدمة السيارة فى المطب نفسه خصوصا ً اذا كنت سايق على سرعة كبيرة قبل اكتشاف المطب !
طيب حضرتك معاك عربية مش Full Power و النوع ده من العربيات الدريكسيون نفسه مش بيتقل على السرعات الخفيفة و لا حتى مع الاستخدام المفاجأ للفرملة ، و بفرض ان حضرتك كمان العربية ما فيهاش ABS أو لو كان معطل

أو لو حضرتك مش لابس الحزام ، يبقى ايه اللى هيحصل فى الوضع عشرة و عشرة ؟

1. اليدين هنا محفزة و قدرتها على المناورة و الحركة أكبر و أسرع و لكن مع الفرملة الشديدة المفاجأة و مع ميل مقدمة السيارة للأمام هيبقى فى ضغط عالى جدا ً على المساعدين الأمامى و اطارات السيارة الأمامية مع ملاحظة زحف السيارة لفترة طويلة و أى حركة بسيطة فى الطارة هيخلى العربية تعوم بسرعة شديدة
2. عند انتباهك لهذا الوضع الخطر طبيعى انك هترفع رجليك من على الفرملة بسرعة ايه اللى هيحصل : هيقل الضغط على المساعدين و الإطارات الأمامية و بالتالى سترتفع مقدمة السيارة و عند فك الضغط على الاطارات العربية لازم هتعوم منك بشدة وفى الوضع عشرة و عشرة أقل حركة على الدريكسيون هيساعد ان العربية تعوم أكثر و أكثر
3. طيب لو حضرتك فى وضع اليد على الطارة فى شكل عقارب الساعة عشرة و عشرة و ضربت فرملة طويلة و باردو كلت المطب و وضع جسمك مائل للأمام تأكد انك لابس فى التابلوه أو فى زجاج السيارة الأمامى لو كنت ناسى تلبس الحزام

و لكن فى وضع الأزمة و مع وضع يديك على الطارة فى شكل عقارب الساعة تسعة و ربع هيديك فرصة أكبر للتحكم فى ثبات السيارة و هيمكنك انك تخلى العجلات فى المنتصف تماما و العربية ماتعومش منك أو على الأقل ما تتقلبش لا قدر الله
و كمان هيخلى جسمك فى وضع عمودى على الكرسى و يبعدك عن التابلوه و الزجاج الأمامى علشان لو كلت المطب بسرعة جسمك ما يخبطش فى التابلوه أو الزجاج لو مش لابس الحزام
يعنى الوضع عشرة و عشرة هو الوضع الـ Normal اللى بيخليك مستعد للحركة و المناورة
و لكن جوة الأزمة نفسها انت محتاج الوضع تسعة و ربع علشان تثبت العربية و ما تعومش منك وان عامت ما تتقلبش منك و ان كلت المطب ما تلبسش فى التابلوه أو فى زجاج السيارة
و شكرا ً لمرور حضرتك الكريم

[omda8185]

انا اكلت مطبات بعدد شعر راسب
بس في كل مرة كنت بدوس فرامل للاخر وقبل العجل ميلمس المطب ارفع رجلي..
العربيه طبعا بتتهبد عالمطب بس في كل الاحوال الضرر كان بيبقى خفيف
واتعلمت الموضوع ده من اعضاء برضه هنا في المنتدى هما اللي قالولي عليه بارك الله فيهم

[abdeallha]

المشاركة الأصلية كتبت بواسطة كوكى23 قدرت تهدى يبقى كويس او تكسر العجل وتخده مقص بس مايكون معاك عربيات

الله يفتح عليك هذا كلام الخبراء ... للأسف الدرس دا اتعلمته لوحدي بس بعد العربية عامت منى وخدفت يمين وستر ربنا مكنش حد جاى وراى ... كنت ماشي على 90 على طريق سفر و طلع قدامي مطب عريض رحت دايس فرامل بأقصى قوة راحت العربية زحفت و انا فوق المطب العربية راحت نطه وهبدت في المطب ..وزحفت يمين. لكن الحمد لله ربنا سترها