نصائح من ضابط شرطه ............

[Hamada_El_Sh3er]

بجد ربنا يحميك ويرجعك بالسلامة لأهلك وأخواتك ولينا هنا في المنتدى
ويارب يارب يحفظك انت وكل الناس المحترمين اللي زيك
وعايز اقولك على حاجة
أنا من شبرا مصر
والحمد لله رب العالمين ماشاء الله لاقوة إلا بالله الحياة عندنا هنا إلى حد ما كويسة
وفي خبر كويس إني لسه من شوية ( الوقت بالتقريب : الساعة 1 بعد منتصف الليل يوم السبت 5/3/2011 )
كان في أكتر من 5 عربيات شرطة ( أتاري ) ماشيين عندنا في الشوارع
وكل الناس بيسقفوا لهم وبيقولولهم ربنا معاكوا واحنا معاكوا
وبجد كان منظر جميل
حتى لو قولنا انهم ماشيين في الشوارع بهدف المنظرة بس
لكن والله وجودهم ده حسسنا بالأمان
ربنا يقدر كل الشرطة عشان ترجع الأمان للبلد تاني يارب
قولوا جميعاً
يــــــــــــــــــــــــ ــــارب

كنت عايز اسئل حضرتك عن السلف ديفنس والاليكتريك شوك

ممكن اعرف بيتباعو فين وهل في مشكله من حملهم معايا ولا هو محرم زي السلاح

[AMMI]

شكرا على النصائح
ولكن ما سبب عدم نزول قوات الشرطه الى الشوارع حتى الان.
1- هل تريدون ارسال رساله ان نتيجة ما حدث هو عدم الامان
2- ما سبب ان يقول وزير الداخليه ان 97 من الشرطه انتظمت فى عملها والواقع غير ذلك كما اننا لا نريد كذب على الشعب لان ما بعد الثوره لا ينفع ان يكون هناك كذب

[SHERIF MARLBORO]

نفسى اعرف حاجه ليه الشرطة متستخدمش القوة دون احتكاك يعنى بدل الدورية ما كانت فى البوكس ياريت تبقى مدرعة علشان يقدراو يقاوموا البلطجية و معتقدش انى حد هيمنعهم لا يشوفوهم بيمسكوا ناس بحترام (و استخدام القوة لو حصل مقاومة)
و بسم الله ماشاء الله من الوزارات القليلة اللى بيتقال علهيا ميزانيتها ضخمة و عندها اجهزة متتورة +دور اعلامى اكبر و القسم يحاول يبدأ صفحة جديدة مع المنطقة اللى ماسكها عن طريق ندوات او يتواصلوا مع الناس باى شكل و يتفتح جسر للحوار و لو تقتدروا تغير الملابس الرسمية يبقى افضل(حاجز نفسى)و تلبسوا لبس الشرطة العسكرية و الظباط يتنقلوا من محافظتهم بحيث ميكونش ليهم تاريج فى المناطق اللى هيكونوا فيها .اى حاجه
و بعدين ازاى اسرائيل بتحكم قبضتها على الضفة بالعافية ودون وجه حق و ازى امريكا فرضت سيترتها على العراق (و عارفين انهم مكروهين و ممكن يموتوا و كل حاجه)
اكيد فيه فكر عسكرى يقدر يتعامل مع الموقف.

[سيف الدين سعيد]

المشاركة الأصلية كتبت بواسطة m.genedy طبعا فى البداية اشكر الزميل /of_hon على نصائحة ولو انى اتعجب منها كونها من ظابط شرطة اعذرنى فيما اقول ولكنى فى الحقيقة لا ارتاح لظباط الشرطة... ولكنك هنا بالطبع زميل له كل التقدير والاحترام بغض النظر عن المهنة.. سبب قلقى منما قرأت اننى اريد ان ازور مصر فى اسرع وقت وبالفعل اتصلت بكثير من الاصدقاء المقربين وتقريبا كلهم طمنونى... واخرهم وائل مجدى لكن بعد الكلام اللى قريتة من الاستاذ/of_hon مش عارف بصراحة.. انا مش متخيل ان حد يثبتنى او يرفع علي طبنجة او مطوة .. وعلشان اية شوية فلوس ولا ساعة ولا لابتوب مش عارف بصراحة حاجة تحير.. خاصا انى لما انزل مصر

نازل مصر امتى يا باشا ؟ واوعى تنزل من غير ما أعرف

المشاركة الأصلية كتبت بواسطة of_hon حضرتك قولت معلومه هامه جداااااااااااا وبتوضح حاجات كتير وماخفي كان أعظم والحمدلله علي كل حال وعايز حضرتك تطمن ان فيه رجاله بتحارب دلوقتي وهتحارب لغايه أخر نقطة دم فينا معانا لغاية منعمل اللي مفروض نعمله . والحمدلله انا فخوووور جدااااا بأني ضابط شرطة علي الاقل أنا بحارب وفيه ناس غيري نايمه وبتاكل فشار وبتتفرج علي التلفزيون انا مش بقلل من دور حد أو شغل حد أنا بتكلم عن طبيعة شغلي وأهميته .

يا حضرة الضابط : من فضلك ..
احنا كلنا عارفين أهمية الشرطه وفضل رجالها الشرفاء . وأنا رغم ان ليا اتنين من ولاد أعمامى فى الداخليه ومنهم لواء والأخر عميد الا انى بأضم صوتى الى صوت الأخ محمد جنيدى وبأقول انى مش بأحب البدله السودا . وأقصد البدله السوداء مش الشخص اللى لابسها . لأنه لو خلع البدله فهو رجل عادى خالص زى أى حد فينا .
ولكن
بالرغم من معرفتنا وتقديرنا لمجهودات وخطورة عملكم الا ان الطريق دا انتم اللى اخترتم السير فيه حبا وكرامه له . كشرفاء .. فأرجوك .. أرجوك لا داعى أبدا للكلام عن اللى بياكل فشار أو حتى يا سيدى اللى بيحب فى التليفون . وبلاش نخلط الأمور فى بعضها . لأن الناس مش متقبله خيانة وزارة الداخليه لواجباتها فى الفتره الأخيره . ورغم ان دى كانت القشه التى قسمت ظهر البعير ( لأن هناك ترسبات كثيره متراكمه بين الشعب والشرطه على مر السنين الماضيه من مساوئ فى المعامله ) الا اننا نقدر جدا ونحترم كل رجل شرطه شريف ومهذب ومحترم رفض ترك موقعه ومهمته . وليس رجل الشرطه الجبان والخائن الذى ترك مكانه وعمله واختبأء تحت السرير فى بيته .
وفى النهايه أرجو ألا تضايقك صراحتى . مع كامل احترامى الشديد لشخصك وخاصة بعد الموضوع الجميل اللى ينم عن شخصيتك الخاصه .

المشاركة الأصلية كتبت بواسطة Hamada_El_Sh3er بجد ربنا يحميك ويرجعك بالسلامة لأهلك وأخواتك ولينا هنا في المنتدى ويارب يارب يحفظك انت وكل الناس المحترمين اللي زيك وعايز اقولك على حاجة أنا من شبرا مصر والحمد لله رب العالمين ماشاء الله لاقوة إلا بالله الحياة عندنا هنا إلى حد ما كويسة وفي خبر كويس إني لسه من شوية ( الوقت بالتقريب : الساعة 1 بعد منتصف الليل يوم السبت 5/3/2011 ) كان في أكتر من 5 عربيات شرطة ( أتاري ) ماشيين عندنا في الشوارع وكل الناس بيسقفوا لهم وبيقولولهم ربنا معاكوا واحنا معاكوا وبجد كان منظر جميل حتى لو قولنا انهم ماشيين في الشوارع بهدف المنظرة بس لكن والله وجودهم ده حسسنا بالأمان ربنا يقدر كل الشرطة عشان ترجع الأمان للبلد تاني يارب قولوا جميعاً يــــــــــــــــــــــــ ــــارب

أعتقد ان الوزاره الجديده لو نظيفه حاتعمل على توفير الأمان فى أسرع وقت ممكن .