كل ما يخص بيجو 307

[Mohamedbherey]

المشاركة الأصلية كتبت بواسطة ayman abdelrazek الفتيس الخاص بال 307 لا يوجد به اى مشاكل تماما وهو مصمم للتعامل مع مواتير اكبر من الموجود فى ال 307 وال c4 والدليل على كده انو موجود كمان فى ال 406 وال c5 ودى مواتير 2000 cc ولكن المشكله ان الفتيس دائما يحتاج تغيير حساسات ضغط زيت كل فتره لا تقل عن سنه والحساسات دى مهمتها توجيه الزيت الخاص بالفتيس تجاه النقله اللى انت عليها ولما الحساسات بتبوظ بيدى انذار وهو عباره عن علامة النجمة وال S بينوروا فى التابلوه يبقى تكشف هيديك ان الحساسات عاوزين يتغيروا ولما يتم تغيرهم يرجع الفتيس تمام ويجب ايضا من فتره لأخرى الكشف على منسوب زيت الفتيس ربما يكون ناقصا فضلا عن الكشف ايضا على الزيت من حيث نسبة الشوائب والرايش الموجوده فيه عن طريق اخذ عينه من الزيت على لوح زجاج والنظر والتدقيق فيها بشده والتأكد من عدم وجود رايش او شوائب ناتجه عن احتكاك الكلاتشات بعضها ببعض . واذا كان هناك روايش يجب حل الفتيس والتأكد من سلامة اجزاؤه الداخليه. لكن الفتيس رياضى جدا ويستجيب لأوامر القائد بسهولة تامه وهو فتيس ثنائى الكلاتش Dual clutch ومطور عن طريق مجموعة فولكس الالمانيه.

طب هو فتيس البيجو خاص ببيجو فقط وليس كاى زيت فتيس اخر , بس انا بحس بنتشه او شده جامده اوى لما اكون على سرعات قليل يعنى مثلا اثناء النقل من الاول للتانى او العكس وساعات تبقى عامله زى الخبطه .

[Mohamedbherey]

المشاركة الأصلية كتبت بواسطة ahmed mohamed azab السلام عليكم يا جماعة أنا معايا بيجو 307 موديل 2008 كامله أوتوماتيك و ماشيه 120.000كيلو,, العربية و الحمد لله مفهاش حاجه خالص,, بس أنا ليه سؤال مهم بخصوص تغيير زيت الفتيس؟؟؟ أنا ما بشتكيش من أي حاجة في الفتيس غير أن ساعات بتحصل خبطة بسيطه في النقله من التاني للأول و انا بهدي السرعة. يا ترى ده ليه علاقه بزيت الفتيس؟؟؟

عنددى نفس المشكله ونفس الموديل

[gtr]

زيت الفتيس للبيجو هو نفس زيت فتيس ZF المتواجد في BMW و جاكوار و لاندروفر ... إلخ.
أيضًا هو نفس زيت الفتيس لدى سيارات مجموعة فولكسواكجن-أودي (و ذلك قبل إصدارهم فتيس DSG ).

باختصار: كل السيارات الأوربية باستثناء مرسيدس -و قليل من الياباني و الكوري- يستخدمون نفس الزيت. و لونه أصفر و ليس أحمر. و اللزوجة هي: ATF3 .

يعني لست مجبرًا على شراء علبة الزيت التي بشعار بيجو ستروين. المادة واحدة و التعبئة فقط تختلف حسب اسم الشركة!

و للمعلومية: يوجد نوعية زيت ألماني اسمه Liqui Moli يوفر نفس الزيت الأصفر هذا. و قد استخدمته أنا في سيارتي 206 أثناء عمرة الفتيس , و مطابق 100 % و بنصف السعر!



حبيت أفيد كل الي بيسأل عن زيت الفتيس

[قيس محمد]

السلام عليكم
سيارتي بيجو 307 موديل 2006
المروحة تعمل بسرعة واحدة فقط اما السرعة الثانية والتي تعمل مع التكييف مباشرة قد توقفت
ممكن نعرف ما هو السبب وما هو الحل؟؟
مع التقدير

[gtr]

المشاركة الأصلية كتبت بواسطة قيس محمد السلام عليكم سيارتي بيجو 307 موديل 2006 المروحة تعمل بسرعة واحدة فقط اما السرعة الثانية والتي تعمل مع التكييف مباشرة قد توقفت ممكن نعرف ما هو السبب وما هو الحل؟؟ مع التقدير

و عليكم السلام
بلا أدنى شك: المُرحِّل (relay) الخاص بالمروحة تالف و يجب تغييره. هو المسؤول عن اختيار سرعة المروحة و تشغيل السرعة العالية مع المكيف.

تحياتي