سخونه في فيرنا اوتوماتيك 2012

[Ahmed Salah ahmed]

وانا مسافر وبعد حوالي 300 كم وعلي سرعه 120 الي 140 ومشغل التكييف لقيت عداد الحراره عدي H بسرعه فصلت التكييف ووقفت علي طول وفتحت الكبوت ، لقيت قربة المياه فاضيه لكن فيها صوت غليان ، بعد شويه بدات المياه في القربه تظهر ، وعدت ال L ، المهم حد وقف وقاللي لازم تزود المياه ، ولاني في طريق مافهوش خدمات اضطريت ازود مياه عاديه ، فتحت غطا الرادياتير تقريبا العربيه اخدت 2 لتر ، المهم كملت سفر علي سرعه 100 ومن غير تكييف ، في الرجوع من السفر حصلت نفس المشكله علي نفس السرعه ، روحت التوكيل قالولي الرادياتير مسدود ولازم يتغير ، رايكم ايه؟

[Ahmed Salah ahmed]

العربيه ٢٠١١ وماشيه ٨٠٠٠٠ وكنت لسه مغير المياه الخضرا من ثلاثه شهور

[الخبييييير]

في بالف مية سخنة في راس المكنة من فوق اخر حاجة قبل خرطوم الردياتير الي فوق ممكن يكون ففيه مشكلة
البلف ده بيفتح لما العربية تسخن ويبدا يسمح للمية السخنة بالخروج من الماتور للريداتير عشان تبرد
وشيك على حساسات المراوح يمكن تكون بتعلق فيها فيشة مش راكبة كويس بتعلق
شوف موضوع الفيش الاول وبعدين بلف المية

[k.i.m.o]

والله انا حصلت نفس المشكله و كان المشكله فى غطار الرديتدير كان الجلدة بايظه وكان بيخلى دوره النفخ الهواء مش بتكمل وكان بيخلى المياه تخرج من القربة وتلاقى كأنها بتغلى بس هو مش غليان ده هوا جوا القربة المهم انا جبت غطاء ب يبانى والجمد لله المشكله اتحلت ب 20 جم وطمنى بردو وانشاء الله خير