العودة   مصر موتورز مجتمع السيارات > السيارات الأوروبية > رينو RENAULT

رينو RENAULT RENAULT شريك اساسى مع نيسان اليابانية وتحتل المركز الرابع عالمياً تحت قيادة كارلوس غصن اشهر الموديلات سينيك كليو ميجان


إضافة رد
 
أدوات الموضوع
  #1  
قديم 06-03-2014, 11:32 AM
TMenshawy TMenshawy غير متواجد حالياً
 
تاريخ التسجيل: Mar 2012
المشاركات: 10
TMenshawy is on a distinguished road
استفسار العربيه شكلها فوتت:( محتاج مساعده فى موتور استيراد للكليو

السلام عليكم,
أنا معايا كليو 2002 1200سى سى. العربيه بقالها كذا شهر الزيت بينقص منها بمعدل كبير. بدأت الاحظ الأرض تحتها بس عمرى ما لقيت زيت واقع على الأرض. بعدها لاحظت بعد رفع العربيه انها ملطخه زيت كتير من تحت.

المهم رحت للميكانيكى (واحد متخصص فى الرينو) أكتر من مره وقعد كل مره يقولى على سبب محتاج يتصلح: مره وردة الطبه, مره غطا فلتر الزيت, مره ان خرطوم الباور مرشح (مع ان زيت الموتور هوا اللى بينقص!) وأخر حاجه كرتيرة الزيت محتاجه تتقفل بسيليكون حرارى. المهم بعد تغيير كل قطع الغيار وحل كل المشاكل دى, لقيت ترشيح الزيت لسه موجود فى العربيه من تحت.

بعد أخر مره كنت عند الميكانيكى بكام يوم لقيت دخنه بيضه بدأت تطلع من الشكمان وازدادت يوم عن يوم :( رحتله تانى, قالى يبقى الزيت بيتحرق مع البنزين والموتور محتاج طقم شنبر أو على الأقل وش السلندر محتاج روديه مع تغيير كاوتش الصبابات ( مع العلم ان سحب العربيه كويس). بس نصحنى انى الأحسن أغير شورت بلوك (موتور من غير جير بوكس) بواحد استيراد علشان أخلص من المشكله دى حيث ان العمرة الكامله أو النص عمرة أخرها سنه أو اتنين وهحتاج أعملها تانى.

ياريت لو حد يقدر يساعدنى ويجاوب على الاتى علشان أعرف أحسن حل وأتصرف ازاى من غير ما يتضحك عليا:
1) ايه هوا الروديه؟ هل المقصود كشط وش السلندر؟
2) هل صحيح ان الشغل فى وش السلندر أو تغيير الشنابر مش بيدوم وهيحتاج يتعمل كل سنه أو اتنين؟
3) ازاى أعرف اذا كان الموضوع بسبب وش السلندر (وساعتها محتاج روديه مع تغيير كاوتش الصبابات) أم بسبب البساتم (وساعتها محتاج طقم شنبر)؟
4) ايه الأحسن: تعميير الموتور القديم أم شراء استيراد؟
5) هل حد عنده فكره عن سعر الشورت بلوك الاستيراد بالتركيب؟ ايه أخبار الضمان وازاى أتأكد ان حالته كويسه ومش متعمر؟
6) هل الأحسن انى اشترى الشورت بلوك من تاجر استيراد وأخلى الميكانيكى يركبه أم أروح لفرنش موتورز وهما يعملو الموضوع من أوله لأخره بس بسعر أعلى؟
7) لو المشكله الاساسيه فى نقصان الزيت هوا احتراقه مع البنزين, ايه سبب ترشيح الزيت من تحت؟
8) هل لو فكرت أبيع العربيه بحالتها كده, فى حد هيشتريها بسعر معقول؟ ولا هيخسفوا بتمنها الأرض؟

شكرا ليكم مقدما وأسف على الاسئله الكتير بس دى أول مره اتحط فى موقف زى ده والدنيا مش واضحه بالنسبه ليا!
رد مع اقتباس
  #2  
قديم 06-03-2014, 01:17 PM
الصورة الرمزية mr_astra
mr_astra mr_astra غير متواجد حالياً

 
تاريخ التسجيل: Oct 2010
المشاركات: 6,818
mr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond repute
افتراضي رد: العربيه شكلها فوتت:( محتاج مساعده فى موتور استيراد للكليو


1) ايه هوا الروديه؟ هل المقصود كشط وش السلندر؟

الرودية هو عملية صنفرة للصبابات
سببها ان الصباب مش بيكون قافل كويس على المكان بتاعة (القواعد ) نتيجة لتاكل جزئي فى طبق الصباب ناتج عملية الاحتراق
اما قشط وش السلندر هو بالفعل ما يدل علية اسمة يعنى بيتم عمل قشط للوش على الفريزة (شبيها بالمخرطة ) اكنك بالظبط بتقشر جزر او خيار بالسكينة
ونسبة القشط بتكون على حسب حالة الوش نفسة
وبنلجا لقشط وش السلندر عشان الوش بيكون " مقفع " يعنى فية عالى وواطى والقشط بيساوى سطح الوش وساعتها لا يمكن نركب جوان صاج زى بتاع الفبريكة ولكن بيركب جوان لنجريد بتخانات مختلفة على حسب نسبة القشط

2) هل صحيح ان الشغل فى وش السلندر أو تغيير الشنابر مش بيدوم وهيحتاج يتعمل كل سنه أو اتنين؟

[COLOR="rgb(139, 0, 0)"]نظرا لردائة الخامات الموجودة فى السوق الكلام نسبيا صحيح [/COLOR]

3) ازاى أعرف اذا كان الموضوع بسبب وش السلندر (وساعتها محتاج روديه مع تغيير كاوتش الصبابات) أم بسبب البساتم (وساعتها محتاج طقم شنبر)؟

[COLOR="rgb(139, 0, 0)"]لو السبب وش السلندر الدخة بتكون فى الشكمان مع اول دوارة للعربية فقط وبتمنع الدخنة بعد دقيقة واحد ة من تشغيل الموتور

اما لو لو من البساتم بتكون الدخنة ظهرة جدا فى خرطوم الفايظ او حتى دخنة مستمرة من الشكمان مع نقص فى الزيت كبير واحيانا البوجيهات بتقطع شرارة نتيجة تراكم الزيت على القطب الموجب [/COLOR]

4) ايه الأحسن: تعميير الموتور القديم أم شراء استيراد؟

[COLOR="rgb(139, 0, 0)"]فى المواتير القديمة زى الفيات انا افضل العمرة اما لو العربية جديد يبقى الانسب شراء موتور استيراد [/COLOR]

5) هل حد عنده فكره عن سعر الشورت بلوك الاستيراد بالتركيب؟ ايه أخبار الضمان وازاى أتأكد ان حالته كويسه ومش متعمر؟

[COLOR="rgb(139, 0, 0)"]للاسف معرفش سعرة [/COLOR]

6) هل الأحسن انى اشترى الشورت بلوك من تاجر استيراد وأخلى الميكانيكى يركبه أم أروح لفرنش موتورز وهما يعملو الموضوع من أوله لأخره بس بسعر أعلى؟

[COLOR="rgb(139, 0, 0)"]طبعا تروح مكان هو اللى يشترية عشان يكون مسئول عنة ودة بالاتفاق ويتحملو اى مسئولية لا قدر الله لو طلع فية حاجة
[/COLOR]

7) لو المشكله الاساسيه فى نقصان الزيت هوا احتراقه مع البنزين, ايه سبب ترشيح الزيت من تحت؟

[COLOR="rgb(139, 0, 0)"]مهو عشان كدة انا بصراحة مش واثق فى كلام الميكانيكى
نقص الزيت نتيجة ترشيح لا يدل اطلاقا على ان الموتور محتاج عمرة او نصف عمرة
لازم لازم لازم نمنع سبب ترشيح الزيت وبعدها نشوف حالة الموتور
لو منك اغسل الموتور بالجاز والمية فى بنزينة واتابع مكان ترشيح الزيت
انما كدة الكلام عكس بعضة تماما
[/COLOR]

8) هل لو فكرت أبيع العربيه بحالتها كده, فى حد هيشتريها بسعر معقول؟ ولا هيخسفوا بتمنها الأرض؟
[COLOR="rgb(139, 0, 0)"]مش عاوزك تزهق من عربيتك وحاول نمشى مع بعض خطوة خطوة
الرد فى الاقتباس
[/COLOR]
__________________

يااااااااااااا رب

إرحمنا بقدرتك علينا

رد مع اقتباس
  #3  
قديم 07-03-2014, 12:52 AM
الصورة الرمزية mr_astra
mr_astra mr_astra غير متواجد حالياً

 
تاريخ التسجيل: Oct 2010
المشاركات: 6,818
mr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond reputemr_astra has a reputation beyond repute
افتراضي رد: العربيه شكلها فوتت:( محتاج مساعده فى موتور استيراد للكليو

uppppppppppppp
__________________

يااااااااااااا رب

إرحمنا بقدرتك علينا

رد مع اقتباس
  #4  
قديم 07-03-2014, 08:00 PM
mohmedkamel mohmedkamel غير متواجد حالياً
التخصص العملى: رئيس قسم
هواياتي: الرحلات السياحية والسفر
 
تاريخ التسجيل: Dec 2012
الموقع: مـ ام ــصـ الدنيا ــر
المشاركات: 42
mohmedkamel has a spectacular aura aboutmohmedkamel has a spectacular aura about
افتراضي رد: العربيه شكلها فوتت:( محتاج مساعده فى موتور استيراد للكليو

كلام تمام مستراسترا
رد مع اقتباس
  #5  
قديم 08-03-2014, 07:15 PM
TMenshawy TMenshawy غير متواجد حالياً
 
تاريخ التسجيل: Mar 2012
المشاركات: 10
TMenshawy is on a distinguished road
افتراضي رد: العربيه شكلها فوتت:( محتاج مساعده فى موتور استيراد للكليو


المشاركة الأصلية كتبت بواسطة mr_astra مشاهدة المشاركة

[COLOR="rgb(139, 0, 0)"]مش عاوزك تزهق من عربيتك وحاول نمشى مع بعض خطوة خطوة
الرد فى الاقتباس
[/COLOR]
شكرا يا باشا على الردود والله ربنا يكرمك.
بالنسبه لسبب الدخنه أنا لاحظت ان الدخنه البيضه بتبقى كتير لما أدور العربيه وأدوس بنزين فى الأول. أو انى أسيبها شويه عالسلانسيه بعدين أدوس بنزين.
رأيك ده يبقى بسبب صبابات ولا بساتم؟

تانى حاجه, لو قررت انى أجيب شورت بلوك استيراد. ازاى أكشف عليه قبل الشراء وأتأكد انو مش متعمر أو مفتوح قبل كده؟

حاجه أخيره, هل تعرف الموتور القديم ممكن يتباع؟ فين ويجيب كام؟

شكرا مقدما.
رد مع اقتباس
إضافة رد

الكلمات الدليلية
clio motor عمره

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML متاحة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 10:15 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017