غيرت جوان وش السلندر وقلقان

[كنتوش]

السلام عليكم ورحمة الله وبركاته
انا النهارده غيرت جوان وش السلندر كان ضرب وكان الريداتير ميته بتخلص بسرعه رهيبه المهم لما فكينا الوش لقينا الموتور عايم فى الميه جبنا جوانين لانه كان راكب جوانين الميكانيكى قاللى مش محتاج خرط لانه مش مقفع بس الملاحظات بعد التركيب مقلقانى طبعا الميكانيكى بيقول مبررات بس انا حاسس انها اشتغالات فارجوا ان اطمئن من اهل الخبره
الملاحظات
1 - بعد ما ركب ودور العربيه شويه بشوف مقاس الزيت لقيت برضه الزيت مطحن بس حاجه خفيفه قاللى عادى دول شوية كانو فى الكارتيره ومع التغيير التانى للزيت هيختفوا
2 - لقيت دخان ابيض طالع من الشكمان زى بخار الميه كده وقاللى عادى ده كان معبى ومع الوقت هيروح
3 - لقيت الريداتير بيطلع فقاقيع والعربيه دايره بس مش كتيره يعنى حاجه خفيفه كده قاللى عادى ده من تقليب المياه
4 - خليته غسل الموتور بالجاز والحوض وكده وبعدها وانا ماشى العربيه سخنه مش زى ما كانت عليه فى الاول وقاللى عادى علشان غسلناها وكمان الجوان بيطبع
5 - لمبة الزيت مش بتطفى بسرعه وكمان ما بقتش تطفى نهائى بقت تطفى نص نص يعنى اضائتها بتبقى مش شديده ولكن مش مختفيه وده لسه مكتشفه حالا علشان بانت بالليل
هل كلامه سليم وهل فيه اختبار اعمله اتاكد منه ان الجوان اتركب صح وتمام وكمان اغير زيت وفلتر كمان قد ايه
وشكرا لكم جميعا

[كنتوش]

يا جماعه حد يفيدنى

[احمد على 1999]

حاجة تقلق
ما نوع العربية ؟
اسباب تلف الجوان المرة الاولانية و التانية؟
مين الي حدد ان الوش مكنش قفع هو و لا خراط؟
ممكن يكون عنده حق في موضوع اثار الطحينة بالذات لو المية مبتنقصش
و هل لما بتزود بنذين المية بتنفخ؟
و جرب تبقي باصص علي المية لحظة التدوير
كل الي فات كوم و موضوع لمبة الزيت كوم تاني
ده الي ميتسكتش عليه

[samirayad]

هل كلامه سليم

للأسف كلامه غير سليم

ويجب عليك الذهاب لميكانيكى آخر

لأخذ أحتياطاتك

[msmsaas]

غير زيت وبعدين راقب المياه فى الردياتير عند تشغيل السيارة اذ نفغ المياه اذهب للميكانيكى