نقط زيت اسفل سيارة سكودا فليشيا 96

[ahmedscondo]

السلام عليكم ورحمة الله وبركاته

عندى مشكله فى عربيه سكودا فليشيا موديل 96

بلقى نقط زيت الصبح تحت العربيه مش عارف دى نقط ايه

انا شوفت الزيت مش بينقص ولمبة الزيت اول ما بشغل العربيه بتنور وبعدين بتطفى

بس انا مش عارف ايه السبب برجاء مساعدتى لان الموضوع ده قلقنى جداا

انا جايب العربيه من شهر ولسه ملاحظ الموضوع ده لانى لسه جديد فى موضوع العربيات

[mr_astra]

اولا اهلا وسهلا بيك فى بيتك الثانى " مصر موتورز "
بخصوص مشكلة الزيت
طالما زيت الموتور مش بينقص
يبقى دماغنا لازم تروح على طول لزيت الفتيس
اولا هاتقيس زيت الفتيس وتشوف مستواة وحالتة بالمرة
لو زيت الفتيس هو اللى بيقل يبقى نشوف واحدة واحدة ممكن التسريب يكون من اية
اولا ممكن تكون الطبة
او ممكن يكون اويلسيلات الكبالن الداخلية
او من جوان حلة الفتيس
بس الافضل انك تغسل الموتور بالجاز وبعدين بالمياه والصابون عشان عينك تقدر تجيب الجزء اللى بيجيب زيت

[ahmedscondo]

الف مليوووون شكر
انا بفتح الكابوت وبشوف الزيت بلقيه عند العلامه مش بينقص مش ده قصدك بقياس الزيت
طيب معلش بالنسبه لزيت الفتيس اشوفه ازاى

[احمد على 1999]

دا عند الميكانيكى او بتاع الزيت بيقيسه من طبه كشف فى حلة الفتيس المفروض و العربية موازية للارض تماما و الفتيس سخن يفك الطبة يبقى الزيت يا دوب على الحافة لو زيادة يسيبه ينزل لو منقطتش يزود حبة لغاية لما يظهر

هى البقعة اد ايه تقريبا بعد ركنة ليلة ؟

[ahmedscondo]

اكبر من غطاء رجاجه مياه بحاجه بسيطه